Боздид аз муассисаҳои соҳаи маориф, тандурустӣ ва фарҳанги ҷамоати шаҳракҳои Чоруқдаррон ва Консой

Имрӯз, 23.08.2023 муовини Раиси шаҳр Ғайрат Оқилзода аз муассисаҳои соҳаи маориф,  тандурустӣ ва фарҳанги ҷамоати шаҳракҳои Консой ва Чоруқдаррон  ҷиҳати омодагӣ ба соли нави хониш ва омодагӣ ба давраи тирамоҳу зимистони солҳои 2023-2024 дидан намуд.

Нахуст аз муассисаи таҳсилоти миёнаи умумии №3-и шаҳраки Консой дидан карда шуд. Иттилоъ дода шуд, ки дар муассисаи таълимӣ таъмири синфхонаҳо ба анҷом расида, корҳои таъимрӣ дар толори варзишӣ ва маҷлисгоҳ идома дорад. Сару либоси хонандагони муассисаҳои таълимӣ 80 дарсад омода гардидааст. Дар муассиса барои зимистонгузаронӣ ангишт, ҳезум ва сӯзишвориро ба қадри зарурӣ захира карда шудааст.

Сипас, аз муассисаи таълимии томактабии №11, бемохона, маркази саломатӣ ва клуби фарҳангии шаҳрак дидан карда шуда, аз рафти омодагӣ зимистонгузаронӣ дидан карда шуд. Дар муассисаҳои мазкур барои зимистонгузаронӣ маводҳои зарурӣ захира карда шудааст.

Ҷаласаи Комиссияи ҷамъиятӣ оид ба пешгирии коррупсия дар назди мақомоти иҷроияи ҳокимияти давлатии шаҳр баргузор гардид

Санаи 22.08.2023 дар толори хурди мақомоти иҷроияи ҳокимияти давлатии шаҳр ҷаласаи Комиссияи ҷамъиятӣ оид ба пешгирии коррупсия дар назди мақомоти иҷроияи ҳокимияти давлатии шаҳр доир гардид. Комиссия таҳти раёсати муовини якуми Раиси шаҳр Даврон Муҳаммадзода доир гардид. Дар кори ҷаласа аъзои Комиссияи ҷамъиятӣ ва дигар шахсони масъул иштирок намуданд. Тибқи рӯзномаи ҷаласа гузориши котиби Комиссияи ҷамъиятӣ оид ба пешгирии коррупсия дар назди мақомоти иҷроияи ҳокимияти давлатии шаҳр Баҳодур Аҳмадҷонов доир ба ҳолати иҷрои Нақшаи чорабиниҳои идоравии амалисозии “Стратегияи давлатии муқовимат ба коррупсия дар Ҷумҳурии Тоҷикистон барои давраи то соли 2030” дар мақомоти иҷроияи ҳокимияти давлатии шаҳр шунида шуд.

Зикр карда шуд, ки Комиссия барои иҷрои Нақшаи чорабиниҳои идоравии амалисозии “Стратегияи давлатии муқовимат ба коррупсия дар Ҷумҳурии Тоҷикистон барои давраи то соли 2030” корҳои назаррасро ба сомон расонида, дар ин давра мунтазам бо аҳолӣ корҳои тарғиботиву ташвиқотӣ ва ба масъулин ёрии методӣ расонид.

ЭҲЁИ МИЛЛАТ – БАҚОИ ДАВЛАТ

Муқаддима

Зуҳури инсон дар табиат падидаи фавқулода ва истисноист.  Зеро он ягона мавҷудоти соҳибшуур мебошад, ки чунин афзалиятро тавассути забон ва амали мувофиқ ба муҳтавои майнаи хеш, мақсаднок, бо дарназардошти оқибати кирдори содиркардааш ва дарки фаҳми натиҷаи он ба намоиш мегузорад.

Таъйиноти мантиқӣ ва моҳиятии фарди бохирад, таҳаввул ва такомули муҳиту ашё ба манфиати таъмини амният, офият, рушд ва пешрафти ҷомеа аст. Чунин талабот дар раҳи рост ва ба тарзи одӣ ба вуҷуд наомадааст. Он натиҷаи мураккабтарин ҷараёнҳои диалектикиест, ки ҳамчун маҳсули ҳазорсолаҳо дар шакли имрӯза муаррифӣ мегарданд.

Таърихи инсоният, дар маҷмуъ, таърихи сулҳ нест.  Таърихи ҷангу мубориза ва низоъҳо аст, ки ҳамчун шакли сиёсат ҳамсафари ҳаёти одамон мебошад.

Роҳи беморхонаи шаҳраки Адрасмон мумфарш карда шуд

Дар доираи корҳои ободонию созандагӣ ба истиқболи ҷашни 35-солагии Истиқлоли давлатии Ҷумҳурии Тоҷикистон имрӯзҳо дар шаҳр корҳои ободонию созандагӣ бо маром ҷараён дорад. Дар шаҳраки Адрасмон низ дар ин самт як қатор корҳо ба анҷом расонида шуда истодааст.

Бо дастгирии соҳибкорони маҳаллӣ ва шахсони саховатпеша роҳи бемохонаи шаҳрак пурра мумфарш карда шуд. Лозим ба зикр аст, ки дар шаҳрак бо дастгирии мақомоти иҷроияи ҳокимияти давлатии шаҳо сохтмони шуъбаи кӯдаконаи беморхонаи шаҳрак ҷараён дорад.