МУБОРАКБОДИИ Раиси шаҳри Гулистон Фирдавс Шарифзода ба муносибати Рӯзи Дониш

Муҳтарам омӯзгорон!

Хонандагони азиз!

Боиси ифтихор аст, ки Тоҷикистони соҳибихтиёр ва мардуми шарифи он дар остонаи яке аз бузургтарин ҷашнҳои миллӣ - 29-умин солгарди Истиқлолияти давлатии ҷумҳурии соҳибистиқлоламон қарор дорад. Имрӯз аз файзу баракати истиқлол ва суботу амнияти кишвари азизамон тамоми муассисаҳои таълимӣ чун анъана дарҳои худро ба рӯи хонандагон боз намуда, онҳоро боз ба оғӯши маърифату маънавият мегирад. Давлати соҳибистиқлоли мо дар партави сиёсати маорифпарваронаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон пайваста ба инкишофи илму маърифат, такомули раванди таълиму тарбия ва баланд бардоштани сатҳи маънавиёти ҷавонон ғамхорӣ зоҳир менамояд.

Дар сиёсати давлат соҳаи маориф ҳамчун соҳаи афзалиятнок арзёбӣ гардида, баҳри баланд бардоштани маърифатнокии ҷомеа ва тадриҷан беҳтар намудани ҳифзи иҷтимоии кормандони соҳа мунтазам тадбирҳо андешида мешаванд. Пешвои муаззами миллат дар суханрониҳои худ пайваста таъкид менамоянд, ки соҳаи илму маориф дар оянда ҳамчун яке аз самтҳои калидӣ боқӣ монда, Ҳукумати Тоҷикистон барои рушди он тамоми имконияти худро истифода мебарад ва маблағгузории соҳаро ҳамасола ба таври назаррас афзоиш медиҳад.

Табрикоти Раиси шаҳри Гулистон Фирдавс Шарифзода ба ифтихори Рӯзи кормандони тиб

Муҳтарам кормандони соҳаи тандурустӣ!

Рушди соҳаи тандурустӣ ва ҳифзи сиҳатии мардум самти афзалиятноки сиёсати иҷтимоии давлату ҳукумат маҳсуб ёфта, таҳти таваҷҷуҳи ҳамешагии Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон қарор дорад.

Иди касбии кормандони тиб имсол дар арафаи ҷашни 29 – солагии Истиқлолияти давлатии Ҷумҳурии Тоҷикистон ҷашн гирифта мешавад.Таҷлили иди касбиро ба кулли кормандони соҳаи тибби шаҳр табрику муборакбод намуда, ба ҳамагон саодати рӯзгор, бахту иқболи баланд таманно дорам.

ТАБИБОН - МУҲОФИЗОНИ СОЛИМИИ ҶОМЕА

Дар толори калони мақомоти иҷроияи ҳокимияти давлатии шаҳри Гулистон ҷамъомади ботантана бахшида ба Рӯзи касбии кормандони соҳаи тиб баргузор гардид. Ҷамъомадро сартабиби беморхонаи шаҳрӣ Гулсанам Пӯлодиён ифтитоҳ бахшид.

Раиси шаҳри Гулистон Фирдавс Шарифзода тамоми кормандони соҳаи тибби шаҳрро ба ифтихори Рӯзи кормандони соҳаи тиб муборакбод намуд. Зикр гардид, ки табибони шаҳри соҳили “Баҳри тоҷик” имрӯз иди касбии хешро бо комёбиҳои меҳнатӣ ва бо рӯҳбаландӣ истиқбол мегиранд. Онҳо баҳри беҳтар намудани саломатии мардум, баланд бардоштани сифати хизматрасонии тиббӣ шоиста меҳнат намуда, ба мардум саломатӣ ва умри дубора мебахшанд.

Ҳамдардии Президенти Ҷумҳурии Тоҷикистон, муҳтарам Эмомалӣ Раҳмон бо сабаби даргузашти Гулназар Келдӣ

Имрӯз шоири маҳбуби мардуми тоҷик, муаллифи Суруди миллии Тоҷикистон, Шоири халқии Тоҷикистон ва дорандаи Ҷоизаи давлатии ба номи Абӯабдуллоҳи Рӯдакӣ Гулназар Келдӣ дар синни 75-солагӣ аз олам даргузашт.

Президенти Ҷумҳурии Тоҷикистон, Асосгузори сулҳу ваҳдати миллӣ – Пешвои миллат муҳтарам Эмомалӣ Раҳмон ба аҳли хонавода ва наздикону пайвандони марҳум ҳамдардии амиқ баён намуданд.