Баргузории марҳилаи дуюми мусобиқаи кушоди шаҳрии оид ба намуди шоҳмот байни мардону бонувон барои дарёфти Ҷоми Раиси вилояти Суғд бахшида ба 25-солагии Рӯзи Ваҳдати миллӣ ва 30-солагии Иҷлосияи XVI Шӯрои Олии Ҷумҳурии Тоҷикистон

Санаи 1-уми июни соли 2022, бо мақсади иҷрои қарори Раиси шаҳри Гулистон, ки аз 05.05.2022, №109 ба тавсиб расидааст дар толори варзишии кохи "Истиқлол"-и  маркази шаҳр марҳилаи дуюми мусобиқаи кушоди шаҳрии шоҳмот байни мардону бонувон барои дарёфти Ҷоми Раиси вилояти Суғд бахшида ба 25-солагии Рӯзи Ваҳдати миллӣ ва 30-солагии Иҷлосияи XVI Шӯрои Олии Ҷумҳурии Тоҷикистон ташкил ва баргузор карда шуд.

Дар мусобиқаи мазкур иштирокчиён аз шаҳри Гулистон ва дигар шаҳру ноҳияҳои вилояти Суғд беш аз 100 нафар байни ҳам сабқат намуда, дар натиҷа 6 нафар ғолибон бо диплом, медал ва туҳфаҳои хотиравӣ ва 20 нафари дигар барои иштироки фаъолона бо дипломҳо қадрдонӣ гардиданд.

ДАСТАРХОНИ ИДОНА БАРОИ 150 НАФАР КӮДАКОНУ НАВРАСОН

Имрӯз, 1-уми июни соли 2022 ба муносибати таҷлили Рӯзи байналмилалии ҳифзи кӯдакон дар тарабхонаи “Манижа”-и маркази шаҳр бо дастгирии соҳибкорзани маҳаллӣ Турсуной Зокирова барои 150 нафар кӯдакони ятим, нимятим ва аз оилаҳои камбизоат дастархони идона ороста шуд.

Раиси шаҳри Гулистон Раъно Ҳошимзода кӯдакону наврасонро ба муносибати таҷлили Рӯзи байналмилалии ҳифзи кӯдакон табрику таҳният гуфт.

Зикр карда шуд, ки ғамхори нисбати кӯдакони ятиму камбизоат зери таваҷҷуҳи ҳамешагии Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон мебошад.

ТАҶЛИЛИ РӮЗИ БАЙНАЛМИЛАЛИИ ҲИФЗИ КӮДАКОН

Имрӯз, 1-уми июни соли 2022 дар Муассисаи давлатии Боғи фарҳангӣ-фароғатии “Темурмалик”-и шаҳри Гулистон ба муносибати Рӯзи байналмилалии ҳифзи кӯдакон чорабинии идона баргузор гардид. Дар даромадгоҳи Муассисаи давлатии Боғи фарҳангӣ-фароғатии “Темурмалик” Раиси шаҳри Гулистон Раъно Ҳошимзода бо намоиши омода намудаи кӯдакони муассисаҳои таълимии томактабӣ шинос гардида, ба кӯдакону наврасон туҳфаҳои хотиравӣ тақдим намуд.

Сипас, Раиси шаҳр Раъно Ҳошимзода кӯдакону наврасонро ба ин муносибат таҳният гуфт. Зикр гардид, ки рўзи 1-уми июн дар ҷаҳон ҳамчун Рўзи байналмилалии ҳифзи кўдакон таҷлил мегардад. Ин санаи муҳим ба мо ҳушдор медиҳад, ки масъулияти саломатӣ, тарбияи маънавии кӯдакону наврасон, фароҳам овардани шароити мусоиди таълиму тарбияи онҳо дар мактаб ва оила, инкишофи эҷодиёти бачагон ва тайёр намудани онҳо ба зиндагии оянда ба дӯши мост. Мо онҳоро бояд дӯст дорем ва меҳру муҳаббати худро дар вуҷуди поки кӯдакон ҷой диҳем. Ба ин муносибат ин рӯзи некро ҳамчун рӯзи баробариву бародарӣ ва ҳифзи манфиатҳои кӯдакони ҷаҳон, ба кулли сокинони шаҳри Гулистон самимона табрик мегӯям.

Аёдати наврасони бемор дар шаҳри Гулистон

Имрӯз Раиси вилояти Суғд Раҷаббой Аҳмадзода ба шаҳри Гулистон ташриф оварда, Соҷида ва Иброҳим Мамадовҳоро, ки ҳарду бемор мебошанд, аёдат кард

Раиси вилоят дар суҳбат бо волидони кӯдакон иброз дошт, ки бо шарофати сиёсати оқилона ва  хирадмандонаи Пешвои миллат муҳтарам Эмомалӣ Раҳмон ҳифзу ҳимояи  оила, кўдак ва волидайн дар меҳвари таваҷҷуҳи давлат қарор дорад.

Барои ба ғамхории доимӣ фаро гирифтани кўдакону наврасон, дар замири насли ҷавон парваридани ҳисси баланди миллӣ,  эҳсоси худшиносию ватандўстӣ ва ахлоқи ҳамида мунтазам чораҷӯӣ карда мешавад.