Пешвои миллат Эмомалӣ Раҳмон дар ноҳияи Шоҳмансур ҶДММ «Қолинҳои Душанбе»-ро мавриди истифода қарор доданд

20 декабр Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам Рустами Эмомалӣ дар кӯчаи Зебунисои ноҳияи Шоҳмансури пойтахт Ҷамъияти дорои масъулияти маҳдуди «Қолинҳои Душанбе»-ро мавриди истифода қарор доданд.

Корхонаи азими қолинбофӣ ба ифтихори 35-солагии Истиқлолияти давлатии Ҷумҳурии Тоҷикистон ва Солҳои рушди саноат (2022-2026) аз тарафи соҳибкори ватанӣ Наврӯз Абдуллоев бунёд гардидааст. Бо таъсис ва ба фаъолият оғоз намудани корхонаи нави истеҳсолӣ 500 нафар бо ҷои кор ва маоши хуб таъмин гардиданд. Фаъолияти корхонаи нави саноатӣ дар ду баст ба роҳ монда шуда, теъдоди зиёди кормандонро занону духтарони маҳаллӣ ташкил медиҳанд.

Ба Пешвои миллат муҳтарам Эмомалӣ Раҳмон иттилоъ дода шуд, ки дар корхонаи нави саноатӣ дар як шабонарӯз 4 ҳазору 500 метри мураббаъ қолин бо шаклу андозаҳои гуногун, нақшу нигор ва тарҳи милливу аврупоӣ истеҳсол карда мешавад. Иқтидори солонаи корхона 1 миллиону  500  ҳазор метри мураббаъ қолинро дар бар мегирад.

Муҳтарам Раиси Маҷлиси Миллии Маҷлиси Олии Ҷумҳурии Тоҷикистон, Раиси шаҳри Душанбе, Рустами Эмомалӣ

Мақомоти иҷроияи ҳокимияти давлатии шаҳри Гулистон Шуморо самимона ба ифтихори 35-умин солгарди мавлуди муборакатон табрику таҳният намуда, бароятон тансиҳатӣ, бахту иқболи нек ва дар фаъолияти пурсамари меҳнатиатон, ки ба рушду нумуи кишвари азизамон равона гардидааст комёбиҳо таманно менамояд.

Чӣ тавре пойтахти кишварамон таҳти сиёсати хирадмандонаи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва роҳбарии Шумо ба беҳтарин шаҳр дар миқёси Осиёи Марказӣ ва ҷаҳон табдил ёфтааст, бигзор рӯзгори шумо низ аз хандаҳои бахт ва ғунчаҳои орзу  гулафшон бошад.

Шоистаи зикр аст, ки саҳми Шумо дар рушди нумуи кишвари азизамон – Тоҷикистон бениҳоят назаррас аст.

ИСТИҚБОЛИ БОШУКӮҲИ ҶОИЗАДОРОНИ ОЗМУНИ ҶУМҲУРИЯВИИ "ФУРӮҒИ СУБҲИ ДОНОӢ КИТОБ АСТ"

Имрӯз, 18.12.2022 дар назди бинои шуъбаи маорифи шаҳр иштирокчиёни даври ҷумҳуриявии "Фурӯғи субҳи доноӣ"-ро ки бо дастовардҳои назаррас баргаштанд роҳбарияти шаҳр, аҳли зиё - омӯзгорону хонандагон ва волидон самимӣ истиқбол намуданд.

Муовини Раиси шаҳри Гулистон Ғайрат Оқилзода ғолибонро самимона муборакбод намуда, дастоварди онҳоро намунаи ибрат барои дигар ҳамсабақонашон арзёбӣ намуд.

Лозим ба зикр аст, ки иштирокчиёни шаҳри Гулистон дар даври ниҳоии озмуни ҷумҳуриявии «Фурӯғи субҳи доноӣ китоб аст» соҳиби 2 мақоми сеюм ва 2 ҷойи ифтихорӣ гардиданд ва ҳамзамон 3 нафар соҳиби нишони "Аълочии маорифи Ҷумҳурии Тоҷикистон" ва 2 нафар волилайн соҳиби нишони "Маърифатпарвар" гардиданд.

ПАЙКИ ХУҶАСТА!

Иштирокчиёни шаҳри Гулистон дар даври ниҳоии озмуни ҷумҳуриявии «Фурӯғи субҳи доноӣ китоб аст» соҳиби 2 мақоми сеюм ва 2 ҷойи ифтихорӣ гардиданд

Санаи 17 декабри соли 2022 дар театри давлатии академии опера ва балети ба номи Садриддин Айнӣ маросими тантанавии ҷамъбасти Озмуни ҷумҳуриявии «Фурӯғи субҳи доноӣ китоб аст» баргузор шуд.

Дар маросими ҷоизасупорӣ намояндагони Ҳукумати Ҷумҳурии Тоҷикистон, Дастгоҳи иҷроияи Президенти Ҷумҳурии Тоҷикистон, вазорату идораҳо, ташкилоту созмонҳои эҷодӣ, мақомотҳои иҷроияи ҳокимияти давлатии вилоят ва шаҳру ноҳияҳо, шарикони рушд, муассисаҳои таълимӣ, иштирокчиёни озмун, волидайни хонандагони муассисаҳои таҳсилоти миёнаи умумӣ ва ВАО иштирок намуданд.