Раиси вилоят беморону маъюбонро аёдат кард

8 июл Раиси вилояти Суғд Раҷаббой Аҳмадзода дар шаҳри Гулистон чанде аз маъюбонро аёдат карда, ба оилаи онҳо кӯмакҳои моддӣ расонид.

Боиси зикр аст, ки тибқи дастуру ҳидоятҳои Пешвои миллат муҳтарам Эмомалӣ Раҳмон 8 июл дар вилоят бахшида ба Рӯзи маъюбон силсилаи чорабиниҳо гузаронида шуда, бошандагони муассисаҳои иҷтимоӣ низ ба аёдату ғамхорӣ фаро гирифта шуданд.

Дар асоси қарори Раиси вилояти Суғд Раҷаббой Аҳмадзода аз 25 июни соли 2024 барои аёдати наздик 1000 нафар маъюбон ва 291 нафар маъюбони то синни 18 сола 375 ҳазор сомонӣ ҷудо карда шуд.

Дар шаҳру ноҳияҳо низ барои ҳифзи иҷтимоии маъюбон тадбирҳои зарурӣ амалӣ шуда, шахсони имконияташон маҳдуд дастгирӣ карда шуда истодаанд.

Хадамоти матбуоти

Раиси вилояти Суғд

Боздиди Раиси вилоят Раҷаббой Аҳмадзода аз шаҳри Гулистон

8 июл Раиси вилояти Суғд Раҷаббой Аҳмадзода ба шаҳри Гулистон омада, бо корҳои таҷдиду барқарорсозии Нерӯгоҳи барқи обии "Қайроққум" шинос гардид.

Бояд қайд кард, ки бо дастгириҳои Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон айни замон лоиҳаи «Таҷдиди Неругоҳи барқи обии "Қайроққум» амалӣ шуда истодааст. Бо татбиқи пурра лоиҳа иқтидори нерӯгоҳ тавоноии лоиҳавии ҳар як агрегати неругоҳи мазкур аз 21 мегаватт қариб то 30 ва дар маҷмӯъ тавоноии он аз 126 мегаватт то ба 176 мегаватт расонида хоҳад шуд.

Раиси вилоят зимни шиносоӣ бо ҷараёни корҳо ба мутахассисони дохиливу хориҷӣ барои бо сифати баланд ба анҷом расонидани корҳо супоришҳои мушаххас дод.

БАРГУЗОРИИ КОНФЕРЕНСИЯИ ИЛМӢ ТАҲТИ УНВОНИ “ДӮСТДОРИ ВАТАН!”

Санаи 05.07.2024 бахшида ба 80-солагии  собиқадори соҳаи ҳифзи ҳуқуқ Султон Каримбердиев дар толори мактаби санъати маркази шаҳр конференсияи илмӣ-амалӣ  доир гардид. Дар кори конференсия муовини Раиси шаҳр Ғайрат Оқилзода, муовини сардори Раёсати КДАМ Ҷумҳурии Тоҷикистон дар вилояти Суғд Фирӯз, сардори шуъбаи дар шаҳри Гулистон будаи РКДАМ  Ҷумурии Тоҷикистон дар вилояти Суғд Комрон Қаҳҳоров, раиси Шурои собиқадорони ҷанг ва меҳнати вилояти Суғд Турсунбой Раҳматов ва раиси Шурои собиқадорони ҷанг ва меҳнати шаҳр Каромат Қосимова, соҳибҷашн Султон Каримбердиев ва дӯстону пайвандон, собиқадорон, ҳамкорону ҳамсабақони соҳибҷашн иштирок иштирок намуданд.

Нахуст, муовини Раиси шаҳри Гулистон Ғайрат Оқидзода номаи табрикотии Раиси шаҳри Гулистон Раъно Ҳошимзодаро ироа намуда, ба соҳибҷашн тансињатї, бахту иќболи некў ва рӯзгори осуда ва давлатии пирии бегазандро таманно менамояд.

Сипас, муовини сардори Раёсати КДАМ Ҷумҳурии Тоҷикистон дар вилояти Суғд Фирӯз Исмоилзода  табрикоти сардори ниҳоди мазкур ва сардори шуъбаи дар шаҳри Гулистон будаи РКДАМ  Ҷумурии Тоҷикистон дар вилояти Суғд Комрон Қаҳҳоров номаи табрикотии шуъбаи шаҳриро манзур намуд. Раиси Шурои собиқадорони ҷанг ва меҳнати вилояти Суғд Турсунбой Раҳматов ва раиси Шурои собиқадорони ҷанг ва меҳнати шаҳр Каромат Қосимова низ соҳибҷашнро бо ин рӯзи фирӯз муборак бод намуданд.

ҚАБУЛИ ШАҲРВАНДОН

Рӯзи 6-уми июли соли 2024 аз тарафи Раиси шаҳри Гулистон Раъно Ҳошимзода  8-нафар шаҳрванд қабул карда шуд.

Муҳтавои муроҷиат масъалаҳои гуногунро дарбар гирифта, барои гирифтани қитъаи замин,  расонидани кумаки моддӣ ва таъминоти оби нушокӣ, таъмири биноҳои истиқоматии бисёрошёна, мебошад.  Масъалаи баррасии талабу дархости муроҷиаткунандагон  ба шуъбаву бахшҳои дахлдор равона карда шуд.  Раиси шаҳр масъулинро вазифадор  намуд, ки дар кутоҳтарин муддат талаб ва дархости муроҷиаткунандагон қонеъ карда шуда,  аз натиҷааш ба унвони Раиси шаҳр ва муроҷиаткунандагон тариқи хаттӣ хабар дода шавад.

Ҳамзамон Раиси шаҳри Гулистон Раъно Ҳошимзода ба самъи роҳбарону муассисони корхонаҳо ва муассисаҳо навобаста аз шакли моликият расонид, ки ҷиҳати тозагии гирду атрофи корхонаю муасисаҳо диққати ҷиддӣ диҳанд.