Пешвои миллат Эмомалӣ Раҳмон барои рушди соҳаи моҳипарварӣ дар шаҳри Хуҷанд ба дарёи Сир як миллион дона моҳича сар доданд

8 июл дар идомаи сафари корӣ дар шаҳру ноҳияҳои вилояти Суғд Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон барои рушди соҳаи моҳипарварӣ дар шаҳри Хуҷанд ба дарёи Сир як миллион дона моҳича сар доданд.

Бояд гуфт, ки моҳичаҳо зотҳои “амури сафед”, “пешонапаҳми сафед” ва “зағорамоҳӣ” мебошад, ки дар ҳавзҳои ҳоҷагии моҳипарварии Ҷамъияти дорои масъулияти маҳдуди “Корпоратсияи моҳии тоҷик” дар ноҳияи Бобоҷон Ғафуров парвариш карда шудааст. Тадбири мазкур бо ташаббуси Пешвои миллат муҳтарам Эмомалӣ Раҳмон аз тарафи Мақомоти иҷроияи ҳокимияти давлатии вилояти Суғд ва Кумитаи ҳифзи муҳити зисти назди Ҳукумати Ҷумҳурии Тоҷикистон бо мақсади афзоиш додани саршумори моҳӣ дар дарёи Сир роҳандозӣ гардид.

Тавре масъулон иттилоъ доданд, ҳоло дар ҳудуди вилояти Суғд 63 хоҷагии моҳипарварӣ ба қайд гирифта шудааст, ки масоҳати умумии ҳавзҳо барои парвариши моҳӣ 685 гектарро ташкил медиҳад. Хоҷагиҳои моҳипарварӣ дар ноҳияҳои Бобоҷон Ғафуров, Ҷаббор Расулов, Спитамен, Ашт, Айнӣ ва дар шаҳрҳои Конибодом, Исфара ва Панҷакент фаъолият мекунанд, ки дар онҳо асосан, моҳии зотҳои “амури сафед”, “пешонапаҳми сафед”, “зағорамоҳӣ”, “гулмоҳӣ” “тосмоҳӣ” ва чанд намуди дигар парвариш карда мешавад.

Баргузории ҳашари тозагиву ободонӣ дар шаҳри Гулистон

Имрӯз, 01.07.2023 Мақомоти иҷроияи ҳокимияти давлатии шаҳри Гулистон баргузории ҳашари тозагиву ободониро ба роҳ монд.

Намояндагони ҷомеаҳои меҳнатии корхонаву муассисаҳо, ташкилоту идораҳо, кормандони соҳаҳои маориф, фарҳанг, тандурустӣ ва дигар соҳаҳои хоҷагии халқи шаҳр ба ҳашари тозагиву ободонӣ баромаданд.

Дар ҳашати тозагиву ободонӣ аҳли ҷомеаи меҳнатии шаҳр шафати роҳи асосӣ, атрофи корхонау муассиса, ҷойҳои ҷамъиятӣ ва хиёбону гулгаштҳоро аз хасу хошок тоза намуда,баровардани партовҳоро ба роҳ монданд.

Номаи табрикотии Раиси шаҳри Гулистон Раъно Ҳошимзода ба муносибати Иди саиди Қурбон

Ҳамшаҳриёни гиромӣ!

Ба муносибати  Иди саиди суннатӣ, тамоми сокинони шаҳри Гулистонро самимона табрик гуфта, ба хонадони Шумо оромиву осоиш, рӯзгори обод ва файзу баракат орзу менамоям.

Тавассути сиёсати оқилона ва дурбинонаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар солҳои Истиқлолияти давлатӣ мо ба дастовардҳои калони меҳнатӣ ноил гашта, рӯҳияи созандагӣ ва бунёдкории мардум ҳамарӯза вусъат гирифта, боварии мардум ба фардои неку дурахшон қавӣ ва устувор мебошад.

Имрӯзҳо дар ҳудуди шаҳри мо корҳои бунёдкоронаву созандагӣ ба истиқболи 35-умин солгарди Истиқлолияти давлатӣ баҳри тақвияти корҳои ободонӣ, беҳдошти вазъи зиндагии мардум, пешбурди соҳаҳои хоҷагии халқ тадбирҳои зиёд амалӣ карда мешаванд.

Аёдати сарбозони қисми низомии 07746-и Маркази таълимии гарнизои Суғд ба муносибати Рӯзи Ваҳдати миллӣ

Тибқи нақшаи чорабиниҳои мақомоти иҷроияи ҳокимияти давлатии шаҳр сарбозони қисми низомии 07746 Маркази таълимии гарнизони Суғд аёдат карда шуданд.

Муовини якуми Раиси шаҳр Даврон Мушаммадзода, намояндаи Мақомоти иҷроияи ҳокимияти давлатии вилояти Суғд, раиси ҷамоати шаҳраки Чоруқдаррон Наргиза Бердиева сарбозонро бо Рӯзи Ваҳдати миллӣ муборакбод намуда, зимни суҳбат бо сарбозон аз дастгириву ғамхориҳои Сарфармондеҳи Қувваҳои Мусаллаҳи Ҷумҳурии Тоҷикистон Пешвои муаззами миллат муҳтарам Эмомалӣ Раҳмон ёдовар гардида, таъкид намуд, ки ҳукумати кишвар ҷиҳати беҳтар намудани сатҳу сифати хизмат ва фароҳам овардани шароитҳои мусоид пайваста тадбирҳои мушаххас андешида, дар ин самт як қатор корҳои назаррасро ба сомон расонид.

Ҳамчунин, таъкид карда шуд, ки мақомоти иҷроияи ҳокимияти давлатии шаҳр дар остонаи таҷлили ҳамаи иду ҷашнҳо ҷиҳати дастгирӣ ва ҳавасманд гардонии сарбозон чораҳои муассир меандешад.