Бахшида ба Иди саиди Фитр ба оилаҳои камбизоат дар шаҳраки Консой кумаки моддӣ расонида шуд

Бо дастгирии соҳибкорони маҳаллӣ дар остонаи таҷлили Иди саиди Фитр ба 25 нафар камбизоатону ниёзмандон кумаки яквақтаина молиявӣ дар ҳаҷми 25000 сомонӣ расонида шуд.

Раиси ҷамоати шаҳрак Амир Муҳаббатов кумакҳои яквақтаинаро ба хонаводаҳои ниёзманд расонида қайд намуд, ки бо ҳидоятҳои Пешвои муаззами милат муҳтарам Эмомалӣ Раҳмон ва ташаббуси мақомоти иҷроияи ҳокимияти давлатии шаҳр дар арафаи ҳамаи идҳои суннатӣ аз ҷониби корхонаву ташкилотҳо ва соҳибкорону шахсони эҳсонкор ба қишри ниёзманди ҷомеа кумак расонида мешавад.

Дар ин замина аз ҷониби шахсони саховатпешаи шаҳрак ба оилаҳои ниёзманд кумакҳои яквақтаина дастрас карда мешавад. Ҷамоати худидоракунии шаҳрак кӯшиш менамояд, ки дар ҳамкорӣ бо корхонаву муассисаҳо ва соҳибкорону шахсони саховатманд дар ҳамаи иду айём ба қишри ниёзмани аҳолии шаҳрак кумакҳои моддӣ расонад.

Даври шаҳрии фестивали ҷумҳуриявии "Сад ранги чакан" баргузор карда шуд

Санаи 17.04.2023 дар Кохи фарҳангии Истиқлоли маркази шаҳр бо мақсади тарғибу ташвиқи либоси миллӣ, эҳё ва ҳифзу нигоҳдошти беҳтарин суннатҳои мардумии ниёгон дар самти тарроҳии либоси анъанавии тоҷикона, муаррифии санъату ҳунари волои халқи тоҷик, тарбияи зебоипарастӣ, суръату сифати тоза бахшидан ба истеҳсоли матоъҳои гуногуни миллӣ, аз қабили чакану чакандӯзӣ, сӯзанидӯзиву гулдӯзӣ, порадӯзӣ, читгарӣ, атласу адрасбофӣ, тибқи ҷадвали баргузории фестивал, намоиш, ид, озмунҳои анъана ва ҳунарҳои мардумӣ ва ҷашну солгардҳо дар сатҳи ҷумҳурӣ барои соли 2023, ки бо Амри Президенти Ҷумҳурии Тоҷикистон аз 03 январи соли 2023, № АП-318 тасдиқ гардидааст, ҳамчунин тибқи нақшаи чорабиниҳои мақомоти иҷроияи ҳокимияти давлатии шаҳр даври шаҳрии Фестивали ҷумҳуриявии “Сад ранги чакан” баргузор карда шуд.

Лозим ба зикр аст, ки бо иқдоми Президенти Ҷумҳурии Тоҷикистон, Пешвои миллат, муҳтарам Эмомалӣ Раҳмон дар ҷаласаи 13-уми Кумитаи байниҳукумати оид ба ҳифзи мероси фарҳанги ғайримоддии ЮНЕСКО номинатсияи «Чакан, ҳунари гулдӯзӣ» дар Ҷумҳурии Тоҷикистон аз ҷониби ин Созмон ба мероси фарҳангии ғайриоддии башарият расман ворид гаштааст.

ДУШАНБЕ ТАХТИ БАХТИ ТОҶИКОНУ ТОҶИКИСТОНӢ

Имрӯз, 15.04.2023 дар Майдони Парчами давлатии Ҷумҳурии Тоҷикистон ба муносибати Рӯзи пойтахти Ҷумҳурии Тоҷикистон – шаҳри Душанбе таҳти унвони “Душанбе тахти бахти тоҷикону Тоҷикистонӣ” чорабинии идона баргузор карда шуд.

Нахуст муовини Раиси шаҳр Шарифҷони Саидраҳмон иштирокчиёни чорабиниро бо Рӯзи пойтахти Ҷумҳурии Тоҷикистон – шаҳри Душанбе муборакбод намуд. Зикр карда шуд, ки тибқи Қонуни Ҷумҳурии Тоҷикистон "Дар бораи рӯзҳои ид" ҳамасола шанбеи сеюми моҳи апрел ҳамчун Рӯзи пойтахти Ҷумҳурии Тоҷикистон - шаҳри Душанбе дар саросари кишвар таҷлил карда мешавад.

Соли 1924, пас аз ташкил кардани Ҷумҳурии Мухтори Шӯравии Сотсиалистии Тоҷикистон дар таркиби Ҷумҳурии Шӯравии Сотсиалистии Ӯзбекистон, Душанбе – шаҳр ва пойтахти Ҷумҳурии Мухтори Шӯравии Сотсиалистии Тоҷикистон дар таркиби Ҷумҳурии Шӯравии Сотсиалистии Тоҷикистон эълон гардид.

Дар таърихи 16 октябри соли 1929 Душанбе ба Сталинобод (бахшида ба роҳбари ҳамонвақтаи Иттиҳоди Ҷумҳурии Шӯравии Сотсиалистӣ -  Иосиф Сталин (1924-1953), номаш иваз гардид. Соли 1961 дубора Душанбе номида шуд. Чунин иваз кардани номҳои шаҳру маҳалҳои аҳолинишин дар натиҷаи тағйир ёфтани сохти ҷамъиятиву сиёсӣ дар Тоҷикистон ба вуқӯъ омадааст.

ТОЗАВУ ОЗОДА НИГОҲ ДОШТАНИ ШАҲР МАРОМИ МОСТ!

Имрӯз, 15.04.2023 дар шаҳри Гулистон тибқи барқияи Мақомоти иҷроияи ҳокимияти давлатии вилояти Суғд ҳашари умумишаҳрӣ ҷиҳати тозаву озода намудани дохили шаҳр баргузор гардид.

Дар ҳашари умумишаҳрӣ  кормандони ташкилоту корхона, муассисаҳои соҳаи маориф, фарҳанг, тандурустӣ, коллеҷи тиббӣ  ва дигар соҳаҳои хоҷагии халқи шаҳр фаъолона иштирок намуданд.

Ҳифз  намудани табиат ва тозаю озода нигоҳ доштани гирду атроф ба инсонҳо вобастагии комил дошта, қарзи ҳамешагии шаҳрвандии мо мебошад.  Бо ин мақсад ҳашарчиён гирду атрофи корхонаву муассисаҳо, мавзеъҳои истироҳатӣ, шафати роҳи асосӣ, гирду атрофи нуқтаҳои савдо, кӯчаву хиёбонҳо ва оромгоҳи шаҳрро аз ҳама гуна хасу хошок ва партовҳо тоза намуданд.