ТОЗАВУ ОЗОДА НИГОҲ ДОШТАНИ ШАҲР МАРОМИ МОСТ!

Имрӯз 23.09.2023 дар шаҳри Гулистон ҷиҳати тозаву озода намудани шаҳр ҳашари тозагӣ баргузор гардид.

Дар ҳашари тозагӣ  ташкилоту корхона, муассисаҳои соҳаи маориф, фарҳанг, тандурустӣ, колеҷи тиббӣ ва дигар соҳаҳои хоҷагии халқи шаҳр фаъолона иштирок намуданд.

Ҳифз  намудани табиат ва тозаю озода нигоҳ доштани гирду атроф ба инсонҳо вобастагии комил дошта, қарзи ҳамешагии шаҳрвандии мо мебошад.  Бо ин мақсад ҳашарчиён гирду атрофи корхонаву муассисаҳо, мавзеъҳои истироҳатӣ, шафати роҳи асосӣ, гирду атрофи нуқтаҳои савдо ва кӯчаву хиёбонҳои шаҳрро аз ҳама гуна хасу хошок, баргҳои дарахтон ва партовҳо тоза намуданд.

Вохӯрии судманд бо ҷавондухтарони муассисаҳои таълимӣ ва коллеҷи тиббии шаҳр

Санаи 22.09.2023 дар мактаби санъати маркази шаҳр тибқи ҷадвали вобастакунии масъулон бо ҷавонони муассисаҳои таҳсилоти олӣ, миёнаи касбӣ ва таҳсилоти миёнаи умумии шаҳру ноҳияҳо, ки аз ҷониби Мақомоти иҷроияи ҳокимияти давлатии вилояти Суғд тасдиқ гардидааст, ҷиҳати риояи ҳатмии талаботи қонунҳои Ҷумҳурии Тоҷикистон “Дар бораи танзими анъана ва ҷашну маросим дар Ҷумҳурии Тоҷикистон” ва “Дар бораи масъулияти падару модар дар таълиму тарбияи фарзанд”, баргузории мулоқоту вохӯриҳо дар мавзуи “Тарғибу ташвиқи эҳёи либосҳои миллӣ”, “Пешгирии паёмадҳои нохуши никоҳи хешутаборӣ ва никоҳи бармаҳал”, “Пешгирии вайроншавии оилаҳои ҷавон”, “Ҷалби занону духтарони хонашин барои ҳунарҳои дастӣ ва касбомӯзӣ” ва доир ба одобу ахлоқ вохӯрӣ баргузор гардид.

Дар вохӯрии мазкур мудири бахши кор бо занон ва оилаи мақомоти иҷроияи ҳокимияти давлатии шаҳр Сатторова Матлуба, мудири бахши бойгонии мақомоти иҷроияи ҳокимияти давлатии шаҳр Абдуллоев Муродҷон, сардори Раёсати кор бо занон ва оилаи вилояти Суғд Хоҷазода Хуршеда, Салимзода Мадина мудири бахши ҳифзи ҳуқуқи кӯдаки мақомоти иҷроияи ҳокимияти давлатии вилояти Суғд, Исоева Саида директори Маркази солимии репродуктивии шаҳр ва Исмоилова Меҳрангез мудири кабинети методии шуъбаи маорифи шаҳр иштирок ва суханронӣ намуданд.

Таҷлили бошукӯҳи Рӯзи Рӯдакӣ

Имрӯз, 22.09.2023 дар назди нипайкараи Абуабдуллоҳи Рӯдакӣ дар шаҳр ба муносибати Рӯзи Рӯдакӣ чорабинии фарҳангӣ баргузор карда шуд.

дар чорабинии мазкур муовини Раиси шаҳр Шарифҷони Саидраҳмон, мудири бахши фарҳанги шаҳр Насим Мамаҷонов, раиси КИ ҲХДТ дар шаҳр Ҷамолиён Муслимахон ва Биомина Мирзоева директори китобхонаи системаи марказонидашудаи шаҳр иштирок ва суханронӣ намуданд.

Нахуст, муовини Раиси шаҳр Шарифҷони Саидраҳмон номаи табрикотии Раиси шаҳри Гулистон Раъно Ҳошимзодаро ба муносибати таҷлили Рӯзи Рӯдакӣ манзури иштирокчиён гардонид.

Вохӯрии судманд доир ба шарҳу тавзеҳи Қонуни Ҷумҳурии Тоҷикистон "Дар бораи тарбияи ватандӯстии шаҳрвандон" ва пешгирии падидаҳои номатлуб дар ҷомеа

Санаи 21.09.2023 тибқи нақшаи кории тасдиқгардидаи мақомоти иҷроияи ҳокимияти давлатии шаҳр ва нақшаи кории филиали Иттифоқи ҷавонони Тоҷикистон дар шаҳр ҷиҳати шарҳу тавзеҳи Қонуни Ҷумҳурии Тоҷикистон "Дар бораи тарбияи ватандӯстии шаҳрвандон"  ва пешгирии падидаҳои номатлуб дар ҷомеаи бо сокинони деҳаи Гулдараи Ҷамоати шаҳраки Адрасмон вохӯрӣ  баргузор карда шуд.

Дар вохӯрии мазкур Шарифҷони Саидраҳмон муовини Раиси шаҳр, Аҳлиддин Абдураҳмонов мудири бахши кор бо ҷавонон ва варзиши шаҳр, Абдуллоев Муродҷон мудири бахши бойгонӣ ва Тоҷиддинов Аҳлиддин мудири бахши дин, танзими анъана ва ҷашну маросим иштирок ва суханронӣ намуданд.

Зикр карда шуд, ки Қонуни Ҷумҳурии Тоҷикистон "Дар бораи тарбияи ватандӯстии шаҳрвандон" 24.12.2022, №1920 қабул гардида, аз 5 боб ва 21 модда иборат мебошад.