Табрикоти Раиси шаҳри Гулистон Раъно Ҳошимзода ба ифтихори 27-умин солгарди Рӯзи Ваҳдати миллӣ

Ҳамшаҳриёни гиромӣ!

Ба ифтихори Рӯзи Ваҳдати миллӣ, ки яке аз ҷашнҳои муҳими даврони истиқлолият мебошад, тамоми мардуми шарифи шаҳрамонро ба муносибати бисту ҳафтумин солгарди ин санаи таърихӣ табрик намуда, бароятон осмони софу беғубор ва саодати зиндагиро таманно менамоям.

Рӯзи 27-уми июни соли 1997 дар шаҳри Москва Созишномаи умумии истиқрори сулҳ ва ризоияти миллӣ имзо гардид. Бо имзо намудани ин ҳуҷҷат дар назди аҳли башар бори дигар таҳаммулпазирӣ ва иродаи сулҳҷӯёнаву бунёдкоронаи халқи тоҷик собит гардид.

Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон - поягузор ва меъмори Ваҳдати миллӣ дар бораи машаққати ба даст овардани сулҳ таъкид намудаанд, “Бо дарназардошти он ки Ваҳдати миллӣ барои тамоми мардуми Тоҷикистон арзиши бисёр муқаддасу азиз ба ҳисоб рафта, асоси хушбахтӣ ва саодати халқамон мебошад, вазифаи ҳар шахси бедордилу огоҳ, худшиносу ватандӯст аз он иборат аст, ки Ваҳдати миллиро чун омили муҳимтарини бақои давлату рушди ҷомеаи Тоҷикистон ҳифзу ҳимоят намояд ва онро чун дастоварди бузурги миллӣ пос дорад”.

ҒОЛИБОНИ ДАВРИ ВИЛОЯТИИ ОЗМУНИ ҶУМҲУРИЯВИИ “ТОҶИКИСТОН – ВАТАНИ АЗИЗИ МАН” МУАЙЯН ГАРДИДАНД

Ҷиҳати иҷрои Амри Президенти Ҷумҳурии Тоҷикистон аз 1 январи соли 2024, №АП-479 ва қарори Раиси вилояти Суғд аз 26.02.2024, №48 “дар бораи ташкил ва  гузаронидани даври вилоятии озмуни ҷумҳуриявии “Тоҷикистон – Ватани азизи ман”  санаи 22.06.2024 дар толори Кохи “Суғдиён” ва Арт-галереяи шаҳри Хуҷанд даври вилоятии озмуни ҷумҳуриявии “Тоҷикистон – Ватани азизи ман”  бо мақсади дарёфти истеъдодҳои нав дар соҳаи санъати мусиқӣ ва сарояндагӣ, тасвирӣ ва дизайн, баланд бардоштани маҳорати касбӣ ва зебоишиносӣ, тақвият бахшидан ба ҳунари баланди иҷрокунандагӣ, таблиғ ва эҳёи ҳунарҳои мардумӣ, муаррифии фарҳанги волои миллати тоҷик, эҳтиром ва арҷгузорӣ ба суннатҳои неки аҷдодӣ, сатҳи касбии асарҳои нави мусиқӣ, офарандагӣ, интихоби намунаҳои беҳтарини оҳангу суруд, коллексияҳо ва асарҳои рассомӣ, ки инъикоскунандаи фарҳанги гузашта ва имрӯзаи миллати тоҷикро таҷассум менмоянд баргузор гардид.

Дар даври вилоятии озмуни мазкур аз шаҳри Гулистон 33 нафар ғолибони даври шаҳрӣ аз рӯйи чор наминатсия сарояндагӣ, навозандагӣ, санъати тасвирӣ, дизайни мӯд ва бофандагӣ иштирок намуданд.

БАРГУЗОРИИ СИТОДИ ЗИМИСТОНГУЗАРОНӢ

Таҳти раёсати муовини якуми Раиси шаҳр Даврон Муҳаммадзода дар мақомоти иҷроияи ҳокимияти давлатии шаҳр Ситоди зимистонгузаронӣ баргузор карда шуд.

Дар кори Ситод аъзо ва дигар шахсони масъул иштирок намуданд.

Зикр карда шуд, ки ҷиҳати иҷрои Қарори Ҳукумати Ҷумҳурии Тоҷикистон аз 30.03.2024, №192 “Дар бораи саривақт омода намудани соҳаҳои иқтисодиёт ва иҷтимоиёти ҷумҳурӣ барои фаъолияти мунтазам  ва самарабахш дар давраи тирамоҳу зимистони солҳои 2024-2025” ва қарори Раиси вилояти Суғд аз 22.04.2024, №86, қарори Раиси шаҳри Гулистон аз 30.04.2024, №131 ба имзо расида, ҳайати Ситод аз нақшаи чорабиниҳо дар 21 банд таҳия ва тасдиқ шудааст.

Доир ба ин масъала дар назди Раиси шаҳр Ситод баргузор гардида, дастуру супоришҳои дахлдор дода шуда, аз ҷониби соҳаҳои буҷетӣ доир ба ин масъала қарорҳои дахлдор тасдиқ шуда ба котиби Ситод дастрас гардидааст. Аз ҷониби мақомоти иҷроияи ҳокимияти давлатии шаҳр ба соҳҳаҳои иҷтимоӣ маблағҳои зарурӣ ҷудо карда шудааст.

ВАҲДАТ - САРЧАШМАИ СУЛҲУ СУБОТИ КИШВАР

Дар асоси нақшаи тасдиқгардидаи мақомоти иҷроияи ҳокимияти давлатии шаҳри Гулистон ва Филиали Иттифоқи ҷавонони Тоҷикистон дар шаҳри Гулистон, санаи 24.06.2024, ба ифтихорӣ таҷлили 27-умин солгарди Рӯзи Ваҳдати миллии Ҷумҳурии Тоҷикистон, дар ҷамоати шаҳраки Чоруқдаррон мизи мудаввар таҳти унвонӣ "Ваҳдат - сарчашмаи сулҳу суботи кишвар" бо собиқадорон, кормандон ва фаъолони ҷамоат, ташкил ва баргузор карда шуд.

Дар чорабинии мазкур мудири бахши кор бо ҷавонон ва варзиши шаҳр ҳамзамон, Раиси филиали Иттифоқи ҷавонони Тоҷикистон дар шаҳри Гулистон Абдураҳмонов Аҳлиддин, мудири шӯъбаи рушди иҷтимоӣ ва робита бо ҷомеаи дастгоҳи Раиси шаҳри Гулистон Боқиев Рустам, мудири бахши кор бо занон ва оила Сатторова Матлуба, раиси ҷамоати шаҳраки Чоруқдаррон Наргиза Бердиева ва як гурӯҳ собиқадорони ҷамоати мазкур иштирок ва суханронӣ намуда таъкид доштанд, ки бисту ҳафт сол муқаддам, санаи сарнавиштсози халқу миллати тоҷик - Рӯзи Ваҳдати миллӣ фаро расид. Ба имзо расидани Созишномаи умумии Истиқрори сулҳ ва ризояти миллӣ, ки 27-уми июни соли 1997-ум ба вуқӯъ пайваст, барҳақ, воқеаи таърихиву тақдирсоз на танҳо барои сокинони кишвар, балки барои кулли ҳаммиллатони бурунмарзиамон низ буд, ки Тоҷикистонро хонаи умеди худ хондаанд.