Қайроққум: Соли 2015 рушди соҳаи саноат таъмин

Ҳамаи корхонаҳои саноатии шаҳри Қайроққум сарфи назар аз моликияташон соли 2015-ро дар қиёс ба соли 2014 бо натиҷаҳои мусбӣ ҷамъбаст карданд. Тавлиди маҳсулоти соҳа дар маҷмӯъ, дар соли сипаришуда 1 миллиарду 146,7 миллион сомониро ташкил дод, ки суръати афзоиш нисбат ба соли 2015 ба 120,1 дар сад буда, бо нархҳои муқоисавӣ ба маблағи 192,1 миллион сомонӣ зиёд маҳсулоти саноатӣ ва молҳои ниёзи мардум рӯйи кор омад.

Фазлиддин Орифов, мудири бахши саноат ва энергетикаи Мақомоти иҷроияи ҳокимияти давлатии шаҳр фаъолияти кулли корхонаҳои саноатиро сарфи назар аз моликияташон дар соли 2015 мусбӣ ва умедбахш арзёбӣ карда, пешравии боз  ҳам назаррасро дар соли нави 2016 таъкид кард ва афзуд, ки расидан ба чунин натиҷа дар шароити басо шадиди бӯҳрони молиявӣ кори саҳл набуд.

Ҷонибдории иқдом

Офати табиӣ, ки дар аввали моҳи декабри соли гузашта дар шаҳраки Адрасмон рӯй дод ба сокинони ин ҷо ҳисороти калон овард. Аз ҷумла аз вазиши шамоли шиддатнок болои боми толори варзишии МТМУ-и  №7 пурра зарар дид.

Раиси шаҳри Қайроққум Матлубахон Амонзода баробари огаҳӣ ёфтан аз оқибатҳои  ин офати табиӣ баҳри рафъи фаврии он мадад намуд ва даъват ба амал овард, то фаъолони  шаҳрак низ бетараф набошанд.

Кӯмаки солинавӣ

Дар арафаи Соли нави мелодӣ сарвари осоишгоҳи «Баҳористон» Абдураҳмон Абдуҷабборов ба кӯдакистони «Офтобак» ташриф овард.

«Офтобак» яке аз беҳтарин боғчаи бачагонаест, ки қариб 200 нафар кӯдакон дар он ҷо бо таълиму тарбия фаро гирифта шудаанд. Сарвари осоишгоҳ бо кӯдакон вохӯрда, ба онҳо тӯҳфаҳои солинавӣ тақдим дошта, хотири онҳоро шод намуд. Инчунин ба маблағи 12 ҳазору 500 сомонӣ лавозимоти арзанда, ки барои таъминоти боғча зарур ҳастанд, ба боғчаи мазкур супурда шуд.

Табрики Раиси шаҳри Қайроққум Матлубахон Амонзода бахшида ба Соли нави 2016

Ҳамдиёрони азиз!

Соли 2015, ки мо онро дар китоби таърихи халқамон номнавис мекунем пур аз воқеоти сиёсӣ, рӯйдодҳои муҳими таърихӣ ва фаромӯшнашаванда. буд. Сокинони шаҳри мо низ дар роҳи татбиқи сиёсати оқилонаву файзбахши Пешвои миллат, Президенти Ҷумҳурии Тоҷикистон,  Ҷаноби Олӣ , муҳтарам Эмомалӣ Раҳмон дар ҳамаи самтҳои хоҷагии халқ ба дастовардҳои назарраси меҳнатӣ муваффақ гашта, дар сарсабзу шукуфоии кишвар ва рушди ҷомеа саҳми муассир гузоштанд.

Баргузории интихоботи маҷлисҳои маҳалӣ ва Маҷлиси намояндагони Маҷлиси Олӣ, таҷлили Наврӯзи Аҷам, 18-солагии Вахдати миллӣ, 24-умин солгарди Истиқлолияти давлатии Ҷумҳурии Тоҷикистон аз ҷумлаи муҳимтарин рухдодҳои  соли  сипаришуда мебошанд.