ПАЁМ – ҲИДОЯТГАР БА СӮЙИ СОЗАНДАГӢ!

Санаи 24.01.2024 дар толори кохи Фарҳанги шаҳраки Адрасмон тибқи нақшаи кории Мақомоти иҷроияи ҳокимияти давлатии шаҳр доир ба шарҳу тавзеҳи нуктаҳои асосии Паёми навбатии Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии кишвар “Дар бораи самтҳои сиёсати дохилӣ ва хориҷии кишвар” вохӯрӣ бо сокинон баргузор карда шуд.

Дар вохӯрии мазкур, и.в мудири бахши дин, танзими анъана ва ҷашну маросими шаҳр Аҳлиддин Тоҷиддинов, сармутахассиси Комиссияи ҳифзи ҳуқуқи кӯдак Матлуба Сатторова,  мутахассиси пешбари бахши кор бо занон ва оила Мадина Каримова, раиси КИ ҲХДТ дар шаҳр Ҷамолиён Муслимахон ва раиси Шӯрои собиқадорони ҷанг ва меҳнати шаҳри Гулистон Қосимова Каромат Маҳмудовна иштирок ва суханронӣ намуданд.

Зикр карда шуд, ки Паём яке аз муҳимтарин санадҳои барномавие аст, ки дар он на танҳо воқеияти имрӯз, балки эҳтимоли равандҳои ояндаи дохилӣ, минтақавӣ ва глобалӣ аз нигоҳи илмӣ баён гардидааст. Аз ин рӯ, Паёми навбатии Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистон дурнамои рушди тамоми соҳаҳои ҳаёти ҷомеаро бо камоли дақиқият ва аз лиҳози таҳлилҳои воқеъбинонаю дурандешона муайян менамояд ва барои мардуми мамлакат чун дастури раҳнамо ба сӯйи созандагию бунёдкориҳои нав хизмат менамояд.

ПАЁМИ ПЕШВОИ МИЛЛАТ-ИФОДАГАРИ ОРМОНҲОИ СОКИНОНИ КИШВАР!

Имрӯз, 24.01.2024 дар толори Маркази саломатии шаҳр тибқи нақшаи кории мақомоти иҷроияи ҳокимияти давлатии шаҳр ҷиҳати шаҳру тавзеҳи нуктаҳои муҳими Паёми Президенти Ҷумҳурии Тоҷикистон  ба Маҷлиси Олии кишвар  таҳти унвони “Паёми Пешвои миллат-ифодагари ормонҳои сокинони кишвар” хониши сиёсӣ баргузор гардид.

Дар хониши сиёсии мазкур мудири бахши кор бо ҷавонон ва варзиши шаҳр Аҳлиддин Абдураҳмонов ва Ҳомидҷонов Ҷонибек роҳбари Маркази саломатӣ иштирок ва суханронӣ намуданд.

Зикр карда шуд, ки Паёми навбатии  Паёми навбатии Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон «Дар бораи самтҳои асосии сиёсати дохилӣ ва хориҷии ҷумҳурӣ» ба Маҷлиси Олии кишвар фарогири ҳамаи самтҳои хоҷагии халқи кишвар мебошад. Дар он бурду бохти ҳамаи самтҳо ва дурнамои рушди ояндаи онҳо тавзеҳ ва баррасӣ гардид.Тавре ки аз оғози Паём зикр гардид: “Соли 2023 барои Тоҷикистон, бо вуҷуди мураккабшавии бесобиқаи вазъи ҷаҳони муосир, инчунин, тағйирёбии иқлим ва оқибатҳои ногувори он – хушксоливу камобие, ки солҳои охир дар минтақа идома дорад, ба шарофати заҳмати аҳлонаву содиқонаи мардуми сарбаланди кишвар боз як соли бобарор гардид”. Ин буд, ки дар ҳамаи соҳаҳои ҳаёти ҷомеа пешравиҳои назаррас ба даст омада, маҷмӯи маҳсулоти дохилии кишвар нисбат ба соли қаблӣ 8,3% зиёд гардида, ба беш аз 130 миллиард сомонӣ расонида шудааст ва қисми даромади буҷети давлатӣ да ҳаҷми 102,5 фоиз таъмин гардидааст.

Ситоди зимистонгузаронӣ

Таҳти раёсати муовини якуми Раиси шаҳр Даврон Муҳаммадзода дар мақомоти иҷроияи ҳокимияти давлатии шаҳр Ситоди зимистонгузаронӣ баргузор гардид.

Дар Ситод аъзо ва роҳбарони масъул иштирок намуданд. Масъалаҳои захираи дар анборбудаи масолеҳи лозимӣ барои зимистонгузаронии соҳаҳои иҷтимоӣ, омодагии техникаву маводҳои зиддилагжиш, таъмини аҳолӣ бо барқ, сарфакорона истифода бурдани барқ мавриди баррасӣ қарор дода шуданд.

Иброз гардид, ки дар соҳаҳои иҷтимоӣ доир ба зимистонгузаронӣ мушкилие мавҷуд нест.

Ба масъулин таъкид карда шуд, ки ҷиҳати бе мушкилӣ паси сар намудани зимистонгузаронӣ чораҳои мушаххас андешанд.

ТАШКИЛ ВА БАРГУЗОР НАМУДАНИ ЯРМАРКА-ФУРӮШИ МАҲСУЛОТИ НИЁЗИ АВВАЛИЯ

Санаи 20.01.2024 дар шаҳри Гулистон ҷиҳати бо нархҳои дастрас пешниҳод намудани маҳсулоти ниёзи аввалия ба сокинон ярмарка ташкил гардид.

Дар ярмарка корхонаҳои истеҳсолии шаҳр ва корхонаҳои истеҳсолии дигар шаҳру нохияҳо маҳсулоти худро пешниҳод намуданд.

Сокинон дар ярмарка маҳсулоти ниёзи аввалияи худро бо нархҳои дастрас харидорӣ намуданд.