ТАҶЛИЛИ ИДИ КАСБӢ

Дар қисми мустақили ҳарбикунонидашудаи Хадамоти давлатии оташнишонии Гулистон бахшида ба 91-умин солгарди таъсиси ин ниҳоди муҳим ҷамъомади ботантана баргузор гардид. Муовини Раиси шаҳри Гулистон Ғайрат Оқилзода кормандони Хадамоти давлати оташнишонии шаҳрро аз номи Раиси шаҳри Гулистон Фирдавс Шарифзода ба муносибати ҷашни касбӣ табрик намуд.

Зикр карда шуд, ки ҳамасола дар қаламрави Ҷумҳурии Тоҷикистон рӯзи 30-юми июл Рўзи кормандони хадамоти оташнишонӣ таҷлил мегардад. Соли 1928, яъне 91 сол муқаддам 30-юми июл Хадамоти давлатии оташнишонии Вазорати корҳои дохилии Ҷумҳурии Тоҷикистон таъсис ёфта буд. Хадамоти мазкур даҳсолаи нуҳум аст, ки кафолати бехатарии мардум аст. Ҳадафи асосии ин соҳа доимо дар ҳолати омодабош қарор доштан мебошад. Хадамоти оташнишонӣ бо қарори Ҳукумати Ҷумҳурии Тоҷикистон 30-юми июли соли 1928 ташкил гардида, якумин дастаи оташнишонон дар шаҳри Душанбе 1-уми апрели соли 1929 таъсис ёфтааст.

МУЛОҚОТ БО ВАКИЛОНИ МАҶЛИСИ ВИЛОЯТӢ

Дар Кохи фарҳангии “Истиқлол”-и маркази шаҳр мулоқоти вакили Маҷлиси вакилони халқи вилояти Суғд аз ҳавзаи интихоботии № 15 “Қайроққум” Матлубахон Амонзода ва дар маҷлисгоҳи ҶМТКММ «Апрелевка»-и шаҳраки Консой вохӯрии вакили Маҷлиси вакилони халқи вилояти Суғд аз ҳавзаи «Адрасмон», №16 Бахтиёр Маҷидов бо интихобкунандагон доир гардид.

Муҳтавои мулоқот марбут ба истиқболи сазовори ҷашни 28-солагии Истиқлолияти давлатии Ҷумҳурии Тоҷикистон ва шарҳу эзоҳи мазмун ва мундариҷаи қарорҳои иҷлосияи Маҷлиси вакилони халқи вилояти Суғд буда, дар мулоқот собиқадорони меҳнат, намояндагон муассисаҳои маорифу тандурустӣ ва фарҳанг, бонувону ҷавонон, фаъолон ва интихобкунандагон иштирок намуданд.

АКСИЯ ДАР ОБАНБОРИ «БАҲРИ ТОҶИК»

Баҳри пешгирии ҳодисаҳои ғарқшавии шаҳрвандон дар соҳили обанбори «Баҳри Тоҷик» ва обутобгоҳҳои он бо дасгирии Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон ва ташкилоти ЮНИСЕФ се лавҳа бо навиштаҷоти қоидаҳои оббозӣ ва ёрии аввалини тиббӣ ҳангоми ғарқшавӣ дар обутобгоҳҳои шаҳр насб гардид.

Ҳамзамон, аз тарафи бахши Раёсати Кумитаи ҳолатҳои фавқулодда ва мудофиаи граждании вилояти Суғд дар шаҳри Гулистон аксия оид ба пешгирии ҳодисаҳои ғарқшавии шаҳрвандон дар обутобгоҳҳо ва обанбори «Баҳри Тоҷик» ташкил ва гузаронида шуд.

Маҷлиси навбатии Ҳукумати Ҷумҳурии Тоҷикистон баргузор гардид

Дирӯз таҳти раёсати Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон, раиси Ҳукумати мамлакат муҳтарам Эмомалӣ Раҳмон маҷлиси навбатии Ҳукумати Ҷумҳурии Тоҷикистон баргузор шуд.

Дар маҷлиси Ҳукумати мамлакат нахуст масъалаи “Дар бораи ҷамъбасти натиҷаҳои рушди иҷтимоию иқтисодии Ҷумҳурии Тоҷикистон дар нимсолаи якуми соли 2019 ва вазифаҳо барои нимсолаи дуюми соли 2019” баррасӣ гардид.

Доир ба натиҷаҳои рушди иҷтимоию иқтисодии мамлакат Сарвазири Ҷумҳурии Тоҷикистон Қоҳир Расулзода ҳисобот дод.