Вохӯрӣ ҷиҳати пешгирии падидаҳои номатлуб

Дар толори мактаби санъати маркази шаҳри Гулистон санаи 22.02.2022 тибқи нақшаи якҷояи шуъбаи минтақавии мубориза зидди ҷиноятҳои муташаккил дар вилояти Суғд ва Мақомоти иҷроияи ҳокимияти давлатии шаҳр ҷиҳати вусъати корҳои тарғиботӣ-ташвиқотӣ, бурдани корҳои фаҳмондадиҳӣ доир ба пешгирии зуҳуроти номатлуб – терроризм ва экстремизм ва иҷрои Стратегияи муқовимат ба экстремизм ва терроризм дар Ҷумҳурии Тоҷикистон барои солҳои 2021-2025 бо фаъолони шаҳр вохӯрӣ доир гардид.

Дар вохӯрӣ муовини сардори шуъбаи минтақавии мубориза зидди ҷиноятҳои муташаккил дар вилояти Суғд подполковники милитсия Аҳадҷон Абдуллозода ва корманди шуъбаи мазкур майори милитсия Ҷамшед Ҳайдарзода иштирок доштанд.

“Мурғи аълосифат” пешсафи бозори истеъмолӣ

Солҳои охир дар Ҷумҳурии Тоҷикистон, рушди соҳаи парандапарварӣ авҷи тоза гирифта, махсусан гушти мурғи парҳезӣ ва тухм, ҳамчун маҳсулоти воридотивазкунанда талаботи бозори истеъмолии кишварро ба дасти худ гирифтаистодааст. Ин раванд дар шаҳри Гулистон низ мавқеъ ва ҷойгоҳи хосаи худро пайдо намуда, дар миёни корхонаҳои калони саноатию истеҳсолӣ корхона ва коргоҳҳои парандапарварӣ низ зиёд гардида истодаанд.

Бо мақсади шиносои бо вазъӣ истеҳсолии Ҷамъияти дорои масъулияташ маҳдуди “Мурғи аълосифат” иҷрокунандаи вазифаи раиси шаҳри Гулистон Раъно Ҳошимзода 22 феврали соли 2022 ба корхона ташриф оварда, бо роҳбарият ва коргарон сӯҳбат доир намуд.

Корхонаи мазкур 22 марти соли 2020 бо иштироки Асосгузори сулҳу Ваҳдати миллӣ, Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон мавриди баҳрабардорӣ қарор дода шудааст. Тибқи иттиллои роҳбари корхона Бобоев Парвиз Мақсудович истеҳсолот асосан ба гушти мурғи  бройлерӣ нигаронида шуда, парвариши чуҷа, истеҳсоли хӯроки паранда, забҳ, борпечкунӣ ва нигоҳдории маҳсулот дар анборҳои худи корхона анҷом дода мешавад.

Табрикоти иҷрокунандаи вазифаи Раиси шаҳри Гулистон Раъно Ҳошимзода ба муносибати 29-солагии таъсисёбии Қувваҳои Мусаллаҳи Ҷумҳурии Тоҷикистон

Ҳамшаҳриёни гиромӣ!

Ба таъсиси Қувваҳои Мусаллаҳи Ҷумҳурии Тоҷикистон, ки дастоварди беназири даврони истиқлолияти давлатӣ маҳсуб меёбад, бисту нуҳ сол пур мешавад.

Қувваҳои Мусаллаҳи мо дар як давраи ҳассос арзи вуҷуд намуда, дар муддати на чандон тулонӣ аз санҷишҳои ҷиддӣ гузашта, такомул ва обутоб ёфт. Ҳоло Қувваҳои Мусаллаҳи кишвар ҳамчун неруи тавоно, муҷаҳҳаз ва муташаккил амнияти давлат ва осоиши он ро таъмин менамояд.

Таҳти сарварии хирадмандонаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба ташкил ва ба вуҷуд овардани заминаи сиёсиву ҳуқуқии сохтори ҳарбии ҷумҳурӣ муваффақ шудем. Маҳз туфайли ғамхории пайвастаи Пешвои муаззами миллат, Сарфармондеҳи Олии Қувваҳои Мусаллаҳ имрӯз Артиши миллӣ ба қувва ва сипари боэътимоди муҳофизкунанда табдил ёфтааст.

Қарорҳои Ҳукумати Ҷумҳурии Тоҷикистон

ҲУКУМАТИ ҶУМҲУРИИ ТОҶИКИСТОН
ҚАРОР

аз 21 феврали соли 2022 №27
ш. Душанбе

Дар бораи аз вазифаи муовини якуми
вазири маориф ва илми Ҷумҳурии Тоҷикистон
озод намудани Саломиён М.Қ.

Ҳукумати Ҷумҳурии Тоҷикистон қарор мекунад:
Саломиён Муҳаммаддовуд Қаюм бо сабаби ба кори дигар гузаштан аз вазифаи муовини якуми вазири маориф ва илми Ҷумҳурии Тоҷикистон озод карда шавад.