Табрикоти Раиси шаҳри Гулистон Бахтиёр Саидаҳмадзода ба ифтихори Рўзи Конститутсияи Ҷумҳурии Тоҷикистон

Ҳамшаҳриёни гиромӣ!

Таҷрибаи қабули Конститутсия дар кишвари мо баръало нишон медиҳад, ки он ҳамчун ҳуҷҷати бисёр муҳими сиёсӣ ва санади олии ҳуқуқӣ бо Истиқлоли давлатӣ робитаи ногусастанӣ дорад. Қабули Конститутсияи Ҷумҳурии Тоҷикистон яке аз дастовардҳои бузурги даврони Истиқлолият буда, ҳамчун санади муқаддас ва тақдирсоз роҳи рушди давлати соҳибистиқлоли тоҷикон ва мардуми онро барои садсолаҳо муайян кардааст. Бузургӣ ва аҳамияти ин санади муҳими таърихӣ, пеш аз ҳама, дар он ифода меёбад, ки он бори нахуст аз ҷониби худи халқ ва барои халқ бо роҳи ифодаи озодонаи майлу иродаи шаҳрвандони мамлакат қабул карда шудааст.

Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон  муҳтарам Эмомалӣ Раҳмон таъкид намудаанд, ки «Конститутсияи Тоҷикистон ҳамчун ҳуҷҷати сарнавиштсози мардуми куҳанбунёду соҳибтамаддуни мо оини давлату давлатдории тоҷиконро, ки дар тӯли таърихи чандинҳазорсолаи халқамон идома ва сайқал ёфтааст, ҳамчунин кӯшишу талошҳои фарзандони хирадманду фарзонаи ин халқро дар роҳи расидан ба соҳибистиқлолӣ ва давлатдории миллӣ ҷомаи амал пӯшонид».

Диққат! Озмун!

Мақомоти иҷроияи ҳокимияти давлатии шаҳри Гулистон ба мансабҳои холии маъмурии хизмати давлатӣ озмун эълон менамояд

Дастгоҳи Раиси шаҳр

1. Роҳбари дастгоҳи Раиси шаҳр – 1 ҷой, маоши мансабӣ  2263,00 сомонӣ;
2. Мутахассиси пешбари шуъбаи ташкилӣ ва кор бо кадрҳои дастгоҳи Раиси шаҳр – 1 ҷой, маоши мансабӣ  924, 60 сомонӣ;
3. Мутахассиси шуъбаи ташкилӣ ва кор бо кадрҳои дастгоҳи Раиси шаҳр – 1 ҷой, маоши мансабӣ  759,00 сомонӣ;

Воҳидҳои сохтории Мақомоти иҷроияи

ҳокимияти давлатии шаҳр:

1. Мудири бахши дин, танзими анъана ва ҷашну маросими Мақомоти иҷроияи ҳокимияти давлатии шаҳр – 1 ҷой, маоши мансабӣ  1246,00 сомонӣ;
2. Мудири бахши нақлиёт ва коммуникатсияи Мақомоти иҷроияи ҳокимияти давлатии шаҳр – 1 ҷой, маоши мансабӣ  1246,00  сомонӣ;  
3. Мутахассиси пешбари бахши фарҳанги Мақомоти иҷроияи ҳокимияти давлатии шаҳр – 1 ҷой, маоши мансабӣ  924,60 сомонӣ;
4. Сармутахассиси шуъбаи иқтисод ва савдои Мақомоти иҷроияи ҳокимияти давлатии шаҳр – 1 ҷой, маоши мансабӣ  1131,60 сомонӣ;
5. Сармутахассиси шуъбаи маорифи Мақомоти иҷроияи ҳокимияти давлатии шаҳр – 1 ҷой, маоши мансабӣ  1131,60 сомонӣ;
6. Мутахассиси шуъбаи иқтисод ва савдои Мақомоти иҷроияи ҳокимияти давлатии шаҳр – 1 ҷой, маоши мансабӣ  759, 00 сомонӣ;
7. Мутахассиси бахши кор бо занон ва оилаи Мақомоти иҷроияи ҳокимияти давлатии шаҳр – 1 ҷой, маоши мансабӣ  759,00 сомонӣ;
   Муфассал Шарҳ додан
   zoofirma.ru

Пешвои миллат Эмомалӣ Раҳмон машварати корӣ доир намуданд

2 ноябр дар Қасри миллат Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо иштироки муовинони Сарвазири Ҷумҳурии Тоҷикистон, Роҳбари дастгоҳи иҷроияи Президенти Ҷумҳурии Тоҷикистон, ёрдамчиёни Президент ва роҳбарони як қатор вазорату идораҳои давлатӣ, машварати корӣ доир карданд.

Дар кори машварат масъалаҳо вобаста ба таҳлили вазъи иқтисодию иҷтимоии кишвар, риояи қонунҳои амалкунандаи ҷумҳурӣ, омодагӣ барои зимистонгузаронӣ ва коҳиш додани таъсири омилҳои беруна ба иқтисодиёти Тоҷикистон, мавриди баррасӣ қарор дода шуд.

Президенти мамлакат муҳтарам Эмомалӣ Раҳмон ба Ҳукумати кишвар, Дастгоҳи иҷроияи Президенти Ҷумҳурии Тоҷикистон, вазорату идораҳои давлатӣ ва мақомоти иҷроияи ҳокимияти давлатии вилоятҳо, шаҳру ноҳияҳо ҷиҳати дар сатҳи зарурӣ омодабошӣ барои зимистонгузаронӣ маъракаи зимистон, захираи кофии маводи хӯрокворӣ ва сӯзишворӣ, таъмини муассисаҳои иҷтимоӣ ва аҳолӣ бо барқу гармӣ, дастуру супоришҳо доданд.

Суханронии Президенти Ҷумҳурии Тоҷикистон Эмомалӣ Раҳмон дар ҷаласаи Панели сатҳи баланд оид ба масъалаҳои об ва иқлим

02.11.2021, шаҳри Душанбе

Муҳтарам аъзои Панели сатҳи баланд,

Иштирокчиёни муҳтарам,

Хонумҳо ва ҷанобон,

Пеш аз ҳама, мехоҳам ба Созмони ҷаҳонии метеорологӣ барои ташкили вохӯрии имрӯза изҳори сипос намоям.

Тавре ки маълум аст, об ва иқлим бо ҳам робитаи ногусастанӣ доранд, зеро  тағйирёбии иқлим таъсири худро ба ҳаёти мо ва иқтисодиёт асосан тавассути захираҳои об мерасонад.

Пиряхҳои мо босуръат об шуда истодаанд. То имрӯз аз 14 ҳазор пиряхи Тоҷикистон зиёда аз як ҳазораш комилан об шудааст.

Тайи чанд даҳсолаи охир ҳаҷми умумии пиряхҳои кишвари мо, ки зиёда аз 60 фоизи захираҳои обии минтақаи Осиёи Марказиро ташкил медиҳанд, ба андозаи тақрибан сеяк баробар кам гардид.