Имрӯз маҷлиси Ҳукумати Ҷумҳурии Тоҷикистон баргузор шуд

29 ноябр таҳти раёсати Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон, Раиси Ҳукумати мамлакат муҳтарам Эмомалӣ Раҳмон маҷлиси Ҳукумати Ҷумҳурии Тоҷикистон баргузор шуд.

Дар маҷлиси Ҳукумати мамлакат нахуст ҳисоботи муовини якуми Вазири саноат ва технологияҳои нави Ҷумҳурии Тоҷикистон оид ба ҷараёни иҷрои қарори Ҳукумати Ҷумҳурии Тоҷикистон «Дар бораи Барномаи рушди саноати сабук дар Ҷумҳурии Тоҷикистон барои давраи то соли 2022» шунида шуд. Таъкид гардид, ки барномаи мазкур дар доираи ҳадафи чоруми стратегӣ – саноатикунонии босуръати мамлакат амалӣ шуда, барои таъмини рушди иқтисодиёти мамлакат аз ҳисоби рушди саноати сабук муҳим мебошад.

Барномаи рушди саноати сабук дар Ҷумҳурии Тоҷикистон барои давраи то соли 2022 дар асоси муқаррароти Қонуни Ҷумҳурии Тоҷикистон «Дар бораи дурнамоҳои давлатӣ, консепсияҳо, стратегияҳо ва барномаҳои рушди иҷтимоию иқтисодии Ҷумҳурии Тоҷикистон», «Стратегияи рушди саноат дар Ҷумҳурии Тоҷикистон барои давраи то соли 2030», «Барномаи миёнамуҳлати рушди Ҷумҳурии Тоҷикистон барои солҳои 2016-2020» ва Қарори Ҳукумати Ҷумҳурии Тоҷикистон аз 23 январи соли 2018, №34 «Дар бораи натиҷаҳои рушди иҷтимоию иқтисодии Ҷумҳурии Тоҷикистон дар соли 2017 ва вазифаҳо барои соли 2018» таҳия карда шудааст.

Таҷлили Рӯзи Парчами давлатии Ҷумҳурии Тоҷикистон дар шаҳри Гулистон

Имрӯз, 24.11.2022 дар майдони Парчами давлатии Ҷумҳурии Тоҷикистон дар шаҳр ба муносибати 30-юмин солгарди Рӯзи қабули Парчами давлатии Ҷумҳурии Тоҷикистон чорабинии идона баргузор карда шуд.

Чорабинии идона бо садо додани Суруди миллии Ҷумҳурии Тоҷикистон оғоз гардид.

Раиси шаҳри Гулистон Раъно Ҳошимзода иштирокчиёнро ба муносибати Рӯзи Парчами давлатии Ҷумҳурии Тоҷикистон муборакбод гуфт.

Зикр карда шуд, ки Парчами миллӣ нахустин нишони муқаддаси ҳар миллат, рамзи ҳувият, рамзи давлатдорӣ, рамзи ягонагии халқҳои як сарзамин мебошад. Парчами миллӣ симои сиёсии ҳар кишварро дар сатҳи ҷаҳонӣ таҷассум мекунад.

ПАРЧАМАТ БОДО ПАРАФШОН, ТОҶИКИСТОН!

Имрӯз, 24.11.2022 дар маркази шаҳри Гулистон роҳпаймоии идона ба муноисбати 30-юмин солгарди Рӯзи қабули Парчами давлатии Ҷумҳурии Тоҷикистон баргузор гардид.

Дар роҳпаймоии идона гирандагони стипендияи Президенти Ҷумҳурии Тоҷикистон, гирандагони стипендияи Раиси шаҳр, варзишгарони шаҳр, хонандагону омӯзгорони муассисаҳои таълимии маркази шаҳр, ҷамоати шаҳракҳо ва донишҷӯёни муассисаи ғайридавлатии Коллеҷи тиббии шаҳри Гулистон бо шиору овезаҳо ва парчамҳо дар фазои идона аз назди мақомоти иҷроияи ҳокимияти давлатии шаҳр то ба назди майдони Парчами давлатии Ҷумҳурии Тоҷикистон дар шаҳр роҳ паймуданд.

Дар роҳпаймоии идона беш аз 2000 нафар роҳпаймочиён иштирок намуданд. Ҳамчунин роҳпаймочиён парчами дарозиаш 60 ва паҳноияш 4 метрро бо рӯҳияи идона парафашон ба майдони Парчами давлатӣ бурданд.

ПАЁМИ ШОДБОШИИ Пешвои миллат Эмомалӣ Раҳмон ба муносибати Рӯзи Парчами давлатӣ

24.11.2022, ш.Душанбе

Ҳамватанони азиз!

Имрӯз сокинони Тоҷикистони соҳибистиқлол боз як санаи муҳимми таърихӣ – сиюмин солгарди қабули Парчами давлатиро бо ифтихору шукргузорӣ аз давлату давлатдории миллӣ ва дар фазои орому осудаи кишвар таҷлил менамоянд.

Ба ин муносибат мардуми шарифи Тоҷикистонро самимона табрик мегӯям.

Чанд рӯз пеш мо – мардуми Тоҷикистони соҳибистиқлол яке аз санаҳои муҳим ва тақдирсози таърихи миллат – 30-юмин солгарди Иҷлосияи шонздаҳуми Шӯрои Олиро, ки Парчами давлатӣ маҳз дар ҷараёни баргузории он 24-уми ноябри соли 1992 қабул гардид, ботантана таҷлил намудем.

Соли 1994 Конститутсияи Тоҷикистони соҳибихтиёр бо роҳи раъйпурсии умумихалқӣ қабул шуд, ки дар он парчами кишварамон дар баробари дигар рамзҳои давлатӣ ҳамчун нишонаи ҳастӣ ва пойдории давлатдории миллии тоҷикон дарҷ гардид.