ҒОЛИБИЯТ МУБОРАК! - сокини шаҳри Гулистон дар даври вилоятии озмуни ҷумҳуриявии "Зеби дастархон" сазовори мақоми дуюм гардид

Тибқи ҷадвали баргузории фестивал, намоиш, ид, озмунҳои анъана ва ҳунарҳои мардумӣ ва ҷашну солгардҳо дар сатҳи ҷумҳурӣ барои соли 2023, ки бо Амри Президенти Ҷумҳурии Тоҷикистон аз 03 январи соли 2023, № АП-318 тасдиқ гардидааст 10 август дар тарабхонаи"Суғдиён"-и шаҳри Хуҷанд даври вилоятии озмуни ҷумҳуриявии нон ва маҳсулоти нонӣ таҳти унвони " Зеби дастархон" доир гардид.

Муовини Раиси вилояти Суғд Анвар Яъқубӣ зимни боздид аз растаи бонувони моҳири шаҳру ноҳияҳои вилояти Суғд, ғолибони даври аввал ва дуюми озмун ба маҳорати онҳо баҳои баланд дода, изҳор дошт, ки бо сиёсати инсондӯстонаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон хушбахтона дар мамлакат заминаи мусоид барои зиндагии шоистаи сокинон фароҳам гардида, баргузории озмуни мазкур намунаи равшани гуфтаҳои болоист.

Зикр гардид, ки ҳадафи озмуни мазкур эҳёи анъанаҳои миллӣ ва суннатҳои беҳтарини нонпазии ниёгон, тарғиби эҳтиром ба нон ва ҳунари нонпазӣ, ба наслҳои оянда мерос гузоштани санъати волои нонпазӣ ва амсоли инҳо маҳсуб меёбад.

Табрикоти Раиси шаҳри Гулистон Раъно Ҳошимзода ба муносибати Рӯзи варзишгарон

Варзишгарони арҷманди гулистонӣ!

Ҳамасола 10 август, дар кишвари соҳибистиқлоламон Рӯзи варзишгарон бо шукӯҳу шаҳомати хоса таҷлил мегардад. Ин санаи фархундаро ба кулли варзишгарон, собиқадорону мураббиён ва кормандони соҳаи варзиши шаҳр табрику таҳният гуфта, бароятон саодати рӯзгор, тансиҳативу хонаободӣ, муваффақият ва дастовардҳои калони варзиширо таманно дорам.

Варзиш қосиди сулҳу ваҳдат аст. Чуноне ки Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон қайд менамоянд: «Варзиш омили тавоноӣ, таҳкими дӯстӣ ва ҳамкории халқияту давлатҳо мебошад».

Роиҷ ба зикр аст, ки ҳанӯз аз замонҳои қадим мардуми мо ба тарбияи ҷисмонӣ ва варзиш рағбати зиёд дошта, онро ҳамчун воситаи муҳими беҳдошти саломатӣ, ташаккули ҷисмониву маънавӣ ва мустаҳкам намудани дӯстӣ байни қавмҳо васеъ истифода менамудаанд.

БАРГУЗОРИИ БАРНОМАҲОИ ФАРҲАНГИВУ АДАБИИ ШАҲРИ ГУЛИСТОН ДАР ПОЙТАХТИ КИШВАР - ШАҲРИ ДУШАНБЕ

Бегоҳирӯзии 05.08.2023 тибқи нақшаи тасдиқгардидаи Дастгоҳи иҷроияи Презиленти Ҷумҳурии Тоҷикистон дар боги ба номи "Низомиддин Алишер Навоӣ"-и шаҳри Душанбе барномаи фарҳангиву адабии санъаткорони шаҳри Гулистон пешкаши сокинони пойтахт карда шуд.

Дар чорабинии фарҳангӣ муовини Раиси шаҳри Душанбе Сиҷоуддин Саломзода, Раиси шаҳри Гулистон Раъно Ҳошимзода, роҳбари гурӯҳи корӣ ба истиқболи 35-солагии Истиқлоли давлатии Ҷумҳурии Тоҷикистон, директори Агентии таъминоти амволи махсуси назди Ҳукумати Ҷумҳурии Тоҷикистон Савзаалӣ Назирзода ва дигар шахсони масъул иштирок доштанд.

Нахуст муовини Раиси шаҳри Душанбе Сиҷоуддин Саломзода суханронӣ намуда,  аз рушду тараққиёти кишвар таҳти роҳбарии хирадмандонаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ёдовар гардида, ба сокинони шаҳри Гулистон ҷиҳати пешкаш намудани намоиш-фурӯши маҳсулоти кишоварзӣ, ҳунарҳои мардумӣ, таомҳои миллӣ ва барномаи фарҳангиву адабӣ изҳори сипос намуд.

БАРҚИЯИ ИЗҲОРИ ТАСАЛЛӢ!

Мақомоти иҷроияи ҳокимияти давлатии шаҳри Гулистон аз номи сокинони шаҳр ба аҳли хонавода ва пайвандони фавтидагони садамаи мудҳиши нақлиётӣ дар шаҳри Кӯлоб  ки 6-уми августи соли ҷорӣ дар роҳи "Душанбе-Кулоб-Хоруғ" дар километри якум дар ҳудуди кӯчаи Ҷумъа Алии шаҳри Кӯлоб  рӯй дода, талафоти моливу ҷониро ба миён овард, изҳори ҳамдардӣ намуда, ба аҳли пайвандони ҳалокшудагон аз даргоҳи Худованд сабри ҷамил ва ба маҷруҳшудагони ин садамаи фоҷиабор шифои комилу оҷил хоҳон аст.

Бани одам аъзои якдигаранд,

Ки дар офариниш зи як гавҳаранд.

Чу узве ба дард оварад рӯзгор,

Дигар узвҳоро намонад қарор.

Бо Шумо ғамшарикем, мардуми Кӯлоби бостон!