Вохӯрӣ бо хонандагони муассисаҳои таълимии Ҷамоати шаҳраки Адрасмон

Санаи 19.04.2022 дар толори қасри фарҳанги Ҷамоати шаҳраки Адрасмон тибқи нақшаи кории Мақомоти иҷроияи ҳокимияти давлатии шаҳр бо хонандагони муассисаҳои таълимии №5, №7 ва №13  вохӯрӣ баргузор карда шуд. Дар вохӯрии мазкур Ойинисо Раҳматова мудири бахши кор бо занон ва оила, Матлуба Сатторова сармутахассиси ҳифзи ҳуқуқи кӯдак, Аҳлиддин Тоҷиддинов и.в мудири бахши дин, танзими анъана ва ҷашну маросим, Муборак Давлатова коргузори ҷамоати шаҳрак ва имомхатиби ҷамоати шаҳрак иштирок ва суханронӣ намуданд.

Дар мулоқот доир ба тарзи ҳаёти солим, пешгирии ҳуқувайронкунӣ, пешгирии хушунат ва зӯроварӣ дар оила, ҷудо гардидани оилаҳои ҷавон, шомил гардидани ҷавонон ба ҳизбу ҳаракатҳои мамнуъ, риоя намудани муқаррароти қонуни Ҷумҳурии Тоҷикистон “Дар бораи масъулияти падару модар дар таълиму тарбияи фарзанд” ва мубориза бар зидди падидаҳои номатлуб суханронӣ карда шуд.

БАРГУЗОРИИ МУЛОҚОТ БО ҶАВОНДУХТАРОН

Санаи 19.04.2022 дар муассисаи таҳсилоти миёнаи умумии №12-и Ҷамоати шаҳраки Адрасмон тибқи нақшаи кории Мақомоти иҷроияи ҳокимияти давлатии шаҳр бо ҷавондухтарони муассиса вохӯрӣ баргузор карда шуд. Дар вохӯрии мазкур Ойинисо Раҳматова мудири бахши кор бо занон ва оила, Матлуба Сатторова сармутахассиси ҳифзи ҳуқуқи кӯдак, Наргис Қаҳҳорова намояндаи сабти асноди ҳолати шаҳрвандии  ҷамоати шаҳрак иштирок ва суханронӣ намуданд.

Дар мулоқот доир ба тарзи ҳаёти солим, пешгирии ҳуқувайронкунӣ, пешгирии хушунат ва зӯроварӣ дар оила, ҷудо гардидани оилаҳои ҷавон, шомил гардидани ҷавонон ба ҳизбу ҳаракатҳои мамнуъ, риоя намудани муқаррароти қонуни Ҷумҳурии Тоҷикистон “Дар бораи масъулияти падару модар дар таълиму тарбияи фарзанд” ва мубориза бар зидди падидаҳои номатлуб суханронӣ карда шуд.

ТАҚВИЯТИ КОРҲОИ ТАРҒИБОТӢ ДАР ШАҲР

Имрӯз, 20-уми апрели соли 2022 дар асоси нақшаи баргузории силсилаи мулоқоту вохўриҳо дар самти амалисозии татбиқи сиёсати давлатии ҷавонон ва хониши сиёсӣ таҳти унвони, пешгирии шомилшавии ҷавонон ба ҳизбу ҳаракатҳои тундрав, ҷалби ҷавонон ба хизмати ҳарбӣ, пешгирии таълимоти ғайриқонунии динӣ, баланд бардоштани маданияти шаҳрдории ҷавонону наврасон ва манфиатҳои миллӣ, дар муассисаи таълимии  №14-и  маркази шаҳр бо ҷавонони синни 16-18 сола вохӯрӣ  баргузор карда шуд.

Дар вохӯрии мазкур Аҳлиддин Абдураҳмонов мудири бахши кор бо ҷавонон ва варзиши шаҳр, Матлуба Сатторова сармутахассиси ҳифзи ҳуқуқи кӯдаки МИҲД-и шаҳр,  Мадина Каримова сармутахассиси бахши кор бо занон ва оила, Рухшона Содиқзода масъули кор бо ноболиғон ШВКД-и шаҳр ва Ҳасанбой Раҷабзода  муовини директори муассиса иштирок ва суханронӣ намуданд.

ҚАДРДОНИИ ҒОЛИБОН

Имрӯз, 20.04.2022 дар толори Муассисаи давлатии Маркази таҳсилоти иловагии шаҳри Гулистон шӯрои навбатии шуъбаи маорифи шаҳр баргузор гардид.

Пас аз баррасии масъалаҳои рӯзномаи шӯро ғолибони олимпиадаи фаннии хонандагон муаррифӣ гардиданд. Лозим ба зикр аст, ки дар даври ҷумҳуриявии олипиадаи фаннии хонандагон Нигина Зоидбоева хонандаи синфи 11-и муассисаи таҳсилоти миёнаи умумии №14 аз олимпиада аз фанни забони англисӣ ба номи Уилиям Шэкспир соҳиби мақоми сеюм ва Даря Нусратова хонандаи синфи 11-и муассисаи таҳсилоти миёнаи умумии №2-и Ҷамоати шаҳраки Чоруқдаррони шаҳр дар олимпиада аз фанни забони русӣ ба номи Александр Пушкин соҳиби мақоми ифтихорӣ гардиданд.