Омодагӣ ба фасли сармо

Дар Мақомоти иҷроияи ҳокимияти давлатии шаҳри Гулистон таҳти раёсати Матлубахон Амонзода ҷаласаи корӣ оид ба омодагӣ ба фаслҳои тирамоҳу зимистони солҳои 2016-2017 ва ҷиҳати тақвият бахшидани корҳои ободкориву созандагӣ баҳри истиқболи сазовори ҷашни 25-солагии Истиқлолияти давлатии Ҷумҳурии Тоҷикистон ҷаласаи корӣ баргузор гардид.

Котиби ситоди шаҳрӣ оид ба сари вақт омода намудани соҳаҳои иқтисодиёт ва иҷтимоиёт барои фаъолияти мунтазам ва самарабахш дар давраи тирамоҳу зимистони солҳои 2016-2017 Фазлиддин Орифов дар бораи тадбирҳои иҷро гардида маълумоти муфассал дод. Тавре аз гузориши котиби ситод возеҳ гашт, алҳол баҳри иҷрои қарори Раиси шаҳр аз 5-уми майи соли 2016, таҳти №111 роҳандозии нақшаҳо айни матлаб нест.

Конфронси собиқадорон

31-уми май дар толори Мақомоти иҷроияи ҳокимияти давлатии шаҳр Конфронси VII Шўрои собиқадорони ҷангу меҳнат доир гардид.

Вакилони конфронс панҷ масъаларо мавриди ҳаллу фасл қарор доданд. Аз рўи масъалаи аввал оид ба ҳисоботи Шўрои собиқадорони ҷангу меҳнати шаҳри Гулистон аз моҳи августи соли 2011 то моҳи майи соли 2016 Муҳаммадҷон Файзуллоев , раиси Шўрои собиқадорони ҷангу меҳнати шаҳр баромад намуд. Собиқадорони меҳнат Абдурасул Қодиров ва Санавбар Нуруллоева ба музокира баромаданд. Баъдан ҳисоботи раиси комиссияи тафтишотии ташкилоти собиқадорони ҷангу меҳнат А.Эгамбердиев шунида шуд. Аз рўи ин масъала вакили конфронс Султон Каримбердиев музокира кард.

Муборакбодии Матлубахон Амонзода, Раиси шаҳри Гулистон ба муносибати Рўзи байналмилалии ҳифзи кўдакон

Нигаҳдорандаи ҳар ҷомеа, бақои ҳар миллат, идомадиҳандаи насли инсонӣ бешубҳа, ин кўдаконанд. Ғамхориву мехрубонӣ дар ҳаққи кўдакон, ин худ меҳрубонӣ ба давлату давлатдорӣ мебошад. Ҳамин аст, ки тибқи анъана ҳар сол рўзи якуми июн дар аксари кишварҳои ҷаҳон, аз ҷумла Тоҷикистон, ҳамчун Рўзи байналмилалии ҳифзи кўдакон арҷгузорӣ мешавад. Солҳост, ки ин рўз миёни мардуми мо низ чун аз рўзҳои муҳим маҳбубият дорад.

Рўзи байналмилалии ҳифзи кўдакон 67 сол муқаддам бо қарори Анҷумани Шўрои федератсияи байналмилалии демократии занон таъсис ёфта, бори аввал соли 1950 дар даҳҳо кишвари дунё таҷлили худро ёфта буд. Ин сана ба мо – калонсолон ҳамеша ҳушдор медиҳад, ки масъулияти саломатӣ, тарбияи маънавии кўдакону наврасон, фароҳам овардани шароити мусоиди таълиму тарбияи онҳо дар мактаб ва оила, инкишофи эҷодиёти бачагон ва тайёр намудани онҳо ба зиндагии оянда ба дўши мост.

Машварати корӣ

26-уми май Раиси шаҳри Гулистон Матлубахон Амонзода баъди боздид аз фаъолияти истеҳсолии ҶДММ «Ширкати кўҳӣ - саноатии Тоҷикистону Хитой» ва шиносоӣ аз вазъи ташкилоту корхонаҳои қаламрави шаҳрак дар бинои Ҷамоати шаҳрак машварати корӣ доир кард.

Тавре зикр гардид боми бинои муассисаҳои таълимии рақамҳои 6 ва 10 эҳтиёҷ ба таъмир доранд, бинои зисти сарбозони қисми низомӣ ҳам дорои шароити хуб нест, пардохти маблағи қувваи барқи истифодашуда дар сатҳи паст қарор дорад, ташкили шанбегиҳо бо мақсади таъмини тозагӣ, таъмини либоси ягонаи мактабӣ барои хонандагону омўзгорон ва омодагӣ ба давраи тирамоҳу зимистони солҳои 2016-2017 ва амсоли инҳо фавран бояд мавриди ҳаллу фасл қарор дода шаванд.