Дирӯз,17 июн Раиси шаҳри Қайроққум Матлубахон Амонзода ҷиҳати шиносоии наздик ва огоҳӣ аз вазъи масоили иқтисодӣ, иҷтимоӣ якҷо бо сарварони сохторҳои қудратӣ ва мудирони шуъбаю бахш ба шаҳраки Консой сафари корӣ анҷом дод. Нахуст ба Маркази таълимии истеҳсолии қолинбофии дастӣ (сарвараш Қумрӣ Одинаева), ки бо дастури Раиси вилоят Абдураҳмон Қодирӣ таъсис ёфтааст, ташриф овард.
Бино ба иттилои роҳбари Маркази таълимӣ дар ин ҷо 20 нафар занону духтарон касби қолинбофиро омӯхта, ҳоло аз пайи фаъолиятанд. Хатмкардагони Маркази таълимӣ-истеҳсолии «Шероз»-и маркази вилоят Саломат Абдураҳмонова, Муҳаббат Ҳошимова, Раъно Самадова, Робия Шерматова ва Насиба Абдураҳмонова ба аъзоёни маҳфил нозукиҳои касби қолинбофиро омӯзониданд. Шаҳодатномаи хатмкардагони Маркази касбомӯзии шаҳри Қайроққум, ки дар назди шуъбаи Агентии меҳнат ва шуғли аҳолӣ фаъолият дорад аз ҷониби Раиси шаҳр ба соҳибонаш супорида шуд.
Имрӯз, 15 июн дар толори Мақомоти иҷроияи ҳокимияти давлатии шаҳр комиссияи фавқулодаи зидди эпидемиологӣ оид ба натиҷабардории омодагии нуқтаҳои савдо, бозор ба мавсими тобистон дар минтақаҳои фароғатӣ, соҳили обанбор, осоишгоҳҳо ва урдугоҳҳои кӯдакон доир шуд. Ҷаласа таҳти сарварии муовини Раиси шаҳр Ғайратҷон Оқилов гузашт.
11 июни соли равон иштирокчиёни Фестивали дӯстии ҷавонони ҷумҳурӣ таҳти унвони «Зинда бош, эй Ватан, Тоҷикистони озоди ман» ба шаҳри соҳили «Баҳри тоҷик» ташриф оварданд. 
Шуъбаи Агентии давлатии ҳифзи иҷтимоӣ ва шуғли аҳолӣ 12-юми июн дар майдони бахши фарҳанг ярмаркаи ҷойҳои холии кориро гузаронид. Намояндагони ташкилоту корхонаҳо аз имконияти мусоид истифода бурда мутахассисони заруриро ба кор қабл намуданд.
Дар доираи нақша – чорабиниҳои Мақомоти иҷроияи ҳокимияти давлатии шаҳр ба муносибати «Соли 2015-Соли идомаи роҳҳои обод» бо иқдоми Раиси шаҳри Қайроққум Матлубахон Амонзода сохтмони пули мошингузар ки бараш 7 метр дарозиаш 12 метр дар шаҳраки Консой оғоз ёфт.
