Ҷаласаи Комиссияи ҷамъиятӣ оид ба пешгирии коррупсия дар назди мақомоти иҷроияи ҳокимияти давлатии шаҳр баргузор гардид

Санаи 22.08.2023 дар толори хурди мақомоти иҷроияи ҳокимияти давлатии шаҳр ҷаласаи Комиссияи ҷамъиятӣ оид ба пешгирии коррупсия дар назди мақомоти иҷроияи ҳокимияти давлатии шаҳр доир гардид. Комиссия таҳти раёсати муовини якуми Раиси шаҳр Даврон Муҳаммадзода доир гардид. Дар кори ҷаласа аъзои Комиссияи ҷамъиятӣ ва дигар шахсони масъул иштирок намуданд. Тибқи рӯзномаи ҷаласа гузориши котиби Комиссияи ҷамъиятӣ оид ба пешгирии коррупсия дар назди мақомоти иҷроияи ҳокимияти давлатии шаҳр Баҳодур Аҳмадҷонов доир ба ҳолати иҷрои Нақшаи чорабиниҳои идоравии амалисозии “Стратегияи давлатии муқовимат ба коррупсия дар Ҷумҳурии Тоҷикистон барои давраи то соли 2030” дар мақомоти иҷроияи ҳокимияти давлатии шаҳр шунида шуд.

Зикр карда шуд, ки Комиссия барои иҷрои Нақшаи чорабиниҳои идоравии амалисозии “Стратегияи давлатии муқовимат ба коррупсия дар Ҷумҳурии Тоҷикистон барои давраи то соли 2030” корҳои назаррасро ба сомон расонида, дар ин давра мунтазам бо аҳолӣ корҳои тарғиботиву ташвиқотӣ ва ба масъулин ёрии методӣ расонид.

ЭҲЁИ МИЛЛАТ – БАҚОИ ДАВЛАТ

Муқаддима

Зуҳури инсон дар табиат падидаи фавқулода ва истисноист.  Зеро он ягона мавҷудоти соҳибшуур мебошад, ки чунин афзалиятро тавассути забон ва амали мувофиқ ба муҳтавои майнаи хеш, мақсаднок, бо дарназардошти оқибати кирдори содиркардааш ва дарки фаҳми натиҷаи он ба намоиш мегузорад.

Таъйиноти мантиқӣ ва моҳиятии фарди бохирад, таҳаввул ва такомули муҳиту ашё ба манфиати таъмини амният, офият, рушд ва пешрафти ҷомеа аст. Чунин талабот дар раҳи рост ва ба тарзи одӣ ба вуҷуд наомадааст. Он натиҷаи мураккабтарин ҷараёнҳои диалектикиест, ки ҳамчун маҳсули ҳазорсолаҳо дар шакли имрӯза муаррифӣ мегарданд.

Таърихи инсоният, дар маҷмуъ, таърихи сулҳ нест.  Таърихи ҷангу мубориза ва низоъҳо аст, ки ҳамчун шакли сиёсат ҳамсафари ҳаёти одамон мебошад.

Роҳи беморхонаи шаҳраки Адрасмон мумфарш карда шуд

Дар доираи корҳои ободонию созандагӣ ба истиқболи ҷашни 35-солагии Истиқлоли давлатии Ҷумҳурии Тоҷикистон имрӯзҳо дар шаҳр корҳои ободонию созандагӣ бо маром ҷараён дорад. Дар шаҳраки Адрасмон низ дар ин самт як қатор корҳо ба анҷом расонида шуда истодааст.

Бо дастгирии соҳибкорони маҳаллӣ ва шахсони саховатпеша роҳи бемохонаи шаҳрак пурра мумфарш карда шуд. Лозим ба зикр аст, ки дар шаҳрак бо дастгирии мақомоти иҷроияи ҳокимияти давлатии шаҳо сохтмони шуъбаи кӯдаконаи беморхонаи шаҳрак ҷараён дорад.

ҒОЛИБОНИ ДАВРИ ВИЛОЯТИИ ОЗМУНИ ҶУМҲУРИЯВИИ “ФУРӮҒИ СУБҲИ ДОНОӢ КИТОБ АСТ” МУАЙЯН ГАРДИДАНД

Имрӯз 21.08.2023 дар мактаби президентии шаҳри Бӯстон ҷамъбастии даври вилоятии озмуни ҷумҳуриявии “Фурӯғи субҳи доноӣ китоб аст” баргузор карда шуд.

Лозим ба зикр аст, ки дар даври вилоятии озмуни ҷумҳуриявии “Фурӯғи субҳи донӣ китоб аст”, ки аз санаи 14.08.2023 то санаи 20.08.2023 дар мактаби президении шаҳри Бӯстон ҷараён гирифт довталабони шаҳри Гулистон фаъолона иштирок намуда, сазовори 1 ҷойи якум, 1 ҷойи дуюм, 2 ҷойи сеюм ва 4 ҷойи ифтихорӣ гардиданд. Аз ҷумла: Маҳваш Бойматова хонандаи синфи 6-и гимназияи №1 ба номи академик Бобоҷон Ғафуров дар номинатсияи хондан ва аз ёд кардани осори адибони классикии тоҷик, миёни гурӯҳи хонандагони синфҳои 5-11 сазовори мақоми аввал гардид. Дар номинатсияи мазкур миёни омӯзгорон ва намояндагони касбу кори гуногун Лоиқ Кенҷаев муовини директори МД “Маркази таҳсилоти иловагӣ”-и шаҳр сазовори мақоми 3-юм гардид. Дар номинатсияи эҷоди наср миёни гурӯҳи донишҷӯён, магистрантон ва докторантон Фаридуншоҳ Абдуллоев докторанти МДТ “Донишгоҳи давлатии Хуҷанд ба номи академик Бобоҷон Ғафуров”, ҳамзамон мудири шуъбаи рушди иҷтимоӣ ва робита бо ҷомеаи дастгоҳи Раиси шаҳри Гулистон сазовори ҷойи 2-юм ва дар номинатсияи зикргардида миёни гурӯҳи омӯзгорон ва намояндагони касбу кори гуногун Дилрабо Фарҳодзода омӯзгори муассисаи таҳсилоти миёнаи умумии №2-и шаҳраки Чоруқдаррони шаҳр сазовори мақоми 3-юм гардид.