Мулоқоти Пешвои миллат Эмомалӣ Раҳмон бо роҳбарону фаъолони вилояти Суғд

29 июн дар рӯзи шашуми сафари корӣ дар вилояти Суғд Асосгузори сулҳу  ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо роҳбарону фаъолони вилояти Суғд мулоқот карда, натиҷаҳои рушди иҷтимоию иқтисодии вилоят ва фаъолияти бахшҳои муҳими хоҷагии халқи шаҳру ноҳияҳоро давоми солҳои соҳибистиқлолӣ ва панҷ моҳи соли 2018 мавриди таҳлилу баррасӣ қарор доданд.

Таъкид гардид, ки дар зарфи қариб 27 соли истиқлолияти давлатӣ дар вилоят беш аз 500 корхонаи истеҳсолӣ, 700 мактаби нав ва синфхонаҳои иловагӣ барои 165 ҳазор ҷойи нишаст ва 53 муассисаи соҳаи тандурустӣ сохта, ба истифода супорида шудааст.

Гузоштани санги асоси бунёди осоишгоҳ ва маркази хизматрасонӣ дар ноҳияи Бобоҷон Ғафуров

Имрӯз Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар идомаи сафари корӣ ба шаҳру ноҳияҳои вилояти Суғд дар ноҳияи Бобоҷон Ғафуров  бо гузоштани санги асос ба бунёди Осоишгоҳ ва маркази хизматрасонӣ  барои 1000 нафар дар Ҷамоати деҳоти Исфисор оғози расмӣ бахшиданд.

Ин осоишгоҳ бо тарҳи зебою замонавӣ дар минтақаи Шӯркӯл  дар мавзеи  хеле мувофиқу муносиб барои меҳмонону сайёҳон, яъне соҳили обанбори «Баҳри тоҷик»  дар доираи тадбирҳои ободонию созандагӣ ба истиқболи ҷашни 30 солагии Истиқлолияти давлатии Тоҷикистон аз ҷониби  соҳибкори ватанӣ дар масоҳати 31 гектар замин сохта хоҳад шуд.

Иди Ваҳдат дар Зарнисор

Гулистониён 21-умин солгарди Рӯзи Ваҳдати миллиро дар шаҳраки Зарнисор бо иштироки намояндагони ҷамоати шаҳракҳо, собиқадорону фаъолони шаҳр ботантана ва шукӯҳу шаҳомати хоса таҷлил намуданд.

Дар Боғи фарҳангӣ-фароғатии «Ваҳдат»-и шаҳрак намоиши ҳунарҳои мардумии сокинони шаҳрак ба маърази тамошо гузошта шуда, сокинону меҳмонони сершумор аз навъи ҳунарҳои кӯхканони зарнисорӣ аз наздик шинос шуданд.

Раиси шаҳри Гулистон Матлубахон Амонзода сокинони шаҳрак ва тамоми гулистониёнро бо Рӯзи ваҳдати миллӣ муборакбод намуд. Зикр карда шуд, ки Ваҳдати миллӣ муҳимтарин дастоварди таърихи навини миллати сулҳдӯсту фарҳангсолори тоҷик маҳсуб меёбад. Раванди сулҳофарӣ дар кишвар ва татбиқи бомуваффақияти андешаи Ваҳдати миллӣ нишон медиҳад, ки дар расидан ба сулҳ ва рушди босуботи кишвар Пешвои муаззами миллат муҳтарам Эмомалӣ Раҳмон нақши марказӣ ва таъинкунанда доранд.

Иштироки Пешвои миллат Эмомалӣ Раҳмон дар маросими ба истифода супоридани хатти нави технологии ҶСК «Қолинҳои Қайроққум»

Субҳи имрӯз Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон аз ҶСК “Қолинҳои Қайроққум” боздид ба амал оварданд. Дар инҷо Сарвари давлат муҳтарам Эмомалӣ Раҳмон нахуст аз Сехи истеҳсоли ришта, ки ба тозагӣ бо 70 ҷойи нави корӣ ташкил карда шудааст, шинос шуданд.

Тамоми ашёи хоми барои истеҳсоли қолин зарурӣ ба корхонаи “Қолинҳои Қайроққум”  то ин замон аз хориҷи кишвар, аз ҷумла Туркия, Эрон ва Бангладеш ворид карда мешуд. Баробари фаъол гардидани сехи мазкур истеҳсоли 60 фоизи ашёи хом дар худи ин корхона ба роҳ монда мешавад, ки ин яке аз дастовардҳои арзанда дар ин соҳа дониста мешавад.