Муҳокимаи барномаи рушд

4 феврали соли равон дар толори бахши ҳифзи муҳити зист семинар дар мавзӯи “Асосҳои ба нақшагирии рушди маҳал ва интегратсияи масъалаҳои камбизоатӣ ба барномаҳои рушди шаҳрҳои Ҷумҳурии Тоҷикистон” доир гардид.

Дар кори семинар намояндагони масъули МИҲД ва ташкилотҳои ғайридавлатӣ аз шаҳрҳои Истиқлол, Чкалов ва Қайроққум иштирок намуданд. Ба нақшагирии стратегӣ, ҳамшарикии иҷтимоӣ, масоили камбизоатӣ ва монанди инҳо аз зумраи масъалаҳои баррасии семинар буд.

Ба таваҷҷуҳи падару модарон, омӯзгорон ва хонандагон!

Маркази дарёфт ва рушди истеъдодҳои назди шуъбаи маорифи шаҳри Қайроққум бо ҳадафи ҷалби хонандагон ба донишомӯзӣ ва дарёфти истеъдодҳои нав хоҳишмандонро дар самтҳои зер даъват менамояд:

-омодасозии хонандагон ба озмун, Академияи хурди илмҳо ва ҳамаи намуди олимпиадаҳо аз фанҳои таълимӣ;

-тайёр кардани шавқмандон ба ҷодаи фарҳанг;

-тарбияи соҳибистеъдодҳо дар эҷоди шеъру тарона ва дигар ҷанрҳои рӯзноманигорӣ;

Соҳиби грант шудан мехоҳед?

Қарори Раиси вилояти Суғд Абдураҳмон Қодирӣ аз 29 январи соли 2016, таҳти №45 “Дар бораи таъсиси грантҳо барои дастгирии рушди ҳунарҳои дастӣ ва меҳнати ҳонагӣ дар соли 2016” ба тасвиб расид. Тибқи он 30 грантҳои Мақомоти иҷроияи ҳокимияти давлатии вилоят, аз ҷумла 7 грант ҳар яке 10000 сомонӣ, 5 грант ҳар яке 8000 сомонӣ ва 18 грант ҳар яке 5000 сомонӣ ҷиҳати эҳёи ҳунарҳои миллии ниёгон ва бо ҷойи кор таъмин намудани занону духтарон муайян карда шудааст.

Хоҳишмандон барои маълумоти саҳеҳ гирифтан метавонанд ба телефони (83443) 2-40-26 муроҷиат намоянд.

Бахши кор бо занон ва оилаи
дастгоҳи Раиси шаҳри Қайроққум

Ҷонибдорӣ аз Паём

Дар МТМУ-и №8 ҷиҳати фаҳмонидани мазмуну муҳтавои Паёми навбатии Пешвои миллат ба Маҷлиси Олии Ҷумҳурии Тоҷикистон бо иштироки омӯзгорону хонандагон мулоқот баргузор гардид.

Чорабиниро директори муассисаи таълимӣ Садоқат Норматова ҳусни ифтитоҳ бахшида, доир ба паҳлуҳои асосии Паём суханронӣ кард. Бобати баланд бардоштани савияи дониши хонандагон, ҷавобгӯ будани он ба талаботи меъёрҳои байналмилалӣ, пешгирии шомилшавии ҷавонон ба ҳизбу ҳаракатҳои тундгаро ибрози назар намуд.