ПАРЧАМИ ДАВЛАТӢ БАЁНГАРӢ ОЗОДӢ ВА СОҲИБИСТИҚЛОЛӢ АСТ!

Тибқи нақша дар 43 ташкилоту муассисаҳо, Ҷамоати шаҳракҳо ва корхонаву идораҳои шаҳри Гулистон Рӯзи ягонаи ахбори сиёсӣ дар мавзуи “Парчами давлатӣ баёнгарӣ озодӣ ва соҳибистиқлолӣ аст!” баргузор гардид.

Дар баргузории Рӯзи ягонаи ахбори сиёсӣ намояндагони Мақомоти иҷроияи ҳокимияти давлатии вилояти Суғд Файзулло Муҳиддинов, дотсенти кафедраи таърихи ватан ва археологияи факултети таърих ва ҳуқуқи МДТ “Донишгоҳи давлатии Хуҷанд ба номи академик Бобоҷон Ғафуров”, Мавлуда Шарифзода, узви Иттифоқи журналистони Тоҷикистон, собиқадори меҳнат ва Бобоев Абдуазиз дотсенти МДТ “Донишгоҳи давлатии Хуҷанд ба номи академик Бобоҷон Ғафуров” иштирок намуданд.

Аз ҷумла, дар бахши фарҳанги шаҳр ва коллеҷи тиббии шаҳр тарғиботчиёни вилоятӣ ва шаҳрӣ иштирок намуданд.

МУЛОҚОТИ СУДМАНД

Тибқи нақшаи кории Мақомоти иҷроияи ҳокимияти давлатии шаҳри Гулистон дар толори муассисаи таҳсилоти миёнаи умумии №1-и маркази шаҳри Гулистон бо иштироки Мадинахон Салимзода, мудири бахши ҳифзи ҳуқуқи кӯдак дар вилояти Суғд, Рухшона Содиқзода, кор бо ноболиғони ШВКД шаҳри Гулистон, Матлуба Сатторова, сармутахассиси комиссия оид ба ҳифзи ҳуқуқи кӯдаки МИҲДи шаҳр бо хонандагон ва омӯзгорони муассисаи таълими вохӯрии судманд доир гардид.

Дар вохӯрӣ доир ба иҷрои уҳдадориҳои хонандагону волидон ҷиҳати таъмини риояи талаботи Қонуни Ҷумҳурии Тоҷикистон «Дар бораи масъулияти падару модар дар таълиму тарбияи фарзанд» ва пешгирии ҷинояткорӣ аз ҷумла ғоратгарӣ, дуздӣ ва дигар ҳодисаҳои номатлуб, тарзи либоспўшии хонандагон ва шомил нашудан баҳњар гуна ҳизбу ҳаракатҳои экстремистӣ суханронӣ гардид. Зикр карда шуд, ки дар қисми дуюми моддаи 34-и  Констутсияи Ҷумҳурии Тоҷикистон омадааст, ки «Падару модар барои таълиму тарбияи фарзандон масъул мебошанд». Вазифаи падару модар муҳайё намудани шароити мусоид барои инкишофи мӯътадили  ҷисмонӣ ва руҳии фарзанд, таъмини шароити арзандаи зиндагӣ ва пеш аз ҳама масъулият барои пешгирӣ ва роҳ надодан ба тамоми амалҳои ношоистае, ки фарзандонашон метавонанд аз беаҳмиятии онҳо содир намоянд. Беҳуда нагуфтаанд, ки “Фарзанд азиз, одабаш аз он азизтар”.

Чорабинии тантанавӣ бахшида ба Рӯзи Президенти Ҷумҳурии Тоҷикистон

16 ноябри соли 2021 дар толори Кохи фарҳангии “Истиқлол”-и шаҳри Гулистон чорабинии тантанавӣ бахшида ба Рӯзи Президенти Ҷумҳурии Тоҷикистон баргузор гардид. Чорабинии тантанавӣ бо садо додани Суруди миллӣ шурӯъ гардид. Раиси шаҳр Бахтиёр Саидаҳмадзода ҳамагонро бо Рӯзи Президенти Ҷумҳурии Тоҷикистон муборакбод намуд. Раиси шаҳр иброз дошт, ки бо як ҷаҳон ихлосу самимият ва эҳтироми бепоён аз сиёсати хирадмандона ва дурбинонаи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон тамоми мардуми саодатманди шаҳрро бо Рӯзи Президенти Ҷумҳурии Тоҷикистон сидқан муборакбод менамоям.

Таҷлили Рӯзи Президенти Ҷумҳурии Тоҷикистон нишони садоқат ва муҳаббати бепоёни мардуми сарбаланди Тоҷикистон ба Пешвои маҳбуби миллат мебошад, зеро ба шарофати сиёсати оқилонаву ҳадафмандона ва ояндасози Пешвои муаззами миллат Тоҷикистони соҳибистиқлол дар роҳи бунёди давлати демократӣ, ҳуқуқбунёд, дунявӣ ва ягона қадамҳои устувор гузошта, рушди босуботи мамлакат таъмин гардидааст.

Табрикоти Раиси шаҳри Гулистон Бахтиёр Саидаҳмадзода ба муносибати таҷлили Рӯзи Президенти Ҷумҳурии Тоҷикистон

Ҳамшаҳриёни гиромӣ!

Мансаби президентӣ муқаррароти конститутсионӣ буда, дар Конститутсияи Ҷумҳурии Тоҷикистон тартибу шартҳои ба ин мансаби олии ҳокимияти давлатӣ интихоб шудан ва лаҳзаи ба фаъолият шурӯъ намудани Президент муқаррар гардидааст.

27 сол муқаддам, рӯзи 16-уми ноябри соли 1994 маҳз дар ҳамин рӯзи тақдирсозу муайянкунандаи рушди минбаъдаи бомароми Тоҷикистон марҳилаи нави муҳими давлатӣ, яъне тибқи Конститутсияи давлати соҳибихтиёр дар Ҷумҳурии Тоҷикистон идоракунии президентӣ оғоз ёфта, Президенти тозаинтихобгардида ба иҷрои вазифа шурӯъ намудааст.

Бо манзури эҳтирому эътирофи фазилати сиёсатмадориву давлатдории навини кишвар, таъмини сулҳу ваҳдату ягонагии мардуми сарзамин ва болоравии обрӯву нуфузу мақоми Тоҷикистони соҳибистиқлоли мо дар арсаи байналмилалӣ, ки ин паёмадҳо дар маҷмӯъ, ба салоҳиятнокиву фаъолияти босамари Президенти Ҷумҳурии Тоҷикистон вобастагӣ дорад, дар қонунгузории кишварамон рӯзи 16 ноябр ҳамчун Рӯзи Президенти Ҷумҳурии Тоҷикистон пазируфта шудааст.