Президенти Ҷумҳурии Тоҷикистон Эмомалӣ Раҳмон аз 10 сафири нави кишварҳои хориҷ эътимоднома қабул карданд

15 июн дар Қасри миллат Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон аз 10 сафири нави фавқулодда ва мухтори кишварҳои хориҷ эътимоднома қабул карданд.

Зимни маросими эътимодномасупорӣ ба Президенти Ҷумҳурии Тоҷикистон муҳтарам Эмомалӣ Раҳмон сафирони фавқулодда ва мухтори Ҷумҳурии Мардумии Чин Тсзи Шумин, Ҷумҳурии Қазоқистон Валихан Туреханов, Қирғизистон Эрлан Абдилдаев, Маҷористон Рона Отта Иван, Испания Хорхе Урбиола Лопес де Монтенегро, Индонезия Моҳаммад Фаҷрол Раҳман, Таиланд Чатчаван Сакорсин, Марокаш Муҳаммад Рашид Маанин, Бразилия Олинсо Виейра ва Доминикан Франк Ҳанс Данненберг Кастелянос, эътимодномаҳоро бо паёму дуруд аз роҳбарияти кишварҳои хеш тақдим карданд.

Сарвари давлат муҳтарам Эмомалӣ Раҳмон зимни суханронӣ ҳамаи сафиронро ба муносибати оғоз гардидани фаъолияти дипломатиашон дар ин маснади пуршарафу ҳамзамон сермасъул дар Ҷумҳурии Тоҷикистон самимона табрику таҳният гуфта, бо итминон иброз доштанд, ки сафирон бо талошу фаъолияти самарабахши худ ҷиҳати такони тоза бахшидан ба муносибатҳои шарикии кишварҳои мо дар арсаҳои гуногуни ҳамкорӣ саҳми арзанда хоҳанд гузошт.

Варзишгарони шаҳри Гулистон дар мусобиқаи вилоятӣ оид ба волейбол бо усули деҳа ба деҳа ҷойи дуюмро соҳиб гардиданд

Санаҳои 10-12 июни соли 2022 дар толори варзишии "Чемпион"-и ноҳияи Ҷаббор Расулов  мусобиқаи вилоятӣ оид ба волейбол байни деҳа ва маҳаллаҳои аҳолинишини шаҳру ноҳияҳои вилояти Суғд бахшида ба 25-солагии Рӯзи Ваҳдати миллии Ҷумҳурии Тоҷикистон ташкил ва баргузор гардид.

Дар мусобиқаи варзишии мазкур 11 дастаҳо аз шаҳру ноҳияҳои вилояти Суғд фаъолона иштирок намуданд.

Варзишгарони шаҳри Гулистон дар мусобиқаи мазкур фаъолияти арзанда нишон дода, соҳиби мақоми дуюм гардиданд.

Баргузории мусобиқаи варзишии футбол бо усули маҳал ба маҳал байни наврасону ҷавонон дар Ҷамоати шаҳраки Адрасмони шаҳри Гулистон

Дар шаҳри Гулистон оид ба иҷрои саривақтии дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, доир  ба омавигардонии варзиш ва тарзи ҳаёти солим тадбирҳои муассир андешида шудаистодааст. Дар ҳамин замина нақшаи чорабиниҳои бахши кор бо ҷавонон ва варзиш, бо тасдиқи Раиси шаҳр ба тавсиб расидааст. Лозим ба ёдоварист, ки масъулин ва мураббиёни муассисаи давлатии "Мактаби варзишӣ"-и шаҳр дар ҳамкорӣ бо шуъбаи маориф, муассисаҳои таълимӣ ва дигар корхонаву ташкилотҳои ҳудуди шаҳр ва ҷамоати шаҳракҳои шаҳр, ҳамарӯза мусобиқаҳои варзиширо, дар сатҳи хуб роҳандозӣ намуда истодаанд.

Бо ҳамин мақсад санаи 14.06.2022, дар варзишгоҳи Ҷамоати шаҳраки Адрасмон   байни наврасону ҷавонон мусобиқаи мазкур ташкил ва баргузор карда шуд.

ИДОМАИ СИЛСИЛА БАРНОМАҲОИ ФАРҲАНГИИ "ПАЙКИ ВАҲДАТ" ДАР ШАҲРИ ГУЛИСТОН

Бегоҳии имрӯз, 14.06.2022 дар асоси нақша чорабиниҳои Мақомоти иҷроияи ҳокимияти давлатии шаҳри Гулистон бахшида ба 25-солагии Рӯзи "Ваҳдати миллӣ" ва 30-юмин солгарди баргузории Иҷлосияи тақдирсози 16-уми Шӯрои олии Ҷумҳурии Тоҷикистон силсилаи барномаҳои фарҳангӣ-фароғатӣ таҳти унвони "Пайки Ваҳдат" дар "Боғи 24-солагии Истиқлолияти давлатии Ҷумҳурии Тоҷикистон" дар шаҳр баҳри болидахотирии сокинон ва меҳмонони шаҳри Гулистон идома ёфта, аз ҷониби санъаткорони ҷамоати шаҳраки Консой барномаи фарҳангӣ манзур карда шуд.

Дар чорабинии фарҳангӣ намояндагон аз Мақомоти иҷроияи ҳокимияти давлатии шаҳр ва дигар соҳаҳои хоҷагии халқи шаҳр иштирок доштанд. Сокинон бо рӯҳияи болида ба сайру гашт баромада аз тамошои барномаи фарҳангӣ шоми фароғатии худро рангин намуданд.