ТАШРИФИ ИШТИРКЧИЁНИ ФОРУМИ ЗАНОНИ ТОҶИКИСТОНУ ЧИН БА ШАҲРИ ГУЛИСТОН

Тибқи нақшаи тасдиқгардидаи Мақомоти иҷроияи ҳокимияти давлатии вилояти Суғд дар доираи нахустин мулоқоти Форуми занони Тоҷикистону Чин бахшида ба сафари давлатии Раиси Ҷумҳурии Мардумии Чин дар мавзуи “Муколама ва ҳамкорӣ”  меҳмонони Форум санаи 20.06.2024 ба шаҳри Гулистон ташриф оварданд.

Дар Муассисаи давлатии “Боғи фарҳангӣ фароғатии Темурмалик” меҳмононро санъаткорон ва занону бонувони шаҳр гарму ҷӯшон истиқбол намуданд.

Дар маросими истиқбол Раиси шаҳри Гулистон Раъно Ҳошимзода иштирок намуда, меҳмомнонро ба шаҳри Гулистон хайрамақдам гуфта, баргузории Форуми мазкур ва дар ин доира боздид кардани меҳмонон аз як қатор мавзеъҳои шаҳру навоҳии вилоятро барои густариши ҳамкориҳо иқдоми нек арзёбӣ намуд.

ДАВРИ ВИЛОЯТИИ ОЗМУНИ ҶУМҲУРИЯВИИ БЕҲТАРИН ХИЗМАТЧИЁНИ ДАВЛАТӢ АЗ ҲИСОБИ ЗАНОН ҶАМЪБАСТ ГАРДИД

Санаи 20 июни соли 2024 дар толори Муассисаи давлатии “Донишгоҳи давлатии Хуҷанд ба номи академик Бобоҷон Ғафуров”  дар шаҳри Хуҷанд даври вилоятии озмуни ҷумҳуриявии “Беҳтарин хизматчии давлатӣ аз ҳисоби занон” дар байни занон- хизматчиёни давлатие, ки дар мақомоти иҷроияи ҳокимияти давлатӣ фаъолият доранд, ҷамъбаст гардид. Дар ҷамъбасти озмуни мазкур Бунафша Файзиддинзода, раиси Кумитаи кор бо занон ва оилаи назди Ҳукумати Ҷумҳурии Тоҷикистон ва муовини Раиси вилояти Суғд Зайнура Азимӣ иштирок ва суханронӣ намуданд.

Зимни суханронӣ таъкид карда шуд, ки мақсад аз баргузории чунин озмунҳо, ин баланд бардоштани малакаи кории занону духтарон- хизматчиёни давлатӣ мебошад. Маҳз, ғамхории пайвастаи Ҳукумати мамлакат, бахусус Пешвои муаззами миллат муҳтарам Эмомалӣ Раҳмон нисбати зан –модар аст, ки имрӯзҳо дар Ватани маҳбубамон барои занон имкониятҳои хубе фароҳам оварда шуданд.

Мулоқот бо ширкатҳои федератсияи Россия дар ҳошияи ярмаркаи "Савдо Суғд" - 2024

Дар мақомоти иҷроияи ҳокимияти давлатии шаҳр мулоқоти Раиси шаҳри Гулистон Раъно Ҳошимзода бо роҳбарони ташкилотҳои бонуфуз аз Федератсияи Россия,  Глушенко Максим Игоревич директори МСК ГРУПП

Мусаев Беслани Гурамович ва Роман Казашенко намояндаи ташкилоти NETVISION баргузор гардид.

Дар вохӯрӣ ҷонибҳо доир ба насби видеокамераҳои мушоҳидавӣ ва роҳандозии лоиҳаи шаҳри бехатар дар шаҳри Гулистон мубодилаи афкор намуданд.

ҚАДРДОНИИ ҒОЛИБОНИ ОЗМУНИ “БЕҲТАРИН ХИЗМАТЧИИ ДАВЛАТӢ” АЗ ҲИСОБИ ЗАНОН

Ҷиҳати иҷрои барқияи Мақомоти иҷроияи ҳокимияти давлатии вилояти Суғд аз 28 майи соли 2024, №282-5/5тф оид ба иҷрои қарори Ҳукумати Ҷумҳурии Тоҷикистон аз 27 апрели соли 2022, №204 “Дар бораи Барномаи давлатии тарбия, интихоб ва ҷобаҷогузории кадрҳои роҳбарикунанда аз ҳисоби занону духтарони болаёқат барои солҳои 2023-2030” даври шаҳрии озмуни ҷумҳуриявии “Беҳтарин хизматчии давлатӣ” аз ҳисоби занон тибқи Низомнома ташкил ва баргузор гардида буд.

Дар даври шаҳрии озмуни ҷумҳуриявии “Беҳтарин хизматчии давлатӣ” аз ҳисоби занон 12 нафар тибқи Низомнома аз рӯйи се зинаи синнусоли хизмати давлатӣ миёни ҳам рақобат намуда, дар натиҷаи баҳогузории ҳайати ҳакамони озмун ғолибон муайян гардида ба даври вилоятӣ роҳ ёфтанд.