Озмуни «Академияи хурди илмҳо»

Дар муассиаси таҳсилоти миёнаи умумии №14-и ноҳияи Бобоҷон Ғафуров даври сеюми озмуни «Академияи хурди илмҳо» баргузор гардид, ки дар он 14 нафар намояндагони муассисаҳои таълимии шаҳри Гулистон иштирок намуданд.

Дар даври вилоятӣ 5 нафар хонандагони болаёқати муассисаҳои таълимӣ Ситора Шарифова -хонандаи синфи 11-и МТМУ №2 аз бахши адабиёти русӣ дар мавзўи «Эҷодиёти Лоиқ Шералӣ», Самандар Ҷамолиддинов – хонандаи синфи 9-и МТМУ №14 дар бахши забони англисӣ дар мавзўи «Соли 2018-Соли рушди сайёҳӣ ва ҳунарҳои мардумӣ», Парвина Ҳақназарова – хонандаи синфи 9-и МТМу №14 дар бахши таърих дар мавзўи «Пешвои миллат- ифтихори мост», Фаромўз Файзуллоев – хонандаи синфи 11-и МТМУ №14 дар бахши технологияи иттилоотӣ дар мавзўи «Поднимаем онлайн ТВ», Шаҳноза Халифаева – хонандаи синфи 10-и МТМУ №14 дар бахши экология дар мавзўи «Муҳити зист ва муҳофизати табиат» сазовори ҷойҳои намоён гардида, барои иштирок ба даври ҷумҳуриявии озмун роҳхат гирифтанд.

Чанд нафар ба донишгоҳ меравад?

30-юми апрели соли равон раванди бақайдгирии асосии довталабон дар Маркази миллии тестии назди Президенти Ҷумҳурии Тоҷикистон ҷамъбаст гардид. Мувофиқи ҳисоботи даврии Маркази миллии тестӣ 355 нафар (75,5%) хатмкунандагони муассисаҳои таълимии шаҳри Гулистон аз қайд гузаштаанд, ки аз ин шумора 286 нафар (56,6%) хатмкунандагони соли таҳсили 2017-2018 ва 69 нафар (13,7%) хатмкардагони солҳои қаблии муассисаҳои таълимии шаҳр мебошанд.

Сафари расмии Президенти Ҷумҳурии Беларус Александр Лукашенко дар Ҷумҳурии Тоҷикистон

Шоми 14 майи соли 2018 Президенти Ҷумҳурии Беларус Александр Лукашенко бо сафари расмӣ ба Ҷумҳурии Тоҷикистон ташриф овард.

15 май маросими истиқболи расмии меҳмони олимақом дар назди Қасри миллат баргузор гардид.

Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон Президенти Ҷумҳурии Беларус Александр Лукашенкоро гарму самимӣ истиқбол гирифта, ба болои шоҳсуфаи ифтихорӣ даъват карданд.

Маросими истиқбол бо гузориши фармондеҳи Горди фахрӣ, садо додани сурудҳои миллии ду кишвар, гузаштани сарони давлатҳо аз назди қатори сарбозон, арзи эҳтироми меҳмони олимақом ба Парчами давлатии Тоҷикистон, шиносоӣ бо ҳайатҳои расмии ду ҷониб ҷараён гирифта, бо гузашти низомии ҷузъу томҳои Горди фахрӣ аз назди сарони ду давлат анҷом ёфт.

Дар ин бора аз Хадамоти матбуоти Президенти Ҷумҳурии Тоҷикистон хабар доданд.

Маҷлиси Ҳукумати Ҷумҳурии Тоҷикистон

14 май дар Қасри миллат таҳти раёсати Асосгузори сулҳу ваҳдати миллӣ — Пешвои миллат, Президенти мамлакат, Раиси Ҳукумати Ҷумҳурии Тоҷикистон муҳтарам Эмомалӣ Раҳмон маҷлиси Ҳукумати кишвар баргузор шуд.

Дар кори маҷлис роҳбарият ва аъзои Ҳукумати ҷумҳурӣ, Роҳбари Дастгоҳи иҷроияи Президенти Ҷумҳурии Тоҷикистон, роҳбарони як қатор сохторҳои давлатӣ иштирок карданд.

Президенти мамлакат муҳтарам Эмомалӣ Раҳмон оид ба раванди иҷрои дастуру супоришҳои қаблан додашудаи Ҳукумати Ҷумҳурии Тоҷикистон, омодагии ҳамаҷониба барои дар сатҳи баланд таҷлил кардани ҷашни умумимиллӣ — 30-солагии Истиқлолияти давлатии Ҷумҳурии Тоҷикистон ва доир ба ҳадаф ва аҳамияти баргузории мулоқот бо намояндагони ҷомеаи кишвар дар арафаи моҳи шарифи Рамазон андешаронӣ карданд.