Амали ҳайати роҳбарикунанда, қувва ва воситаҳои иншоот ҳангоми заҳролудшавӣ аз моддаҳои сахттаъсири заҳролудкунанда

Бахши Раёсати Кумитаи ҳолатҳои фавқулодда ва мудофиаи граждании вилояти Суғд дар шаҳри Гулистон дар асоси қарори Раиси вилояти Суғд аз 29.12.2023, №411 “Дар бораи тасдиқ намудани Нақшаи чорабиниҳои асоси  оид ба масъалаҳои мудофиаи гражданӣ, пешгирӣ, эътино ва рафъи оқибатҳои ҳолатҳои фавқулодда барои соли 2024 ” ва қарори Раиси шаҳри Гулистон аз 04.01.2024, №3 ва Нақшаи чорабиниҳои асоси дар ин самт тасдиқ гардидаи шаҳри Гулистон, санаи 24 сентябри соли 2024 дар ҶДММ “Ширкати кӯҳӣ-саноатии Тоҷикистону Хитой” баҳри ҳифзи аҳолӣ ва ҳудуд аз ҳолатҳои фавқулодда машқи иншооти да мавзӯи “Амали ҳайати роҳбарикунанда, қувва ва воситаҳои иншоот ҳангоми заҳролудшавӣ аз моддаҳои сахттаъсири заҳролудкунанда” ташкил ва гузаронида шуд.

Дар машқи мазкур қувва ва воситаҳои ҶДММ “Ширкати кӯҳӣ-саноатии Тоҷикистону Хитой”, дастаи Хадамоти ҳарбикунонидашудаи наҷотдиҳии кӯҳии Хуҷанд, хадамоти тиббии шаҳраки Зарнисор ва хадамоти ҳифзи тартиботи ҷаъмиятии ШВКД-и шаҳраки Зарнисор дар шаҳри Гулистон бо шумораи умумии зиёда аз 85 нафар ҷалб карда шуда, соати 08:50 дақиқа тариқи маркази идоракунии иншоот бонги “Хатар” эълон карда шуда, амали қувва ва воситаҳои ҷалб гардида ҳангоми сар задани сӯхтор ва бартараф намудани оҷибатҳои он, корҳои наҷотдиҳӣ аз дохили кони зеризаминӣ ва расонидани ёрии аввалини тиббӣ, муайян намудани зарари расонидашуда, бурдани корҳои бартарафсозӣ ва дигар корҳои таъхирнопазир санҷида шуд.

Шиносоӣ бо ҷараёни истеҳсолот дар корхонаҳои навтаъсиси шаҳри Гулистон

25 сентябр Раиси вилояти Суғд Раҷаббой Аҳмадзода ба шаҳри Гулистон омада, бо ҷараёни истеҳсоли маҳсулот дар корхонаи истеҳсоли ноқили барқӣ, «Корхонаи металлургии тоҷик» ва ҶДММ «Доруи Суғд» шинос гардид.

Ёдовар бояд шуд, ки корхонаҳои зикршуда 7 сентябри соли ҷорӣ бо иштироки Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон мавриди истифода қарор гирифта буд.

Дар корхонаи истеҳсоли ноқили барқӣ ва лула (шланг)-и Ҷамъияти дорои масъулияти маҳдуди “Абдуллоев Саидбой”, ки аз ҷониби соҳибкори маҳаллӣ Саидбой Абдуллоев дар доираи “Солҳои рушди саноат” бунёд карда шудааст, дар як моҳ то 300 ҳазор метри тӯлонӣ ноқил истеҳсол карда мешавад. Дар ин коргоҳ истеҳсоли то 30 намуд ноқили барқӣ бо тавононии аз 450 волт то 1 киловолт ба роҳ монда шуда, ин ноқилҳо барои гузаронидани хатти барқи дохилии биноҳои истиқомативу маъмурӣ нигаронида шудаанд.

Таваҷҷуҳ ба баланд бардоштани тарбияи ватандӯстӣ, эҳсоси масъулияти шаҳрвандӣ, маърифати ҳуқуқӣ, худшиносиву худогоҳии миллӣ ва зиракии сиёсии шаҳрвандон–василаи пешрафт ва пешгирии ҳамагуна омилҳои номатлуб дар ҷомеа!

Тибқи нақшаи муштараки Мақомоти иҷроияи ҳокимияти давлатии шаҳри Гулистон оид ба баргузории мулоқоту суҳбатҳо дар партави эълон гардидани соли 2024 “Соли маърифати ҳуқуқӣ”, солгарди Истиқлолияти давлатии Ҷумҳурии Тоҷикисто ҷиҳати баланд бардоштани маърифати ҳуқуқии шаҳрвандон, паст намудани сатҳи хурофотпарастӣ дар ҷомеа, татбиқи қонунҳои Ҷумҳурии Тоҷикистон «Дар бораи танзими  ҷашну маросим дар Ҷумҳурии Тоҷикистон», «Дар бораи масъулият дар таълиму тарбияи кӯдак», «Дар бораи тарбияи ватандӯстии шаҳрвандон» ва «Дар бораи пешгирии зӯроварӣ дар оила», «Стратегияи муқовимат ба экстремизм ва терроризм дар Ҷумҳурии Тоҷикистон барои солҳои 2021-2025», «Стратегияи давлатии муқовимат ба коррупсия дар Ҷумҳурии Тоҷикистон барои давраи то соли 2030», риояи тартиботи ҷамъиятӣ, ҷалби ҷавонон ба хизмати ҳарбӣ ва тозаву озода нигоҳ доштани маҳаллаҳо санаи 25  сентябри соли 2024 дар  Ҷамоати шаҳраки Сирдарёи шаҳри Гулистон бо ҷалби сокинон мулоқот доир гардид.

Дар мулоқоти мазкур муовини Раиси шаҳри Гулистон Шарифҷони Саидраҳмон, мудири бахши кор бо ҷавонон ва варзиши шаҳри Гулистон Аҳлиддин Абдураҳмонов ва иҷрокунандаи раиси Ҷамоати шаҳраки Сирдарё Охунова Мушарафа иштирок ва суханронӣ намуданд.

Баргузории семинари омӯзишӣ оид ба пешгирии зуроварӣ дар оила ва «Стратегияи милли фаъолгардонии нақши занон дар Ҷумҳурии Тоҷикистон»

Бо ибтикори бахши кор бо занон ва оилаи шаҳри Гулистон дар доираи амалисозии Стратегияи милли фаъолгардонии нақши занон дар Ҷумҳурии Тоҷикистон барои солҳои 2021-2030 дар шаҳри Гулистон дар Ҷамоати шаҳраки Сирдарё семинари омӯзишӣ оид ба гузаронидани таҳлили гендерӣ, таҳияи стратегияҳо ва тарғиби пешгирии зӯроварӣ дар оила баргузор гардид.

Дар семинари  мазкур кормандони сохторҳои гуногун, фаъолзанони шаҳрак ва дигар шахсони дахлдор иштирок намуданд.

Дар семинар коршиносони варзида доир ба мавзуъҳои баррасишаванда суханронӣ намуда, моҳияти онҳоро ба иштирокдорон фаҳмониданд.