ТАВАҶҶУҲ БА БАЛАНД БАРДОШТАНИ МАЪРИФАТИ ҲУҚУҚӢ

Санаи 06.06.2024 дар толори КИ ҲХДТ дар шаҳр тибқи нақшаи кории Суди конститутсионии Ҷумҳурии Тоҷикистон бахшида ба 30-солаги қабули Конститутсияи Ҷумҳурии Тоҷикистон ва эълон гардидани соли 2024 "Соли маърифати ҳуқуқӣ" бо сокинони шаҳр вохӯрӣ баргузор карда шуд.

Дар вохӯрии мазкур муовини якуми Раиси шаҳр Даврон Муҳаммадзода, судяи Суди конститутсионӣ Идрисзода Балаҷон, ёрдамчии Раиси Суди конститутсионӣ Равшанзода Ҷовид  ва раиси КИ ҲХДТ дар шаҳр Ҷамолиён Муслимахон иштирок ва суханронӣ намуданд.

Зикр карда шуд, ки дар Паёми навбатии худ Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикитсон муҳтарам Эмомалӣ Раҳмон ба Маҷлиси Олии кишвар пешниҳод намуданд, ки ба ифтихори 30-солагии қабули Конститутсияи Ҷумҳурии Тоҷикистон соли 2024 «Соли маърифати ҳуқуқӣ» эълон карда шавад. Вобаста ба ин Фармони Президенти Ҷумҳурии Тоҷикистон аз 30-юми декабри соли 2023 таҳти №668 Дар бораи “Соли маърифати ҳуқуқӣ” эълон намудани соли 2024 ба тасвиб расид.

ИСТИҚБОЛИ ТАНТАНАВИИ САРБОЗИ ШУҶОИ ВАТАН, ДАР МАРКАЗИ ШАҲРИ ГУЛИСТОН

Санаи  03.06.2024 дар доираи аксияи ҷумҳуриявии “Сарбози ватанро истиқбол мегирем!" дар маркази шаҳри Гулистон ҷавонмарди  асил Шерматов Шарифҷон ки қарзи шаҳрвандӣ, хизмат дар сафи Артиши миллиро ба анҷом расонида сарбаландона ба назди волидон баргаштанд, бо суруду шодмонӣ истиқбол гирифта шуд.

Дар фазои тантанавии истиқболи сарбози далери Ватан дар назди манзили иқоматиаш ба шодиву комронии волидон сурат гирифт.

Мудири бахши кор бо ҷавонон ва варзиши шаҳр Аҳлиддин Абдураҳмонов, мудири бахши кор бо занон ва оила Сатторова Матлуба,  мудири ШАМША  Ҷуразода Бахтовар ва дигар масъулин сарбозро барои иҷрои қарзи шаҳрвандӣ самимона таҳният гуфта, ба номбурда ва аъзои оилаи он Сипоснома ва туҳфаҳои хотиравӣ тақдим карда шуд.

Маросими савгандёдкунии наваскарон дар қисми ҳарбии 45025-и Кумитаи ҳолаҳои фавқулода ва мудофиаи граждании назди Ҳукумати Ҷумҳурии Тоҷикистон дар вилояти Суғд

Санаи 01.06.2024 дар қисми ҳарбии 45025-и Кумитаи ҳолаҳои фавқулода ва мудофиаи граждании назди Ҳукумати Ҷумҳурии Тоҷикистон дар вилояти Суғд маросими савгандёдкунии навдаъватшавандагон баргузор гардид.

Дар маросими савгандёдкунии сабозони навдаъватшуда муовини Раиси шаҳри Гулистон Шарифҷони Саидраҳмон, Додиён Баҳром Одина, полковник, сардори Раёсати Кумитаи ҳолатҳои фавқулода ва мудофиаи гражданӣ дар вилояти Суғд, полковник Файззода Баҳром, коменданти ҳарбии вилояти Суғд, полковник Саидзода Саидмаҳмуд, сардори филиали Донишкадаи ҳарбии вилояти Суғд  ва шахсони масъули қисми низомӣ, волидайни наваскарон ва ҷавонони шаҳри Гулистон иштирок намуданд.

Маросими савгандёдкунии наваскарон бо пешниҳоди гузориш ва садо додани Суруди миллии Ҷумҳурии Тоҷикистон оғоз гардид.

Дар фазои тантанавӣ наваскарони қисми ҳарбии 45025-и Кумитаи ҳолаҳои фавқулода ва мудофиаи граждании назди Ҳукумати Ҷумҳурии Тоҷикистон дар вилояти Суғд савганди садоқат ба халқу Ватанро қабул намуданд.

ТАҶЛИЛИ РӮЗИ БАЙНАЛМИЛАЛИИ ҲИФЗИ КӮДАКОН

Имрӯз, 1-уми июни соли 2024 дар Муассисаи давлатии Боғи фарҳангӣ-фароғатии “Темурмалик”-и шаҳри Гулистон ба муносибати Рӯзи байналмилалии ҳифзи кӯдакон чорабинии идона баргузор гардид. Дар даромадгоҳи Муассисаи давлатии Боғи фарҳангӣ-фароғатии “Темурмалик” Раиси шаҳри Гулистон Раъно Ҳошимзода бо намоиши омода намудаи кӯдакони муассисаҳои таълимии томактабӣ шинос гардида, ба кӯдакону наврасон туҳфаҳои хотиравӣ тақдим намуд.

Сипас, Раиси шаҳр Раъно Ҳошимзода кӯдакону наврасонро ба ин муносибат таҳният гуфт. Зикр гардид, ки рўзи 1-уми июн дар ҷаҳон ҳамчун Рўзи байналмилалии ҳифзи кўдакон таҷлил мегардад. Ин санаи муҳим ба мо ҳушдор медиҳад, ки масъулияти саломатӣ, тарбияи маънавии кӯдакону наврасон, фароҳам овардани шароити мусоиди таълиму тарбияи онҳо дар мактаб ва оила, инкишофи эҷодиёти бачагон ва тайёр намудани онҳо ба зиндагии оянда ба дӯши мост. Мо онҳоро бояд дӯст дорем ва меҳру муҳаббати худро дар вуҷуди поки кӯдакон ҷой диҳем. Ба ин муносибат ин рӯзи некро ҳамчун рӯзи баробариву бародарӣ ва ҳифзи манфиатҳои кӯдакони ҷаҳон, ба кулли сокинони шаҳри Гулистон самимона табрик мегӯям.