САБҚАТИ БОНУВОН

Ба ифтихори ҷашни Наврӯзи байналмилалӣ дар Кохи варзишии “Истиқлол”-и шаҳри Гулистон бо иштироки шаш дастаи яккачини бонувон аз ҷомеаҳои меҳнатии ҳудуди шаҳр мусобиқаи варзишӣ оид ба волейбол барои гирифтани Ҷоми Раиси шаҳр баргузор гардид.

Тими яккачини коллеҷи тиббии шаҳр ғолиби мусобиқа гардида бо диплом ва ҷом қадршиносӣ карда шуд. Дастаҳои яккачини маркази саломатии маркази шаҳр ва муассисаи таълимии рақами 5-и шаҳраки Адрасмон ҷойҳои дуюм ва сеюмро ишғол намуданд.

МАЙДОНЧАИ НАВИ БАЧАГОНА

Дар арафаи иди Наврӯзи байналмилалӣ ба ифтихори 30-солагии Истиқлолияти давлатии Ҷумҳурии Тоҷикистон дар ҳудуди шаҳри Гулистон иншооти таъиноташон гуногун, аз ҷумла иншооти варзишӣ ва бачагона мавриди баҳрабардорӣ қарор дода мешаванд.

Дирӯз дар маҳаллаи 3 дар шафати биноҳои серошёнаи истиқоматии кӯчаи Дӯстии халқҳо 23 ва 24 боз як майдончаи бачагонаи замонавӣ бо фароҳам овардани беш аз 20 намуди бозии бачагона мавриди истифодабарӣ қарор дода шуд. Дар ин майдон акнун фарзандони сокинони ин кӯчаҳо дар фурсати муносиби фароғатӣ метавонанд ба машқу тамрин ва бозиҳои гуногун машғул шаванд.

САРҶАМЪӢ ВА МУТТАҲИДӢ ХИЛОФИ ИФРОТГАРОӢ

Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар яке аз Паёми хеш ба Маҷлиси Олӣ одилонаю дурандешона таъкид карданд: «…терорист ватан, миллат ва дину мазҳаб надорад…Тероризм ва ифротгароӣ беш аз ҳама авҷ гирифта, бо оқибатҳои даҳшатбори худ ба проблемаи ҷиддитарини инсоният дар асри бисту як табдил ёфтааст».

Боиси ифтихори мо ва пасояндагон аст, ки абармардони илму адаб, мутафаккирони ҷаҳоншумулу бошарафи халқи тамаддунофари тоҷик илму дониш, маърифату фарҳанг ақлу хирадро воситаи муҳими тарбияи инсони комил, инкишофу рушди ҷомеа ва васоити ҳифзи Ватан меҳисобанд.

МОНЕАИ РУШД ДАР АСРИ НАВ

Экстремизм ва терроризм аз мафҳумҳоеандт, ки имрӯз дар тамоми ҷаҳон вирди забон шудаанд ва ин мафҳумҳо ба ҳам пайваст мебошанд. Экстремизм, яъне тундравӣ ва он ба терроризм меорад. Террористон мехоҳанд, ки мақсади худро бо роҳи зӯроварӣ, тарсу ваҳм ва куштор амалӣ созанд. Онҳо бар зидди сиёсати давлат кор мебаранд, одамонро аз Ватан дур месозанд ва ҷомеаро хароб мекунанд.

Имрӯз терроризм ва экстремизм дар тамоми ҷаҳон ба яке аз падидаҳои хатарнок табдил ёфтааст. Экстремистон ва террористон кӯшиш менамоянд, ки ба сафи худ наврасон ва ҷавононро ҷалб намоянд, зеро ки ҷавонон бо зудбоварӣ ва ба осонӣ ба онҳо пайравӣ менамоянд. Мақсади экстремизми муосир таъсиси давлате мебошад, ки бо барпо намудани он барпо намудани ҳокимият аз болои ҷаҳони ислом ва сипас дар тамоми ҷаҳон мебошад.  Ҷавонони имрӯза аз сабаби набудани ҷойи кори муносиб ё ин ки пайдо нанамудани шароити хуби зиндагӣ, паст будани сатҳу саводнокӣ, дурӣ аз оила ва падару модар, беназорат мондан  ба ингуна гурӯҳҳои ифротгароӣ шомил шуда истодаанд. Вақте ки ҷавонон бекор мемонанд, ё ин ки дар муҳоҷирот дар натиҷаи таъсири мушкилоти рӯзмарра даст ба ҷиноят мезананд бо ин гурӯҳҳои номатлуб кор мебаранд. Онҳо мехоҳанд, ки бо ин роҳ мушкилоти худро ҳал намоянд. Мутаасифона мушкилоти зиёди наверо барои худ эҷод намуда, аслан ояндаи худро аз байн мебаранд.