Хабаргирӣ аз ҳоли собиқадорони меҳнат дар шаҳраки Адрасмони шаҳри Гулистон

Дар​ шаҳраки Адрасмони шаҳри Гулистон Раиси вилояти Суғд Раҷаббой Аҳмадзода аз ҳоли собиқадорон хабар гирифт.

Раиси вилоят ба манзили Сафаралӣ Турсунови 95 сола ва Қамбаралӣ Мадюнусови 75 сола омада, бо пирони рӯзгорд суҳбат намуд. Раҷаббой Аҳмадзода аз хизматҳои собиқадорон, ки солҳои зиёд дар соҳаи геология кор кардаанд, ёдовар шуда, ба онҳо саломативу тандурустӣ орзӯ кард.

Бояд қайд кард, ки шахсиятҳои барнодил маблағҳои барои адои ҳаҷ ҷамъовардаи худро барои ободонии диёр —​ мумфаршкунии роҳи Адрасмон-Гулистон супорида, барои бартарафсозии мушкили ҷомеа саҳм гузоштанд.

Боздид аз беморхонаи шаҳраки Адрасмони шаҳри Гулистон

Зимни сафари корӣ ба шаҳраки Адрасмони шаҳри Гулистон Раиси вилояти Суғд Раҷаббой Аҳмадзода аз​ ​ Беморхонаи рақами 1-и шаҳрак боздид намуд.

Беморхонаи мазкур дорои панҷ шуъба - амрози дарунӣ, ҷарроҳӣ, бачагона, сироятӣ ва таваллуд буда, дар он 105 кат мавҷуд аст. Дар ин муассисаи тандурустӣ 69​ нафар кормандон кору фаъолият дошта, ҳамаи шуъбаҳо аз таъмир бароварда шуда, бо таҷҳизоти зарурии тиббӣ таъмин аст. Ҳамзамон бо маблағгузории мақомоти иҷроияи ҳокимияти давлатии шаҳри Гулистон бунёди бинои​ шуъбаи бачагона бо 20 кат идома дорад.​

Раиси вилоят зимни боздид таъкид дошт, ки новобаста аз макони ҷойгиршавӣ дар тамоми муассисаҳои тандурустии вилоят шароити арзандаи ташхису табобат фароҳам оварда шудааст.

Шиносоӣ бо рафти мумфаршкунии роҳи Адрасмон-Гулистон

21 сентябр Раиси вилояти Суғд Раҷаббой Аҳмадзода бо ҷараёни корҳои ободониву бунёдкорӣ дар Ҷамоати шаҳраки Адрасмони шаҳри Гулистон шинос шуд.

Дар шаҳраки Адрасмон ба истиқболи 35-солагии Истиқлоли давлатии Ҷумҳурии Тоҷикистон бунёдкориҳо вусъат ёфта, сокинон бо шукргузорӣ аз фазои орому осудаи Ватани маҳбубамон дар иҷрои корҳои ҷамъиятӣ фаъол ҳастанд. Давоми се соли охир 62 км роҳҳои маҳалии ҷамоат навсозӣ карда шуда, бо ташаббуси сокинону саховатмандон, соҳибкорони ватанӣ роҳи автомобилгарди Адрасмон-Гулистон низ оғоз ёфтааст.​

Раиси вилоят зимни суҳбат бо сокинони ҷамоат иброз дошт, ки​ бо дастгириҳои​ Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон солҳои охир ба рушди ин минтақа таваҷҷуҳи хоса равона гардида, бо мақсади баланд бардоштани сатҳи некуаҳолии мардум тадбирҳои зарурӣ амалӣ карда мешавад.

Номаи табрикотии Раиси шаҳри Гулистон Раъно Ҳошимзода ба ифтихори Рӯзи Рӯдакӣ

Ҳамшаҳриёни гиромӣ!

Бо шарофати Истиқлолияти давлатӣ, соҳибихтиёрии Тоҷикистон мо имкон пайдо кардем, ки бо кору пайкори абармардони илму адаб, таъриху фарҳанги оламшумули гузаштаи худ эҳтирому сипосмандии воҷиб гузорем ва номашонро зинда нигоҳ дорем. Хушбахтона, дар садри онҳо устод Абуабдуллоҳ Рӯдакӣ қарор дорад, ки имсол мо 1165-солагии ин шахсияти барҷастаро таҷлил менамоем.

Бо ибтикори Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҳанӯз моҳи майи соли 2002 ба Қонуни Ҷумҳурии Тоҷикистон «Дар бораи рӯзҳои ид» илова ворид гардид, ки дар рӯзи 22-юми сентябр дар саросари кишвар ҳамасола чун Рӯзи Рӯдакӣ, ҳамчун ҷашни фархундаи назми кӯҳан, мероси адабию илмӣ, фаннӣ ва ахлоқии беш аз ҳазорсолаи мо, чун рӯзи ифтихор аз камолоти тамаддуни миллӣ, худшиносӣ ва худогоҳии таърихӣ таҷлил ва арҷгузорӣ мегардад.