Маҷлиси Ҳукумати Ҷумҳурии Тоҷикистон баргузор гардид

30 ноябр таҳти раёсати Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон, Раиси Ҳукумати Ҷумҳурии Тоҷикистон муҳтарам Эмомалӣ Раҳмон маҷлиси Ҳукумати Ҷумҳурии Тоҷикистон баргузор шуд.

Дар кори маҷлис нахуст оид ба ҷараёни иҷрои қарори Ҳукумати Ҷумҳурии Тоҷикистон “Дар бораи Нақшаи чорабиниҳо оид ба беҳтар намудани фазои сармоягузорӣ дар соҳаи кишоварзӣ ва рушди тиҷорати аграрии Ҷумҳурии Тоҷикистон барои солҳои 2019-2021” ҳисоботи вазири кишоварзии Ҷумҳурии Тоҷикистон Сулаймон Зиёзода шунида шуд.

Таъкид гардид, ки барои тақвият бахшидан ба рушди соҳаи кишоварзӣ, дастгирии соҳибкорӣ ва ҷалби бештари сармоя ба комплекси агросаноатии ҷумҳурӣ бо иқдоми Пешвои миллат муҳтарам Эмомалӣ Раҳмон аз тарафи Ҳукумати кишвар як қатор имтиёзҳои тарифию андозӣ пешниҳод гардид. Дар асоси кодексҳои андоз, гумрук ва Қонуни Ҷумҳурии Тоҷикистон “Дар бораи Буҷети давлатии Ҷумҳурии Тоҷикистон барои соли 2021” барои соҳаи кишоварзӣ 14 имтиёзи фискалӣ пешбинӣ шудааст, ки ин зиёда аз 13 фоизи шумораи умумии имтиёзҳои давлатиро дар бар мегирад.

Пешвои миллат Эмомалӣ Раҳмон ба Қонуни Ҷумҳурии Тоҷикистон «Дар бораи Буҷети давлатии Ҷумҳурии Тоҷикистон барои соли 2022» имзо гузоштанд

30 ноябр Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Қонуни Ҷумҳурии Тоҷикистон «Дар бораи Буҷети давлатии Ҷумҳурии Тоҷикистон барои соли 2022» имзо гузоштанд.

Дар Буҷети давлатӣ ба соҳаҳои иҷтимоӣ бартарӣ дода шуда, ба ин бахшҳо қариб нисфи маблағи Буҷети давлатӣ равона шудааст.

Чунин бартарӣ ба соҳаҳои иҷтимоӣ аз моҳияти иҷтимоии сиёсати Президенти Ҷумҳурии Тоҷикистон муҳтарам Эмомалӣ Раҳмон сарчашма гирифта, ба ҳифзи ҳамаҷонибаи иҷтимоии халқи кишвар ва беҳдошти зиндагии онҳо равона шудааст.

Президенти Ҷумҳурии Тоҷикистон Эмомалӣ Раҳмон Вазири корҳои хориҷии Ҷумҳурии Корея Чон Ий Ёнро ба ҳузур пазируфтанд

29 ноябр дар Қасри миллат Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон Вазири корҳои хориҷии Ҷумҳурии Корея Чон Ий Ёнро, ки бо сафари расмӣ ва ҷиҳати иштирок дар Форуми «Осиёи Марказӣ — Ҷумҳурии Корея» дар Тоҷикистон қарор дорад, ба ҳузур пазируфтанд.

Дар мулоқот вазъи феълии муносибатҳои ҳамкории ду кишвар ва масъалаҳои муҳими рӯзномаи байналмилалию минтақавӣ баррасӣ гардид.

Президенти мамлакат муҳтарам Эмомалӣ Раҳмон таъкид доштанд, ки мо Кореяро дар арсаи байналмилалӣ ҳамчун шарики боэътимоди худ медонем ва ба рушди минбаъдаи муносибатҳои ҳамкорӣ бо он мутобиқ ба манфиатҳои муштарак аҳамияти хос медиҳем.

ТОЗА НИГОҲ ДОШТАНИ ШАҲР МАРОМИ МОСТ!

Дар шаҳри Гулистон бо иштироки кормандони ташкилоту муассисаҳои ҳудуди шаҳр ҷиҳати тозаву озода намудани маҳалли зист ва хиёбонҳои шаҳр ба таври дастҷамъона тозагии маҳал гузаронида шуд. Дар тозагии маҳал кормандони соҳаҳои маориф, фарҳанг, тандурустӣ, ҷавонон ва дигар муассисаҳои буҷетӣ фаъолона иштирок намуданд. Корманди ташкилоту муассисаҳо  пеш аз ҳама ҳудуди муассиса ва корхонаи худро тозаву озода намуданд. Дар шаҳри Гулистон мунтазам ҳашарҳои умумишаҳрӣ ва аксияҳои тозагии маҳал гузаронида мешавад. Амалҳои мазкур ҷиҳати тозаву озода намудани шаҳр, паҳншавӣ ва пешгирии  ҳаргуна бемориҳои сироятӣ, ободу зебо ва хуррам гардонидани шаҳри сайёҳон ба роҳ монда мешавад.

Дар идомаи корҳои тозагию ободонӣ бо иштироки бевоситаи раиси шаҳр Бахтиёр Саидаҳмадзода маъракаи ниҳолшинонӣ дар назди биноҳои навбунёди КИ ҲХДТ ва Муассисаи таҳсилоти иловагии шаҳр гузаронида шуд. Навниҳолҳои дар назди ин биноҳо шинонидашуда аз хориҷи кишвар бо арзиши баланд ворид карда шудаанд, ки дар ҳусну таровати шаҳр зебогии навро зам мекунанд. Ин тадбирҳо минбаъд низ идома ва густариш дода мешавад.