Раъно Ҳошимзода баҳри вусъати корҳои ободониву созандагӣ масъулинро вобаста намуд

Субҳи имрӯз, 20 июни соли равон раиси шаҳри Гулистон Раъно Ҳошимзода бо ҷалби васеи мудирони шуъбаву бахшҳои мақомоти иҷроияи ҳокимияти давлатии шаҳр ва роҳбарони воҳидҳои сохтории шаҳр аз ҳолати биноҳои баландошёна боздид ба амал овард. Роҳбари шаҳр зимни боздид аз камбудиву норасоиҳои ҷойдошта ёдовар гардида, ҷиҳати рангубори биноҳои баландошёна, тозаву озода намудани кӯчаву хиёбонҳои ва хонаҳои истиқоматӣ, барқароркунии канораҳои роҳ, шинонидани гулҳои ороишӣ, ҷалби бештари аҳолӣ баҳри саҳмгузорӣ дар вусъати корҳои ободониву созандагӣ дастуру супоришҳои мушаххас дод.

Гуфта шуд, ки шаҳри Гулистон шаҳри сайёҳӣ аст ва меҳмонони дохилию хориҷӣ мунтазам ворид мегарданд. Вобаста ба ин моро зарур аст, ки тибқи дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҷиҳати муаррифии фарҳангу тамаддуни миллӣ ба ҷаҳониён корҳоро дар ҳама самтҳо тақвият бахшем.

ТАҚВИЯТИ КОРҲОИ САБЗУ ХУРРАМГАРДОНӢ

Имрӯз, 19.06.2022 дар шаҳри Гулистон новобаста аз рӯзи истироҳат  ҷиҳати ободу зебо гардонидани шаҳр, тозаву озода нигоҳ доштан ва кабудизоркунии он,  корҳои ободониву сабзкорӣ ба роҳ монда шуд.

Дар маъракаи ободонӣ баҳри зебову пурҷило намудани шаҳр дар гулгашти майдони Нишони давлатии Ҷумҳурии Тоҷикистон дар шаҳр ва майдони "Тоҷикистон, ба пеш!!!" гулҳои ороишии мавсимӣ шинонида шуд.

Раиси шаҳри Гулистон Раъно Ҳошимзода аз рафти корҳои сабзу хуррамгардонӣ дидан намуда, ба масъулини Корхонаи воҳиди давлатии хоҷагии манзилию коммуналии шаҳр баҳри тақвияти корҳо дастуру супоришҳои мушаххас дод.

ШАШ ГОЛИ МУҲСИН РУСТАМЗОДА БА ДАСТАИ "ГУЛИСТОН" ПИРӮЗӢ ОВАРД

18-уми июни соли 2022 дар доираи даври ҳаштуми Чемпионати Тоҷикистон оид ба футбол миёни дастаҳои  Лигаи якум дастаи "Гулистон"-и шаҳри Гулистон дастаи "Ваҳдат"-и шаҳри Ваҳдатро ба ҳузур пазируфт.

Қисми аввали дидорро бозигарони меҳмон бо муваффақият оғоз намуда, аз вазъиятҳои хуби голзанӣ истифода бурда 2 маротиба хати дарвозаи дастаи "Гулистон"-ро рахна намуданд. Пас аз ин гуна ранг гирифтани дидор бозигарони дастаи "Гулистон" ташаббусро ба даст гирифта то поёни қисми аввал 4 маротиба хати дарвозаи дастаи "Ваҳдат"-ро рахна намуда, тавонистанд ҳисоби бозиро бар нафъи худ 4-2 намоянд. Чаҳор туби дастаи "Гулистон"-ро дар қисми аввал беҳтарин нишонзани даста Муҳсин Рустамзода ба ҳадаф расонид.

Сарвари давлат Эмомалӣ Раҳмон бо лоиҳаи таъмиру навсозӣ ва мумфаршкунии роҳҳои марказии ноҳияи Дӯстӣ шинос шуданд

16 июн дар идомаи сафари корӣ дар ноҳияи Дӯстӣ Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҳамчунин бо лоиҳаи таъмиру навсозӣ ва мумфаршкунии роҳҳои марказии ноҳия шинос шуданд.

Корҳои таъмиру навсозии роҳҳои марказии ноҳияи Дӯстӣ соли 2019 дар асоси дастуру роҳнамоии Сарвари давлат муҳтарам Эмомалӣ Раҳмон аз рӯи меъёрҳои муосир оғоз гардида, бо руҳия ва ҳисси баланди миллӣ анҷом дода мешаванд.

Таъмиру навсозӣ ва мумфаршкунии роҳҳои марказии ноҳияи Дӯстӣ дар асоси лоиҳа дар маҷмӯъ 5 километр роҳ дар ду марҳила дар бар мегирад.