Набзи Қайроққум дар расонаҳои ватанӣ

«Баҳористон»: раҳоӣ аз хастагӣ, осоиши рӯҳӣ

«Ҷумҳурият», 9 октябри соли 2015, №202.

Маводи Ҷовиди Аштӣ доир ба фаъолияти хуби «Осоишгоҳи Баҳористон» чоп гардидааст.

Қайроққум – шаҳре дар соҳили Баҳри тоҷик

«Ҷумҳурият», 13 октябри соли 2015, №204.

Таҳти чунин сарлавҳа маводи Ҷовиди Аштӣ оид ба ташрифи Раиси вилояти Суғд Абдураҳмон Қодирӣ ба шаҳри Қайроққум дарҷ шудааст.

«Омӯзгорон дар Зумрад»

«Саломат бошед!»,                  №17, 8.10.соли 2015

Сипосномаи директори Маркази таҳсилоти иловагии шаҳри Қайроққум Норӣ Қаҳҳорова ба Раиси вилояти Суғд Абдураҳмон Қодирӣ барои дастгирии 100 нафар омӯзгорон, ки дар осоишгоҳи «Зумрад» ройгон истироҳат намудаанд, чоп гардидааст.

Корвон дар Адрасмон

Дар МТМУ № 7-и шаҳраки Адрасмон семинарии навбатии 90-уми Корвони маънавиёт баргузор гардид. Дар раванди семинар чор соат дарси кушоду намунавӣ аз ҷониби омӯзгорон Нилуфар Мурзалиева, Насиба Абдуҷабборова, Райҳона Ҳамзалимова, Тӯйчиқул Усмонов ба вуқӯъ пайваст.

Сарвари «Корвон» Акбаралӣ Усмоналиев дар мавзӯи «Тарбияю таълим масъулияти ҳамагон аст» суҳбати мизи мудаввар доир намуда, дар саҳифаи «Имкон» дар мавзӯи «Барои фардои дурахшон китоб бояд хона» Аълочии маорифи Ҷумҳурии Тоҷикистон Ниёзмуҳамади Иброҳим баромад намуд.

Натиҷаҳо хуб, онро боз афзун мебояд

ва ё қайдҳо аз маҷлиси фаъолони шаҳр

13 октябри соли 2015 маҷлиси фаъолони шаҳри Қайроққум доир баҷамъбасти фаъолияти соҳаҳои хоҷагии халқи шаҳр дар нуҳ моҳи соли ҷорӣбаргузор гардид.

Дар ҷаласа мудирони шӯъбаю бахшҳои Мақомоти иҷроияи ҳокимияти давлатии шаҳр, роҳбарони корхонаю ташкилотҳо, раисони Ҷамоати шаҳракҳо, сардорони мақомотҳои ҳифзи ҳуқуқ, роҳбарони хоҷагиҳои коммуналӣ ва ҳамаи дигар шахсони масъули даъватшуда ширкат доштанд.

Натиҷа бардорӣ аз фаъолияти хоҷагии халқи шаҳр дар нуҳ моҳи соли 2015 ва вазифаҳо барои семоҳаи чаҳорум масъалаи асосии ин ҷаласа буд.