БАРГУЗОРИИ МАШҚҲОИ ПАГОҲИРӮЗӢ ДАР МАРКАЗИ ШАҲРИ ГУЛИСТОН

Тибқи нақшаи тасдиқгардидаи бахши кор бо ҷавонон ва варзиши шаҳри Гулистон, бо мақсади тарғиби тарзи ҳаёти солим дар байни наврасону ҷавонон ҳар ҳафта рӯзҳои шанбе дар варзишгоҳҳои шаҳрӣ ва назди муасисавӣ машқҳои пагоҳарӯзии дастаҷамъона баргузор карда мешавад.

Ҳадаф аз баргузории машқи пагоҳирӯзӣ ин солимгардонии ҷомеа ба ҳисоб меравад. Субҳи имрӯз дар Муассисаи давлатии “Боғи фарҳангӣ-фароғатии “Темурмалик” машқҳои дастҷамъонаи пагоҳирӯзӣ баргузор карда шуд. ҳамзамон дар ҷамоати шаҳракҳо низ баргузории машқҳои пагоҳирӯзӣ ба роҳ монда шудааст. Дар машқҳои дастҷамъонаи имрӯза дар шаҳр теъдоди зиёди ҷавонон аз ҷумла ҷавондухтарон иштирок доштанд.

НАТИҶАИ НАЗАРРАС ДАР ДАВРИ МИНТАҚАВИИ ОЗМУНИ “ТЕХНИКОНИ НАВРАС”

Замони муосир талаб мекунад, ки тамоми равандҳои иқтисодӣ ва хизматрасонӣ тавассути истифода аз технологияҳои рақамӣ ва иттилоотиву иртиботӣ дар заминаи инфрасохтори иттилоотӣ роҳандозӣ карда шаванд.

Қобили зикр аст, ки тайи солҳои охир Ҳукумати Тоҷикистон барои пешрафти фаъолияти инноватсионӣ дар мамлакат, ташаккули низоми самараноки инноватсионӣ, ки ба баланд бардоштани сатҳи технологӣ ва рақобатнокии истеҳсолот, ба бозори дохиливу хориҷӣ баровардани маҳсулоти инноватсионӣ, истеҳсоли молҳои ивазкунандаи воридот, суръатбахшии рушди иҷтимоиву иқтисодӣ ва расидан ба ҳадафҳои стратегии миллӣ мусоидат менамояд, заминаҳои ҳуқуқӣ ва иқтисодиро фароҳам овардааст.

Бо мақсади ислоҳи вазъ ва тақвият бахшидан ба неруи зеҳнии ҷомеа Ҳукумати мамлакат солҳои 2020 — 2040-ро “Бистсолаи омӯзиши илмҳои табиӣ, дақиқ ва риёзӣ дар соҳаи илму маориф” эълон намуда, дар ин баробарбаргузории як қатор озмунҳоро ба роҳ мондааст.

Президенти Ҷумҳурии Тоҷикистон Эмомалӣ Раҳмон бо Президенти Федератсияи Русия Владимир Путин суҳбати телефонӣ анҷом доданд

Имрӯз суҳбати телефонии Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо Президенти Федератсияи Русия муҳтарам Владимир Путин баргузор гардид.

Дар оғоз сарони ду кишвар ба муносибати 30-солагии истиқрори муносибатҳои дипломатӣ миёни Тоҷикистон ва Русия ҳамдигарро табрик гуфтанд.

Президентҳо бо қаноатмандӣ сатҳи баланди муносибатҳои дуҷонибаро, ки бар пояи анъанаҳои нек ва эҳтироми байниҳамдигарӣ асос ёфтаанд, таъкид карданд.

Пешвои миллат Эмомалӣ Раҳмон Намояндаи махсуси Иттиҳоди Аврупо оид ба Афғонистон Томас Никлассонро ба ҳузур пазируфтанд

Имрӯз дар Қасри миллат Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон Намояндаи махсуси Иттиҳоди Аврупо оид ба Афғонистон ҷаноби Томас Никлассонро, ки бо сафари корӣ дар Душанбе қарор дорад, ба ҳузур пазируфтанд.

Дар мулоқот ҷонибҳо перомуни муносибатҳои гуногунҷанбаи Тоҷикистону Иттиҳоди Аврупо ибрози андеша намуда, масоили таъмини амнияти минтақавиро аз ҷумлаи самтҳои муҳими шарикӣ донистанд.

Дар ин зимн сатҳи баланди ҳамкорӣ дар мубориза бар зидди хатарҳо ва таҳдидҳои амниятӣ, ки ба арзишҳои умумибашарӣ хавфи ҷиддиро ба бор овардаанд, таъкид гардид.