НИШАСТИ МАТБУОТИИ И.В. РАИСИ ШАҲР БАРГУЗОР ГАРДИД

Имрӯз, 30.01.2025 дар толори хурди мақомоти иҷроияи ҳокимияти давлатии шаҳр баҳри иҷрои Амри Президенти Ҷумҳурии Тоҷикистон аз 15-уми сентябри соли 2011 “Дар бораи гузаронидани нишасти матбуотии раисони мақомоти маҳаллии иҷроияи ҳокимияти давлатии шаҳру ноҳияҳо” ва дар асоси ҷадвали тасдиқшудаи Мақомоти иҷроияи ҳокимияти давлатии вилояти Суғд аз 21-уми январи соли 2025 нишасти матбуотии Раиси шаҳри Гулистон оид ба ҷамъбасти фаъолияти соҳаҳои хоҷагии халқи шаҳр дар давоми соли 2025 баргузор гардид.

Дар нишасти матбуотӣ иҷрокунандаи вазифаи Раиси шаҳри Гулистон Илҳом Пӯлотзода ва намояндаи Мақомоти иҷроияи ҳокимияти давлатии вилояти Суғд, деректори маркази "Тоҷикстандарт" Ғайбулло Муҳиддинзода иштирок намуданд.

Шиносоӣ бо фаъолияти истеҳсолии фабрикаи заршӯии ҶМ "Апрелевка" ва ҶСК "Равшан"

Санаи 29.01.2025 иҷрокунандаи вазифаи Раиси шаҳри Гулистон Илҳом Пӯлотзода аз ҷараёни фаъолияти истеҳсолии фабрикаи заршӯии Ҷамъияти муштараки "Апрелевка" ва ҶСК "Равшан" дар шаҳраки Консой дидан намуд.

Нахуст аз фабрикаи заршӯӣ дидан карда шуд. Муовини директори генералии ҶМТКММ "Апрелевка" Баҳодур Маҷидов иттилоъ дод, ки ба коргоҳ таҷҳизоти ҳозиразамон ворид гардида, дар хатти ишқоронӣ, хатти санг майдакунӣ, сехи нуқра дигаргуниҳо ворид карда мешавад. Дар коргоҳи заргарӣ Илҳом Пӯлотзода бо намунаи корҳои заргарии корхона низ шинос гардид.

ШИНОСОӢ БО МУАССИСАҲОИ СОҲАИ МАОРИФ ДАР ШАҲРАКИ КОНСОЙ

Санаи 29.01.2025 иҷрокунандаи вазифаи Раиси шаҳри Гулистон Илҳом Пӯлотзода бо фаъолияти муассисаҳои соҳаи маориф дар Ҷамоати шаҳраки Консой шинос гардид.

Нахуст аз муассисаи таҳсилоти миёнаи умумии №3 дидан карда шуд. Иттилоъ дода шуд, ки бинои муассиса ҳанӯз соли 1973 бунёд карда шудааст. Дар муассиса 937 нафар хонанда дар ду баст ба таҳсил фаро гирифта шудаанд, ба хонандагон 45 нафар омӯзгор таълиму тарбия медиҳанд. Дар муассиса 6 кабинети фаннӣ мавҷуд аст, ки бо лавозимоти зарурӣ таҷҳизонида шудаанд. Дар муассиса тахтаҳои электронӣ, проектор ва компютерҳо мавҷуд аст, ки дар раванди таълим аз онҳо васеъ истифода бурда мешавад.

Дар шаҳри Гулистон маъракаи ниҳолшинонӣ баргузор гардид

Дар шаҳри Гулистон тадбирҳои марбут ба шинонидани ниҳоли дарахтони ҳамешасабз ва гулу буттаҳои ороишию мавсимӣ дар меҳвари фаъолияти мақомоти иҷроияи ҳокимияти давлатии шаҳр қарор дорад.

Ин тадбири муҳими экологӣ асосан бо ташкили ҳашарҳои дастҷамъона вусъат ёфта, дар назар аст, ки соли равон дар кӯчаю хиёбонҳо ва мавзеҳои алоҳидаи шаҳр наздики 9 ҳазор бех ниҳоли дарахтони ҳамешасабзу ороишӣ шинонида шавад.