ТУРСУНЗОДАХОНӢ ДАР ШАҲРИ ГУЛИСТОН

Ба истиқболи ҷашни 110-солагии Қаҳрамони Тоҷикистон Мирзо Турсунзода дар толори бахши фарҳанги мақомоти иҷроияи ҳокимияти давлатии шаҳри Гулистон озмуни Турсунзодахонӣ миёни хонандагони муассисаҳои таълимии шаҳр баргузор гардид.

Директори Маркази дарёфт ва рушди истеъдодҳои назди шуъбаи маорифи шаҳр озмунро ҳусни оғоз бахшид. Дар озмун беш аз 50 нафар хонандагон аз рӯӣ ду зиннаи синнусолӣ байни ҳам рақобат намуданд. Озмунро устодони нуктасанҷ ҳакамӣ намуданд. Дар натиҷаи баҳогузории ҳакамон ғолибон муайян гардиданд. Ғолибони мақоми аввал аз ду зинаи синнусолӣ ба даври вилоятии озмун роҳхат гирифтанд. Дар фарҷом ғолибон ва иштирокчиёни фаъол бо ифтихорнома қадрдонӣ гардиданд.

ФЕСТИВАЛ - ОЗМУНИ «САД РАНГИ ЧАКАН»

Дар кохи фарҳангии “Истиқлол”-и шаҳри Гулистон даври шаҳрии фестивал озмуни «Сад ранги чакан» баргузор гардид.

Фестивал озмуни мазкур бо мақсади баланд бардоштани эҳсоси ватандӯстиву хештаншиносӣ, ифтихори миллӣ, арҷ гузоштан ба таъриху тамаддун, фарҳанг, расму ойинҳои миллию мардумӣ ва муаррифии санъати ҳунари волои халқи тоҷик баргузор гардид. Баланд бардоштани тақвияти муаррифии сару либоси миллӣ, аз қабили чакандӯзӣ, атласу адрасбофӣ, дӯхтани тоқиву ҷузвдонҳо ва дигар намуди чеварӣ ҳадафи дигари фестивал буд.

Барқияи изҳори тасаллии Президенти Ҷумҳурии Тоҷикистон Эмомалӣ Раҳмон ба Президенти Туркманистон Гурбонгули Бердимуҳамедов

Дирӯз Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Президенти Туркманистон Гурбонгули Бердимуҳамедов барқияи изҳори тасаллӣ ирсол намуданд, ки дар он омадааст:

«Муҳтарам Гурбангули Мяликгулиевич,

Хабари даргузашти падари соҳибэҳтироми Шумо — Мяликгули Бердимуҳамедов боиси андӯҳи амиқи мо гардид.

Дар иртибот ба ин талафоти гарон хоҳишмандам изҳори тасаллӣ ва таъзияи самимии ин ҷонибро қабул фаромед. Дар ин рӯзҳои вазнин ба Шумо ва пайвандону наздикони Шумо матонати рӯҳӣ ва сабри ҷамил хоҳонам».

РӮЗИ МУДОФИАИ ГРАЖДАНӢ ДАР ҶАМОАТИ ШАҲРАКИ АДРАСМОН

Тибқи нақша чорабиниҳои Мақомоти иҷроияи ҳокимияти давлатии вилояти Суғд ва Мақомоти иҷроияи ҳокимияти давлатии шаҳри Гулистон  оид ба масълаҳои мудофиаи гражданӣ, пешгирӣ, эътино ва рафъи оқибатҳои ҳолтҳои фавқулода барои соли 2021 ва фармони сардори мудофиаи гражданӣ-Раиси шаҳр №2 аз 9-уми  апрели соли 2021 санаи 19-уми апрели соли ҷорӣ дар муассисаи таҳсилоти миёнаи умумии №7-и ҷамоати шаҳраки Адрасмони шаҳри Гулистон «Рӯзи мудофиаи гражданӣ»-и намунавӣ ташкил ва гузарониданида шуд.

Дар чорабинии мазкур 700 нафар хонандагон 80 нафар омӯзгорон директорон, омӯзгорони омодагии дифои ҳарбии муассисаҳои таҳсилоти миёнаи умумии шаҳр ва ҷамоати шаҳракҳо, намояндаи Раёсати Кумитаи ҳолатҳои фавқулода ва мудофиаи граждании вилояти Суғд, раиси ҷамоати шаҳрак ва намояндагони шуъбаи маорифи шаҳр иштирок намуданд. Ибтидо дар саҳни муассиса чорабиниро ифтитоҳ бахшида шуд. Сипас дарсҳои кушод дар синфҳои 2-6 дар мавзӯъҳои ҳолатҳои фавқулода ва мудофиаи гражданӣ, ёрии аввалияи тиббӣ ҳангоми рух додани ҳолатҳои фавқулода, озмуни расми беҳтарин оид ба ҳолатҳои фавқулода, усулҳои муҳофизати хонандагон аз оқибатҳои ҳолатҳои фавқулода ва дар байни синфҳои 6 викторина доир ба мудофиаи гражданӣ ва ҳолатҳои фавқулода гузаронида шуд. Баъдан бонги хатар садо дод ва хонандагон бо риояи дурусти амалҳо ба ҷойҳои бехавфи саҳни муассиса баромаданд.