ПАЁМ – РОҲНАМО БАРОИ ФАРДОИ ДУРАХШОН!

Тибқи нақшаи тасдиқгардида аз ҷониби Мақомоти иҷроияи ҳокимияти давлатии шаҳри Гулистон имрӯз 25.01.2022  дар толори Ҷамоати шаҳраки Консойи шаҳр вохӯрӣ доир ба шарҳу тавзеҳи Паёми навбатии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон бо сокинон ва хатмкунандагони муассисаи таълимии №3-и шаҳрак баргузор карда шуд.

Дар вохӯрии мазкур Аҳлиддин Абдураҳмонов, мудири бахши кор бо ҷавонон ва варзиши шаҳр, Фаридуншоҳ Абдуллоев, сармутахассиси шуъбаи рушди иҷтимоӣ ва робита бо ҷомеаи дастгоҳи Раиси шаҳр ва Амир Муҳаббатов раиси ҷамоати шаҳрак иштирок ва суханронӣ намуданд.

Зикр карда шуд, ки Паёми навбатии Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон «Дар бораи самтҳои асосии сиёсати дохилӣ ва хориҷии ҷумҳурӣ» ба Маҷлиси Олии кишвар, ки санаи 23-юми декабри соли ҷорӣ ироа гардид фарогири ҳамаи самтҳои хоҷагии халқи кишвар мебошад.

Имрӯз маҷлиси васеи Ҳукумати Ҷумҳурии Тоҷикистон баргузор гардид

24 январ дар бинои Ҳукумати Ҷумҳурии Тоҷикистон таҳти раёсати Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон, Раиси Ҳукумати мамлакат муҳтарам Эмомалӣ Раҳмон маҷлиси васеи Ҳукумати Ҷумҳурии Тоҷикистон баргузор гардид.

Дар кори маҷлис роҳбарият ва аъзои Ҳукумати кишвар, Дастгоҳи иҷроияи Президенти Ҷумҳурии Тоҷикистон ва воҳидҳои сохтории он, роҳбарони мақомоти марказии давлатӣ, идораҳои назди Президент ва Ҳукумат, корхонаю муассисаҳои ҷумҳуриявӣ, раисони вилоятҳо ва шаҳру ноҳияҳо, роҳбарони муассисаҳои таҳсилоти олӣ, марказҳои татбиқи лоиҳаҳои давлатии сармоягузорӣ, бонкҳои давлатӣ ва саҳҳомӣ, рӯзномаю маҷаллаҳои расмӣ ва дигар шахсони масъул иштирок карданд.

Дар маҷлиси васеи Ҳукумати Ҷумҳурии Тоҷикистон натиҷаҳои рушди иқтисодию иҷтимоии кишвар дар соли 2022 мафассал баррасӣ гардида, вазифаҳои асосӣ барои соли 2023 муайян карда шуданд.

Дар маҷлиси васеи Ҳукумат нахуст ҳисоботи Сарвазири мамлакат Қоҳир Расулзода оид ба натиҷаҳои рушди иқтисодию иҷтимоӣ дар соли 2022 шунида шуд.

ПАЁМ – САНАДИ ҲИДОЯТГАР БАРОИ ФАЪОЛИЯТИ ПУРСАМАР

Санаи 18.01.2023 дар толори мактаби санъати шаҳри Гулистон тибқи ҷадвали тасдиқгардидаи Раис Маҷлиси вакилони халқи вилояти Суғд Раҷаббой Аҳмадзода вохӯрии вакили Маҷлиси вакилони халқи вилояти Суғд Раъно Ҳошимзода бо интихобкунандагон ҷиҳати тарғибу ташвиқи Паёми навбатии Асосгузори сулҳу ваҳдати миллӣ–Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии кишвар баргузор гардид.

Раиси шаҳри Гулистон Раъно Ҳошимзода вохӯриро оғоз намуд.

Зикр карда шуд, ки он гунае ки дар Паёми Пешвои муаззами миллат муҳтарам Эмомалӣ Раҳмон зикр гардид, дар воқеъ соли 2022 барои мо соли бобарор буд.

Дар натиҷаи заҳмати содиқона корҳои созанагиву бунёдкорӣ мунтазам идома ёфта, нақшаҳои пешбинигардида самаранок истифода гардиданд.

ҶАЛАСАИ КОРИИ НАЗДИ РАИСИ ШАҲР БАРГУЗОР ГАРДИД

Имрӯз, дар толори хурди мақомоти иҷроияи ҳокимияти давлатии шаҳр ҷаласаи кории назди Раиси шаҳр доир ба рафти иҷрои қарори Раиси шаҳр аз 16 декабри соли 2022, таҳти №268 “Дар бораи гузаронидани омӯзиши пешаздаъватӣ ва омода намудани шаҳрвандони солҳои таваллуди 1996 – 2005 ба хизмати ҳарбӣ” ва омодагиҳо ба ҷашни 30-солагии Қувваҳои Мусаллаҳи Ҷумҳурии Тоҷикистон ва баргузории паради ҳарбӣ баргузор карда шуд.

Дар ҷаласаи корӣ муовин ва роҳбари дастгоҳи Раиси шаҳр, мудирони шуъбаву бахшҳо, раисони ҷамоати шаҳракҳо, роҳбарони мақомотҳои ҳифзи ҳуқуқ ва дигар шахсони дахлдор иштирок намуданд.

Раиси шаҳри Гулистон Раъно Ҳошимзода кори ҷаласаро оғоз намуда, масъалаҳои баррасишавандаро таъкид намуд.