АЁДАТИ СОБИҚАДОРОНИ ХИЗМАТИ ДАВЛАТӢ

Имрўз, 30.12.2022 тибқи дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва роҳнамоиҳои Раиси вилояти Суғд Раҷаббой Аҳмадзода аз ҷониби Раиси шаҳри Гулистон Раъно Ҳошимзода собиқадорони соҳаи хизмати давлатӣ, ки дар пешрафту тараққии соҳаҳои хоҷагии халқи шаҳр саҳм гузоштаанд, аз ҷумла Санавбар Нуриллоева муовини Шӯрои Ҳаракати ҷамъиятии Ваҳдати миллӣ ва эҳёи Тоҷикистон дар шаҳр ва Каромат Қосимова раиси Шӯрои собиқадорони ҷанг ва меҳнати шаҳрро аёдат намуда бо фарорасии Соли нави мелодии 2023 муборакбод намуд.

Зимни суҳбат зикр карда шуд, ки таҳти ҳидоятҳои Пешвои муаззами миллат муҳтарам Эмомалӣ Раҳмон соли 2022 бо натиҷаҳои назаррас ба анҷом расида истодааст ва дар ин давра дар шаҳр корҳои зиёди ободониву бунёдкорӣ ба роҳ монда шуд.

Аёдатшудагон барои таваҷҷуҳу ҳолпурсӣ ва иқдоми нек ба Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон арзи миннатдорӣ намуда, барои пешрафту шукуфоӣ ва амну осоиштагӣ дуои нек намуданд.

АЁДАТИ ЗАҲМАТКАШИ АҚИБГОҲ

Раиси шаҳри Гулистон Раъно Ҳошимзода тибқи дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва роҳнамоиҳои Раиси вилояти Суғд Раҷаббой Аҳмадзода заҳматкаши ақибгоҳи Ҷанги Бузурги Ватанӣ Сафия Атоеваро аёдат намуда, ба муносибати фарорасии Соли нави мелодӣ ва 95-солагии ҷашни мавлудаш муборакбод намуд.

Аснои суҳбат зикр карда шуд, ки Сафи Атоева модари 6 фарзанд буда, дар солҳои Ҷанги Бузурги Ватанӣ ҳамчун заҳматкаши ақибгоҳ фаъолият намудааст. Ҳамчунин, пас аз хотимаи ҷанг то ба давраи ба нафақа баромадан дар соҳаҳои гуногун фаъолияти меҳнатӣ намудааст.

Имрӯзҳо давлату ҳукумат машаққатҳои ӯро дар давраи Ҷанги Бузурги Ватанӣ  ва меҳнати фидокоронаатонро ба назар гирифта ӯро ҳамчун заҳматкаши ақибгоҳ мешиносад ва қадр менамояд.

Имрӯз маҷлиси Ҳукумати Ҷумҳурии Тоҷикистон баргузор гардид

29 декабр таҳти раёсати Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон, Раиси Ҳукумати мамлакат муҳтарам Эмомалӣ Раҳмон маҷлиси Ҳукумати Ҷумҳурии Тоҷикистон баргузор гардид.

Нахуст дар кори ҷаласа масъалаҳои вобаста ба тадбирҳои иҷрои Қонуни Ҷумҳурии Тоҷикистон «Дар бораи Буҷети давлатии Ҷумҳурии Тоҷикистон барои соли 2023», ки аз рӯйи он Вазири молияи Ҷумҳурии Тоҷикистон Файзиддин Қаҳҳорзода гузориш дод, мавриди баррасӣ қарор дода шуд.

Тавре таъкид гардид, мақсад аз баррасии санади мазкур ин мушаххас намудани раванди иҷрои Буҷети давлатӣ, истифодаи босамару мақсадноки маблағҳои буҷетӣ, инчунин муайян намудани уҳдадориҳои вазоратҳо, кумитаҳои давлатӣ, идораҳо, мақомоти иҷроияи ҳокимияти давлатии вилоятҳо ва шаҳру ноҳияҳо, корхонаю муассисаҳо ва ташкилотҳо сарфи назар аз шакли моликият вобаста ба иҷрои муқаррароти Қонуни Ҷумҳурии Тоҷикистон «Дар бораи Буҷети давлатии Ҷумҳурии Тоҷикистон барои соли 2023» иборат мебошад.

Аёдати сарбозону афсарони қисми ҳарбии 07746

Имрӯз, 29.12.2022 тибқи дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва роҳнамоиҳои Раиси вилояти Суғд Раҷаббой Аҳмадзода Раиси шаҳри Гулистон Раъно Ҳошимзода сарбозону афсарони қисми ҳарбии 07746 воқеъ дар Ҷамоати шаҳраки Чоруқдаррони шаҳри Гулистонро аёдат намуд.

Нахсут, Раиси шаҳр сарбозону афсарони қисми ҳарбиро бо фарорасии Соли нави мелодии 2023 муборакбод намуда ба онҳо саодату комёбӣ ва хизмати содиқона ба Ватанро таманно намуд.

Таъкид карда шуд, ки дар партави сиёсати хирадмандонаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар соли 2022 бо азму талоши сокинони мамлакат иқдому ташаббусҳои созанда вусъати бесобиқа касб карда, мардуми сарбаланди мо ба хотири боз ҳам ободу зебо гардонидани Ватани биҳиштосои худ ва ба истиқболи Ҷашнҳои 25-солагии Ваҳдати миллӣ ва  30-солагии Иҷлосияи 16-уми Шӯрои Олии Ҷумҳурии Тоҷикистон сарҷамъу аҳлона ва беш аз ҳар вақти дигар заҳмат кашида, ин дастоварди бузурги миллиро таҷлил намуданд.