Шиносоии Раиси вилоят бо сохтмони иншооти ҷашнӣ дар шаҳри Гулистон

Ба истиқболи ҷашни бузурги миллӣ – 30-солагии Истиқлоли давлатии Ҷумҳурии Тоҷикистон дар шаҳри Гулистон бунёду азнавсозии наздик 200 иншоот ба нақша гирифта шуда, давоми солҳои 2018-2020 ба маблағи 310 миллион сомонӣ 157 иншоот мавриди истифода қарор гирифтааст.

Дар иншооти дигари ҷашнӣ корҳои сохтмонӣ ҷараён дошта, сокинони шаҳри соҳили “Баҳри тоҷик” тасмим доранд ҷашни миллиро бо дастовардҳои арзанда пешвоз гиранд.

Раиси вилояти Суғд Раҷаббой Аҳмадзода ҷиҳати шиносоӣ бо ҷараёни бунёди иншооти ҷашнӣ аз шаҳри Гулистон боздид карда, рафти корҳо дар бинои маъмурии Кумитаи иҷроияи ҲХДТ дар шаҳр, бинои маркази таҳсилоти иловагӣ, боғи фарҳангию фароғатии “Темурмалик” ва бинои адлияро мавриди таваҷҷуҳ қарор дод.

МУЛОҚОТ БО ҶОИЗАДОРОН

Дар саҳни майдони Нишони давлатӣ Раиси шаҳри Гулистон, раиси федератсияи футболи шаҳр Бахтиёр Саидаҳмадзода бо футболбозони дастаи “Гулистон”-и шаҳр ба муносибати ғолибият дар даври ниҳоии ҷоми вилояти Суғд - 2021 оид ба футбол вохӯрӣ доир намуд.

Лозим ба зикр аст, ки дар варзишгоҳи «Спартак»-и шаҳри Хуҷанд санаи 3-юми августи соли равон даври ниҳоии Ҷоми вилояти Суғд - 2021 оид ба футбол миёни дастаҳои “Гулистон”-и шаҳри Гулистон ва “Зарафшон”-и ноҳияи Ҷаббор Расулов доир гардида, дастаи “Гулистон”-и шаҳри Гулистон дастаи “Зарафшон”-и ноҳияи Ҷаббор Расуловро бо ҳисоби бузурги 5-3 мағлуб намуда, ғолиби ҷоми   вилояти Суғд - 2021 оид ба футбол гардид.

“ГУЛИСТОН” ҒОЛИБИ ҶОМИ ВИЛОЯТИ СУҒД - 2021

Дар варзишгоҳи «Спартак»-и шаҳри Хуҷанд санаи 3-юми августи соли равон даври ниҳоии Ҷоми вилояти Суғд - 2021 оид ба футбол миёни дастаҳои “Гулистон”-и шаҳри Гулистон ва “Зарафшон”-и ноҳияи Ҷаббор Расулов баргузор гардид.

Дар қисми аввалӣ бозӣ имкониятҳои зиёди голзанӣ барои ҳар ду тим ба вуҷуд омад ва дастаҳо тавонистанд хати дарвозаи ҳамдигаррро 2 маротибаи рахна намоянд. Дар ин қисм яке аз дифоъгарони дастаи “Гулистон”-и шаҳри Гулистон бо гирифтани ду баргаи зард бозибадар гардид.  Ҳамин тавр қисми аввали бозӣ бо натиҷаи 2-2 ба охир расид.

Дар қисми дуюми бозӣ дастаи “Зарафшон”-и ноҳияи Ҷаббор Расулов ташаббусро ба даст гирифта, туби 3-юми худро вориди дарвозаи гулистониён намуд. Дар ин қисм яке аз ҳуҷумгарони дастаи “Зарафшон”-и ноҳияи Ҷаббор Расулов пас аз қоидаситезӣ баргаи дуюми зардро гирифита, бо баргаи сурх муҷозот шуда, бозибадар гардид.

НОМЗАДҲОИ АРЗАНДА ПЕШНИҲОД ГАРДИДАНД

Дар толори Кохи фарҳангии “Истиқлол”-и шаҳри Гулистон Конференсияи XXVI ғайринавбатии КИ ҲХДТ дар шаҳр баргузор гардид. Конфренсия бо садо додани суруди миллӣ оғоз ёфта, дар он панҷ масъала мавриди баррасӣ қарор гирифт. Дар кори Конференсия муовини Раиси КИ ҲХДТ дар вилояти Суғд Аминҷон Шарифзода, муовини раиси шаҳри Гулистон Ғайрат Оқилзода ва вакилон аз ташкилотҳои ибтидоии ҳизбӣ ширкат варзиданд.

Муслимахон Ҷамолиён, раиси КИ ҲХДТ дар шаҳри Гулистон  Конфренсияро оғоз бахшида, иброз дошт, ки тибқи талаботи Қонуни Конститутсионии Ҷумҳурии Тоҷикистон “Дар бораи интихоби вакилон ба маҷлисҳои маҳалии вакилони халқ” номзадҳои ҳизб ба вакили Маҷлиси вакилони халқи шаҳри Гулистон пешбарӣ гардидаанд. Мавсуф, дар идомаи суханронӣ, аз дастуру ҳидоятҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон, Раиси муаззами Ҳизби Халқии Демократии Тоҷикистон, муҳтарам Эмомалӣ Раҳмон дар мавриди пешбарии вакилон аз ҳисоби занону ҷавонони фаъол зикр дошт, ки бо назардошти дониш, малака, маҳорати ташкилотчигӣ ва мавқеъ доштан дар ҷомеа 5 нафар номзад ба вакилии Маҷлиси вакилони шаҳр пешниҳод карда мешаванд.