Раъно Ҳошимзода аз фаъолияти КВД осоишгоҳи “Шифо” боздид намуд

Имрӯз, 22 апрели соли 2022 иҷрокунандаи вазифаи Раиси шаҳр Раъно Ҳошимзода дар доираи дастуру супоришҳои Раиси вилояти Суғд муҳтарам Раҷаббой Аҳмадзода вобаста ба мавсими қабули меҳмонони дохиливу хориҷӣ ба осоишгоҳҳо аз КВД осоишгоҳи “Шифо” дидан намуда, бо вазъ ва имконоти  мавҷудаи он шинос гардид.

Иттилоъ дода шуд, ки иқтидори қабули меҳмонону истироҳаткунандагон дар КВД осоишгоҳи «Шифо» дар як шабонарӯз 146 нафар мебошад. Дар семоҳаи аввали соли ҷорӣ дар осоишгоҳ 976 нафар бо табобати истироҳатӣ фаро гирифта шуда, ҳаҷми маблағи хизматрасонӣ  1,5 миллион  сомониро ташкил дод. Бояд зикр кард, ки шумораи кормандони осоишгоҳ 62 нафарро ташкил дода, музди миёнаи маоши онҳо 1270 сомонӣ мебошад.

Маросими ба имзорасонии Созишномаи муштараки таҳсили донишҷӯёни Тоҷикистон ва ифтитоҳи курси омодагии забони чинӣ барои донишҷӯёни хориҷӣ

22 апрели соли 2022 дар Донишкадаи Конфусии назди Донишгоҳи кӯҳӣ металургии Тоҷикистон дар шаҳри Бӯстон маросими ба имзорасонии Созишномаи муштараки таҳсили донишҷӯёни Тоҷикистон ва ифтитоҳи курси омодагии забони чинӣ барои донишҷӯёни хориҷӣ баргузор гардид.

Дар маросими мазкур намояндагони вазоратҳои саноат ва технологияҳои нав, маориф ва илми Ҷумҳурии Тоҷикистон, масъулини Мақомотҳои иҷроияи ҳокимияти давлатии вилояти Суғд ва шаҳру ноҳияҳои Гулистон, Мастчоҳ, Истиқлол, ректори Донишгоҳи кӯҳӣ металлургии Тоҷикистон, директори Донишкадаи Конфусии назди Донишгоҳи кӯҳӣ металургии Тоҷикистон, директори генералии ҶДММ “Ширкати кӯҳӣ саноатии Тоҷикистону Хитой” ва намояндагони васоити ахбори омма ширкат доштанд.

Боздиди Раъно Ҳошимзода аз фаъолияти ҶДММ осоишгоҳи “Абдуқодир Ҷабборзода”

Имрӯз, 22 апрели соли 2022 иҷрокунандаи вазифаи Раиси шаҳр Раъно Ҳошимзода аз ҶДММ осоишгоҳи “Абдуқодир Ҷабборзода” дидан намуда, бо имконоти мавҷуда ва сатҳи хизматрасонӣ шинос гардид.

Зимни шиносоӣ иттилоъ дода шуд, ки дар ҶДММ осоишгоҳи “Абдуқодир Ҷабборзода” имконияти дар як вақт фаро гирифтани 55 истироҳаткунанда мавҷуд мебошад. Дар осоишгоҳ 7 нафар кормандон бо кори доимӣ таъмин гардидаанд. Дар соли ҷорӣ ба беш аз 100 нафар меҳмонони дохиливу хориҷӣ хизматрасонӣ карда шудааст. Хизматрасонӣ барои меҳмонони дохиливу хориҷӣ дар сатҳи хуб ба роҳ мода шудааст. Масъулин аз заминҳои назди осоишгоҳ самаранок истифода бурда, қисме аз маҳсулотҳои тару тозаро бо истеҳсоли худӣ ба даст оварда истодаанд.

Вохӯрии судманд бо хонандагон ва волидайни онҳо дар Ҷамоати шаҳраки Чоруқдаррон

Рӯзи 21-уми апрели соли 2022 дар асоси нақшаи баргузории силсилаи мулоқоту вохўриҳо дар самти амалисозии татбиқи сиёсати давлатии ҷавонон хониши сиёсӣ таҳти унвони, пешгирии шомилшавии ҷавонон ба ҳизбу ҳаракатҳои тундрав, ҷалби ҷавонон ба хизмати ҳарбӣ, пешгирии таълимоти ғайриқонунии динӣ, иҷрои Қонуни Ҷумҳурии Тоҷикистон "Дар бораи масъулияти падар модар, дар таълиму тарбияи фарзанд", баланд бардоштани маданияти шаҳрдории ҷавонону наврасон ва манфиатҳои миллӣ дар муассисаи таълимии  №2-и Ҷамоати шаҳраки Чоруқдаррони шаҳри Гулистон бо ҷавонони синни 16-18 сола ва волидайни онҳо вохӯрӣ баргузор карда шуд.

Дар вохӯрии мазкур Аҳлиддин Абдураҳмонов мудири бахши кор бо ҷавонон ва варзиши шаҳр, Сатторова Матлуба сармутахассиси ҳифзи ҳуқуқи кӯдаки МИҲД-и шаҳр, Аҳлиддин Тоҷиддинов и.в. мудири бахши дин, танзими анъана ва ҷашну маросими шаҳр, Фирӯз Ғаниев мушовири корҳои тарбиявии шуъбаи маорифи шаҳр ва  Зулфия Ҷолиева директори муассиса иштирок ва суханронӣ намуданд.