Дар МТМУ № 14 ба номи Нурилло Ҳувайдуллоев бо сармавзӯи «Ватанам-Тоҷикистон» машғулияти 91-умини маҳфили муштараку сайёр, илмию методӣ, амалию назариявӣ ва ҳуқуқию доимии «Корвони маънавиёт» баргузор гардид. Дар ибтидо сарвари маҳфил Аълочии маорифи Ҷумҳурии Тоҷикистон Акбаралӣ Усмоналиев роҷеъ ба нақшаву ҳадафҳои маҳфил ибрози андеша карда, роҳбарон ва аъзои 9 зермаҳфилҳоро доир ба ҷараёни он тибқи нақша муваззаф намуд.
Иштирокчиёни маҳфил дар дарсҳои кушоди омӯзгорони муассисаи таълимӣ, аз ҷумла Мавҷуда Атаева (аз фанни математика), Зулайхо Мамадҷонова (аз фанни забони тоҷикӣ), Шоҳида Холиқова (аз фанни адабиёт) ва Баргигул Мамадназарбекова (аз фанни асосҳои давлат ва ҳуқуқ) иштирок намуданд. Дар фарҷоми тадрис дар атрофи дастовардҳои омӯзгорон ва паҳлӯҳои дарсҳои кушод мубодилаи афкор ба вуқӯъ пайваст.
Бори нахуст корхонаҳои саноатии шаҳри Қайроққум дар маҷмӯъ, сарфи назар аз моликияташон, дар замони соҳибистиқлолӣ тавлиди маҳсулоти саноатӣ ва моли ниёзи мардумро фақат дар 11 моҳи сипаришудаи соли равон ба 1 миллиарду 17 миллиону 605,4 ҳазор сомонӣ расонид.
10 октябр Раиси шаҳри Қайроққум Матлубахон Амонзода бо роҳбарияту фаъолон ва намояндагони ташкилотҳои ҷамъиятиву динӣ, раисони кумитаи маҳаллаҳо машварати корӣ доир намуд. Дар машварат кормандони мақомоти ҳифзи ҳуқуқ низ ширкат варзиданд.
Тибқи қарору амрҳои Раиси шаҳри Қайроққум Матлубахон Амонзода аз 30 ноябр ва 1 декабри соли ҷорӣ таҳти рақамҳои 285, 111 ва 112 бо ҳадафи истифодаи босамари иқтидори касбии хизматчиёни давлатӣ як қатор ҷойивазкуниҳо шуд.
«Ҷумҳурият» №242, 4 декабри соли 2015
