Шиносоӣ бо омодагии муассисаҳои таълимии маркази шаҳраки Адрасмон ба соли нави хониш ва зимистонгузаронӣ

Санаи 25.08.2023 гурӯҳи кории мақомоти иҷроияи ҳокимияти давлатии шаҳр дар ҳайати мудири шуъбаи рушди иҷтимоӣ ва робита бо ҷомеаи дастгоҳи Раиси шаҳр Фаридуншоҳ Абдуллоев, сармутахассиси шуъбаи маорифи шаҳр Гулрабо Ҷабборӣ, сармутахассиси бахши кор бо ҷавонон ва варзиши шаҳр Наимҷон Шарифов ва Зулфия Ҷумаева китобдори шуъбаи маорифи шаҳр аз муассисаҳои таҳсилоти миёнаи умумии №5, №7, №13 ва муассисаи таълимии томактабии №21-и маркази шаҳраки Адрасмон ҷиҳати омодагии муассисаҳои таълимӣ ба соли нави хониш, пурра аз таъмир баровардани муассисаҳо ва омодагӣ ба давраи тирамоҳу зимистони солҳои 2023-2024 дидан намуданд.

Ҳангоми боздид маълум гардид, ки муассисҳаои таҳсилоти миёнаи умумии №5, №7, №13 ва муассисаи таълимии томактабии №21-и маркази шаҳраки Адрасмон ҷиҳати омодагӣ ба соли нави хониши 2023-2024 тадбирҳои зарурӣ андешида, ҳамаи синфхонаҳоро аз таъмир бароварда барои оғози соли нави хониш омодагии ҳамаҷониба дидаанд.

Дар ҳамаи муассисаҳо таъмини хонандагон бо сарулибоси ягонаи мактабӣ бо маром ҷараён дорад ва тибқи иттилои масъулин то оғози соли нави хониш хонандагон бо сарулибоси ягонаи мактабӣ таъмин карда мешаванд.

Ҷаласаи Комиссияи ҳудудии муқовимат ба савдои одамон дар назди мақомоти иҷроияи ҳокимияти давлатии шаҳр баргузор гардид

Санаи 24.08.2023 таҳти раёсати муовини якуми Раиси шаҳр Даврон Муҳаммадзода тибқи нақшаи кории Комиссияи ҳудудии муқовимат ба савдои одамон дар назди мақомоти иҷроияи ҳокимияти давлатии шаҳри ҷаласаи корӣ баргузор гардид.

Дар кори ҷаласаи аъзои Комиссия ва дигар шахсони масъул иштирок намуданд.

Тибқи рӯзномаи ҷаласа масъалаҳои зерин мавриди баррасӣ ва муҳокима қарор дода шуданд. Баррасӣ ва таҳлили рафти иҷрои Нақшаи дохилиидоравии муқовимат ба савдои одамон дар назди мақомоти иҷроияи ҳокимияти давлатии шаҳр барои солҳои 2022 – 2024 ва азифагузориҳо ба аъзои Комиссия.

Таъкид карда шуд, ки сиёсати давлатӣ дар самти муқовимат ба савдои одамон бо назардошти вазъияти дохилӣ ва берунии муқовимат ба савдои одамон, ҳолати воқеӣ, тамоюл ва пешгӯии афзоиши ин намуди ҷинояткорӣ, инчунин ҳолати расонидани кумак ба қурбониёни савдои одамон дар асоси қонунгузории Ҷумҳурии Тоҷикистон ва санадҳои ҳуқуқии байналмилалии эътирофнамудаи Тоҷикистон, ки ба мубориза бар зидди ҷинояткории муташаккилонаи трансмиллӣ, савдои одамон ва расонидани кумак ба қурбониёни ҷиноятҳои зикргардида равона шудаанд, ташаккул меёбад.

Мақоми дуюм дар озмуни вилоятии Беҳтарин муассисаи давлатии таълимии томактабӣ

Муассисаи таълимии томактабии №5-и шаҳраки Чоруқдаррони шаҳр дар озмуни вилоятии Беҳтарин муассисаи давлатии таълимии томактабӣ дар миёни муассисаҳои давлатии таълимии томактабии 18 шаҳру навоҳии вилоят сазовори мақоми дуюм гардида, дар машварати августии кормандони соҳаи маорифи вилоят бо диплом ва туҳфаи пулии Мақомоти иҷроияи ҳокимияти давлатии вилояти Суғд  дар ҳаҷми 3000 сомонӣ қадрдонӣ гардид.

Дар озмуни мазкур ба муассисаҳои далатии таълимии томактабӣ ҷиҳати корҳои ободонӣ дар муассиса, ҷиҳозонидан бо таҷҳизот, ҳамкорӣ бо падару модар ва дастовардҳои ба дастовардаи муассисаҳо ба назар гирифта шудааст.

Мақомоти иҷроияи ҳокимияти давлатии шаҳр ин ғолибиятро ба масъулини соҳа ва муассисаи мазкур муборакбод гуфта, барои муваффақиятҳои тоза дар ин самт барояшон комёбӣ таманно менамояд.

Боздид аз муассисаи таълимии №1-и маркази шаҳр

24.08.2023 муовини Раиси шаҳр Ғайрат Оқилзода аз муассисаи таҳсилоти миёнаи умумии №1-и маркази шаҳр ҷиҳати омодагӣ ба соли нави хониш, пурра аз таъмир баровардани муассиса ва омодагӣ ба давраи тирамоҳу зимистони солҳои 2023-2024 дидан намуд.

Иттилоъ дода шуд, ки дар муассисаи таълимӣ таъмири синфхонаҳо намои берунии бино пурра ба анҷом расида, дар гирду атрофи муассиса низ корҳои ободонӣ ба ба роҳ монда шуд. Муассиса барои қабули хонандагон ба соли нави хониши 2023-2024 омода мебошад. Сару либоси хонандагони муассисаҳои таълимӣ аз ҷониби ҶДММ “Маҳина” омода гардида, волидайн ҳамарӯза аз коргоҳи дӯзандагии мазкур, ки дар ҳудуди шаҳр ҷойгир аст сарулибоси хонандагонро дастрас намуда истодаанд. Дар муассиса барои зимистонгузаронӣ ангишт, ҳезум ва сӯзишвориро ба қадри зарурӣ захира карда шудааст.

муовини Раиси шаҳр Ғайрат Оқилзода аз синфхонаҳои муассиса ва макони нигоҳдории маводҳои зарурӣ барои зимистонгузаронӣ дидан намуда ба масъулини муассиса таъкид намуд, ки ҷиҳати омодагии ҳамаҷониба ба соли нави хониш, таъмини пурраи хонандагон бо сарулибоси мактабӣ ва зимистонгузаронӣ тадбирҳои зарурӣ андешанд.