ТАҶЛИЛИ ПУРШУКӮҲИ РӮЗИ ШАҲРИ ГУЛИСТОН

Санаи 19.09.2023 дар майдони Парчами давлатии Ҷумҳурии Тоҷикистон дар шаҳр ба муносибати Рӯзи шаҳри Гулистон ва 60-умин солгарди таъсисёбии шаҳри Гулистон чорабинии идона баргузор карда шуд.

Нахуст муовини Раиси вилояти Суғд Анвар Яъқубӣ табрикоти Раиси вилояти Суғд Раҷаббой Аҳмадзодаро ба ин муносибат манзури сокинони шаҳри Гулистон намуд.

Сипас, Раиси шаҳри Гулистон Раъно Ҳошимзода сокинонро ба ба муносибати Рӯзи шаҳри Гулистон ва 60-умин солгарди таъсисёбии он табрику таҳният гуфт.

Зикр карда шуд,  ки пас аз таҷлили бошукӯҳи иди бузурги миллӣ   - Рӯзи Истиқлолияти давлатии Ҷумҳурии Тоҷикистон таҷлили рӯзи шаҳрамон, ки дар даврони соҳибистиқлолӣ ба дастовардҳои бузург ноил гардидааст, идомаи мантиқии шукӯҳу ҷалол ва шаҳомати Истиқлоли давлатӣ мебошад.

Раҳпаймоӣ ба ифтихори Рӯзи шаҳри Гулистон

Санаи 19.09.2023 тибқи нақшаи чорабиниҳои мақомоти иҷроияи ҳокимияти давлатии шаҳр роҳпаймоии идона бахшида ба Рӯзи шаҳри Гулистон ва 60-солагии таъсисёбии он баргузор гардид. Дар роҳпаймоӣ хонандагони муассисаҳои таълимии маркази шаҳр ва донишҷӯёни муассисаи таълимии ғайридавлатии коллеҷи тиббии шаҳр иштирок намуданд.

Роҳпаймочиён аз кӯчаи Истиқлол ба сати майдони Парчами давлатии Ҷумҳурии Тоҷикистон дар шаҳр бо шиору овезаҳо ва парчамдастҳо бо зикри шиорҳо ҳаракат намуданд. Сипас, роҳпаймочиён дар майдони Парчами давлатӣ дар чорабинии идона иштирок намуданд.

Вохӯрӣ доир ба шарҳу тавзеҳи Қонуни Ҷумҳурии Тоҷикистон “Дар бораи тарбияи ватандӯстии шаҳрвандон”

Имрӯз, 19.09.2023 тибқи нақшаи муштараки тасдиқгардидаи гурӯҳҳои таблиғотии назди Мақомоти иҷроияи ҳокимияти давлатии вилояти Суғд ва Кумитаи иҷроияи Ҳизби Халқии Демократии Ҷумҳурии Тоҷикистон дар вилояти Суғд дар толори КИ ҲХДТ дар шаҳр вохӯрӣ   ҷиҳати шарҳу тавзеҳи Қонуни Ҷумҳурии Тоҷикистон “Дар бораи тарбияи ватандӯстии шаҳрвандон” аз 24-уми декабри соли 2022, №1920 баргузор гардид.

Дар вохӯрии мазкур муовини Раиси шаҳри Гулистон Шарифҷони Саидраҳмон, Маликислом Наим Мунаввар мушовири Кумитаи иҷроияи Ҳизби Халқии Демократии Тоҷикистон дар вилояти Суғд, Аминҷон Шарифзода сармуҳаррири нашрияи “Ҳақиқати Суғд”, Солиҷонов Нодирҷон собиқадори Ҳизби Халқии Демократии Тоҷикистон ва раиси Кумитаи иҷроияи Ҳизби Халқии Демократии Ҷумҳурии Тоҷикистон дар шаҳри Гулистон Ҷамолиён Муслимахон иштирок ва суханронӣ намуданд.

АЁДАТИ СОБИҚАДОРОНИ МЕҲНАТ

Имрӯз, 19.09.2023 Раиси шаҳри Гулистон Раъно Ҳошимзода ба муносибати Рӯзи шаҳри Гулистон як қатор собиқадорони меҳнат ва собиқадорони хизмати давлатиро, ки дар рушду нумуи соҳаҳои хоҷагии халқи шаҳр саҳми арзанда гузоштаанд аёдат намуд. Нахуст Давлатбаева Рамзия аёдат карда шуд. Сипас, Жадрин Пулат Писанович ва Ҳусейнов Абдусамӣ Абдуевич, ки қаблан дар вазифаҳои муовини якуми Раиси шаҳри Гулистон солҳои сол фаъолияти меҳнатӣ намудаанд аёдат карда шуданд.

Собиқадорони меҳнат бо хушнуди аз ин амали нек изҳори сипос намуда, аз кору пайкори фидокоронаи Пешвои муаззами миллат муҳтарам Эмомалӣ Раҳмон дар рушду нумуи Тоҷикистон ёдовар шуданд. Ҳамчунин, собиқадорони соҳаи хизмати давлатӣ барои фаъоляти пурсамар ва рушду тараққиёти рӯзафзуни шаҳр барору комёбиҳо таманно намуданд.