Изат Амон подозревается в мошенничестве

Сотрудниками органов внутренних дел возбуждено уголовное дело в отношении гражданина Холова Изатулло Амоновича (Изат Амон) 1973 года рождения, уроженца сельского джамоата Чоряккорон района Рудаки, за совершение мошенничества на основании статьи 247 ч. 4 Уголовного кодекса Республики Таджикистан.

Изат Амон ба қаллобӣ гумонбар аст

Аз тарафи кормандони мақомоти корҳои дохилӣ нисбати шаҳрванд Холов Изатулло Амонович (Изат Амон) соли таваллудаш 1973, зодаи ҷамоати деҳоти Чоряккорони ноҳияи Рӯдакӣ, барои содир кардани ҷинояти қаллобӣ дар асоси моддаи 247, қ.4 Кодекси ҷиноятии Ҷумҳурии Тоҷикистон парвандаи ҷиноятӣ оғоз карда шудааст.

Президенти мамлакат Эмомалӣ Раҳмон бо ҷараёни корҳои кишоварзӣ дар Хоҷагии тухмипарварии «Ҳосилот»-и ноҳияи Кӯшониён шинос шуданд

26 март Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар ноҳияи Кӯшониён бо ҷараёни корҳои саҳроӣ, истифодаи мақсадноки замин ва самараи дастранҷи сокинони ноҳия дар Хоҷагии тухмипарварии «Ҳосилот» шинос шуданд.

Нахуст Пешвои миллат аз намоишгоҳи маҳсулоти кишоварзӣ дидан карданд.

Зимни шиносоӣ бо маҳсулоти кишоварзӣ Пешвои миллат муҳтарам Эмомалӣ Раҳмон ба натиҷаҳои фаъолияти аҳли заҳмат ва дастовардҳои бузурги меҳнатии онҳо баҳои баланд дода, рушди соҳаи кишоварзиро омили муҳими таъминкунандаи амнияти озуқаворӣ ва корхонаҳои саноатӣ бо маҳсулот арзёбӣ карданд.

Хоҷагии тухмипарварии «Ҳосилот» соли 2005 дар майдони 336 гектар таъсис дода шудааст. Аз ин шумора 331 гектараш обӣ мебошад.

Президенти мамлакат Эмомалӣ Раҳмон бинои Маркази саломатӣ ва меҳмонхонаро дар ноҳияи Кӯшониён ифтитоҳ намуданд

26 март дар доираи сафари корӣ дар шаҳру ноҳияҳои вилояти Хатлон Асосгузори сулҳу ваҳдати миллӣ — Пешвои  миллат, Президенти Ҷумҳурии Тоҷикистон муҳтарам Эмомалӣ Раҳмон дар шаҳраки Исмоили Сомонии ноҳияи  Кӯшониён бинои нави маркази тандурустии “Ваҳдат”-ро, ки бо тарҳи хеле зебову замонавӣ аз ҷониби соҳибкорӣ ватандӯст Фақерзода Анвар бунёд гардидааст, ифтитоҳ намуданд.

Дар ин ҷо ба Пешвои миллат муҳтарам Эмомалӣ Раҳмон иттилоъ доданд, ки корҳои сохтмонӣ дар иншооти мазкур моҳи марти соли 2019 бо истифода аз масолеҳи сохтмонии истеҳсоли ватанӣ ва ҷалби бинокорони маҳаллӣ оғоз гардида, моҳи марти соли 2021 бо сифати баланди сохтмонӣ ва ҷавобгу ба меъёрҳои миллию ҷаҳонӣ ба анҷом расид.

Акнун бо бунёди чунин маркази муосири тиббӣ 58 ҷойи нави корӣ муҳайё гардида, мутахассисони соҳибкасби маҳаллӣ бо ҷойи кори доимӣ ва маоши хуб таъмин шуданд.