Пешвои миллат Эмомалӣ Раҳмон ба истиқболи ҷашни 30-солагии Истиқлоли давлатӣ ба намояндагони касбу кори гуногун мукофот ва унвону ҷоизаҳои давлатӣ супориданд

18 август дар Қасри миллат Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба истиқболи ҷашни 30-солагии Истиқлоли давлатии Ҷумҳурии Тоҷикистон ба намояндагони касбу кори гуногун, ки дар фаъолияти корӣ натиҷаҳои назаррас доранд, мукофот ва унвону ҷоизаҳои давлатӣ супориданд.

Қабл аз оғози маросими супоридани мукофотҳои давлатӣ Президенти Ҷумҳурии Тоҷикистон муҳтарам Эмомалӣ Раҳмон ҳозиринро ба муносибати ҷашни миллӣ 30-солагии Истиқлоли давлатӣ таҳният гуфта, таъкид намуданд, ки дар арафаи ҷашни Истиқлоли давлатии Ҷумҳурии Тоҷикистон бо мукофотҳои давлатӣ қадрдонӣ намудани заҳмати намояндагони касбу кори гуногун ва шахсони содиқу обрӯманди ҷомеа рамзи сипосгузорӣ ба хизматҳои шоёни онҳо дар ҷодаи пешрафти соҳаҳои мухталифи иқтисоди миллӣ ва бахшҳои иҷтимоӣ мебошад.

Истиқлолу озодӣ бузургтарин неъмат ва боарзиштарин дастоварди миллати тоҷик баъди ҳазор соли бедавлатӣ ба ҳисоб меравад.

Табрикоти Раиси шаҳри Гулистон Бахтиёр Саидаҳмадзода ба ифтихори Рӯзи кормандони тиб

Муҳтарам кормандони соҳаи тандурустӣ!

Иди касбии кормандони тиб бо рӯзи мавлуди аллома Абуалӣ ибни Сино дар арафаи ҷашни 30 – солагии Истиқлолияти давлатии Ҷумҳурии Тоҷикистон ҷашн гирифта мешавад.

Таҷлили иди касбиро ба кулли кормандони соҳаи тибби шаҳр табрику муборакбод намуда, ба ҳамагон саодати рӯзгор, бахту иқболи баланд таманно дорам.

Табибони шаҳр имрӯз иди касбии хешро бо комёбиҳои меҳнатӣ ва бо рӯҳбаландӣ истиқбол мегиранд. Онҳо баҳри беҳтар намудани саломатии мардум, баланд бардоштани сифати хизматрасонии тиббӣ шоиста меҳнат намуда, ба мардум саломатӣ ва умри дубора мебахшанд.

Воқеан, дар таъриху фарҳанги халқи тоҷик соҳаи тиб мақоми шоиста дорад. Хазинаи тибби халқи тоҷик ғаниву беназир ташаккул ёфтааст. Тӯли асрҳо аҷдодони донишманди мо ба мисли Закариёи Розӣ, Абуалӣ ибни Сино ва даҳҳои дигар ганҷинаи бебаҳои тибби ҷаҳониро ба вуҷуд овардаанд.

АЁДАТИ СОБИҚАДОРОНИ СОҲАИ ТИБ

Раиси шаҳри Гулистон Бахтиёр Саидаҳмадзода ба муносибати иди касбии табибон собиқадорони соҳаи тибби шаҳр Тутинисо Зайнидинова, Рисқинисо Исобоева ва Акрамҷон Мақсудовро аёдат намуд.

Зимни аёдат ба собиқадорони соҳаи тиб кумакпулии Раиси шаҳр ва маводи ғизоии ниёзи аввал тақдим карда шуд. Собиқадорони соҳаи тиб бо хушҳолӣ ва фараҳмандӣ аз фазои сулҳу осоиш ва Истиқлоли давлатии кишвар миннатдории самимии хешро ба Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон иброз намуданд. Ҳамасола дар кишвар 18-уми август ҳамчун рӯзи табибон таҷлил карда мешавад.

Таҷлили ин сана ба ифтихори кормандони соҳаи тиб рӯҳияи онҳоро боло бардошта, барои фаъолияти содиқонаи касбӣ ба онҳо неру мебахшад. Хидматҳои содиқонаи собиқадорони соҳа ҳаргиз фаромӯш нахоҳад шуд.

КОРҲОИ БЕЗАРАРГАРДОНӢ ДАР ПАРТОВҶОЙҲО ВА МАВЗЕЪҲОИ ИСТИРОҲАТӢ

Мақомоти иҷроияи ҳокимияти давлатии шаҳри Гулистон баҳри пешгирии интиқол ва паҳншавии бемории сироятии коронавируси нави Ковид – 19 тадбирҳои зарурӣ андешида, дар доираи нақшаи чорабиниҳои ситоди шаҳрӣ корҳои тарғиботӣ ва фаҳмондадиҳӣ бомаром ба роҳ монда шуда истодаанд.

Бо мақсади пешгирии интиқол ва паҳншавии бемории сироятии коронавирус Ковид – 19  аз ҷониби Маркази назорати давлатии санитарию эпидемиологии шаҳр дар ҳудуди шаҳр корҳои безараргардонӣ ва фаҳмондадиҳӣ ба роҳ монда мунтазам ҷараён дорад. Дар рафти корҳои безараргардонӣ боғи “Зардолузор”, маҷмааи “Тоҷикистон ба пеш!”, ҳамаи партовҷойҳои шаҳр ва дигар маконҳои истироҳатӣ, ки теъдоди зиёди сокинон гашту гузор мекунанд бо воситаи маҳлулҳои безарагардонӣ безарар гардонида шуданд. Безараргардонӣ  бо истифода аз нақлиёт ва ба таври дорупошакҳои дастӣ ба роҳ монда шуд. Бо баробари безараргардонӣ бо гаштугузоркунандагон бо воситаи баландгӯяк  корҳои фаҳмондадиҳӣ гузаронида шуд. Ба сокинон таъкид гардид, ки дар ҷойҳои ҷамъиятӣ ва маконҳои серодам беҳуда гашту гузор нанамоянд, ҳангоми зарурат ва гашту гузор аз ниқобҳои тиббӣ истифода баранд, гигиенаи шахсӣ ва тавсияи табибонро риоя намоянд. Бо ин роҳ худ ва атрофиёнро аз сирояти коронавируси нави  Ковид – 19 эмин нигоҳ доранд.