ИҒВОАНГЕЗ ИҒВО НААНГЕЗ!

Ба ҳамагон маълум аст, ки соли 2020 барои Ҷумҳурии Тоҷикистон соли ояндасоз аст. Зеро дар имсол Тоҷикистон ду воқеаи муҳими сиёсиро аз сар бояд гузаронад, ки аввалини он рӯзи якуми моҳи март баргузор гардид. Ин ду воқеаи сиёсӣ яке интихоботи вакилони Маҷлиси Олии Ҷумҳурии Тоҷикистон ва маҷлисҳои маҳаллии вакилони халқ ва дигарӣ маъракаи сиёсӣ интихоботи Президенти Ҷумҳурии Тоҷикистон мебошад. Ин ду имтиҳони бузург барои халқ аҳамияти зиёд дорад. Хушбахтона, маъракаи аввал бидуни каму кост сурат гирифт ва вакилони арзанда аз ҷониби халқ ба вакилӣ пазируфта шуданд. Мутаассифона, дар баробари ин ду имтиҳон имтиҳони дигаре сари мардуми тоҷик омад, ки он бемории ҳамагири коронавирус мебошад. Ҳукумати кишвар доир ба ин масъалаҳо чораҳои заруриро андешид ва имрӯзҳо ин беморӣ дар кишвар коҳиш ёфтааст ва умед меравад, ки даҳаи дуюми моҳи июн ба тадриҷ коҳиш ёбад ва гиребони моро раҳо кунад.

Мо хуб медонем, ки миллати тоҷик бо душвориҳои зиёд Истиқлолияти худро ба даст овард ва онро то имрӯз ҳифз намуда истодааст, бо вуҷуди он ки баъзе аз ҳасудон дар солҳои аввали ба даст овардани ин неъмат хостори поймолгардонии он гардиданд. Хушбахтона, бо талошу заҳматҳои шабонарӯзии Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон Истиқлолияти давлатии Тоҷикистон пойдор гардид ва он марҳала ба марҳала рушд карда истодааст.

Рустам Азизи дар бораи дуругхои Мухиддин Кабири.

https://youtu.be/LOHLqR89i5Q

НАСЛИ ОЯНДАСОЗИ МИЛЛАТ

Бо мақсади иҷрои дастуру супоришҳои Асосгузори сулҳу ваҳдати миллӣ-Пешвои миллат, Президенти мамлакат муҳтарам Эмомалӣ Раҳмон бахшида ба Рӯзи байналмилалии ҳифзи кӯдакон Раиси шаҳри Гулистон Фирдавс Шарифзода чанд нафар кӯдакону наврасонро аёдат намуда, ба онҳо туҳфаҳои мақомоти иҷроияи ҳокимияти давлатии шаҳрро тақдим карда, ба ифтихори Рўзи байналмилалии ҳифзи кўдак табрик намуд.

Нахуст Раиси шаҳр Фирдавс Шарифзода варзишгари навраси умедбахш Анӯшервони Ғуфрон, иштирокчиёни фаъоли озмуни “Фурӯғи субҳи доноӣ” Маҳваш ва Меҳрнӯш Бойматоваҳоро аз кӯчаи Исмоили Сомонии маркази шаҳр аёдат карда, бо онҳо суҳбат намуд.

Табрикоти Раиси шаҳри Гулистон Фирдавс Шарифзода ба ифтихори Рӯзи байналмилалии ҳифзи кӯдакон

Кӯдакону наврасони даврони соҳибистиқлолият!

Рӯзи 1-уми июн қариб дар ҳамаи кишварҳои ҷаҳон Рӯзи байналмилалии ҳифзи кӯдакон таҷлил мегардад. Ин санаи муҳим ба мо ҳушдор медиҳад, ки масъулияти саломатӣ, тарбияи маънавии кӯдакону наврасон, фароҳам овардани шароити мусоиди таълиму тарбияи онҳо дар мактаб ва оила, инкишофи эҷодиёти бачагон ва тайёр намудани онҳо ба зиндагии оянда ба дӯши мост. Мо онҳоро бояд дӯст дорем ва меҳру муҳаббати худро дар вуҷуди поки кӯдакон ҷой диҳем. Ба ин муносибат ин рӯзи некро ҳамчун рӯзи баробариву бародарӣ ва ҳифзи манфиатҳои кӯдакони ҷаҳон ба ҳамаи шумо самимона табрик мегӯям.

Тибқи дастуру супоришҳо ва ҳидоятҳои ояндасози Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон дар шаҳру навоҳии кишварамон садҳо боғчаҳои бачагона, муассисаҳои томактабӣ, ҳазорҳо муассисаҳои таълимии миёна ва умумӣ, омӯзишгоҳу ҳунаристонҳо, даҳҳо мактабҳои олӣ ба таълиму тарбияи насли наврас ва ҷавон машғуланд. Пешвои муаззами миллат ҳамеша доир ба таваҷҷуҳи доимӣ ба тақдири кӯдакон, тарбияи онҳо, фароҳам овардани кулли имконоти моддию маънавиро вазифаҳои асосии давлат, аҳли ҷомеа ва волидайн таъкид мекунанд.