НАТИҶАИ НАЗАРРАС ДАР ДАВРИ ҶУМҲУРИЯВИИ ОЛИМПИАДАҲОИ ФАННӢ

14-уми майи соли ҷорӣ дар мактаби байналмилалии Президентӣ дар шаҳри Душанбе аз фанҳои табиӣ-риёзӣ ва ҷамъиятӣ-гуманитарӣ ва дар литсей барои хонандагони болаёқат дар шаҳри Душанбе аз фанни технологияи иттилоотӣ даври ҷумҳуриявии олимпиадаҳои фаннӣ барои хонандагони синфҳои 5-6-и муассисаҳои таҳсилоти умумии кишвар баргузор гардид.

Дар олимпиадаи мазкур аз шаҳри Гулистон 5 нафар хонандагони муассисаҳои таълимии шаҳр иштирок намуданд. Пас аз натиҷагирӣ маълум гардид, ки Нилуфар Зоидбоева хонандаи синфи 5-и муассисаи таҳсилоти миёнаи умумии №14-и маркази шаҳр аз фанни забони русӣ сазовори ҷойи дуюм ва медали нуқра ва Милана Латипова хонандаи синфи 5-и муассисаи таҳсилоти миёнаи умумии №1-и маркази шаҳр аз фанни забон ва адабиёти рус сазовори ҷойи 3-юм ва медали биринҷӣ гардидаанд.

"ФУРӮҒИ СУБҲИ ДОНОӢ КИТОБ АСТ"

Ба таваҷҷуҳи довталабони даври шаҳри озмуни ҷумҳуриявии "Фурӯғи субҳи доноӣ китоб аст" дар шаҳри Гулистон расонида мешавад, ки дар асоси қарори Раиси шаҳр аз 11.04.2022 Дар бораи ташкил ва гузаронидани даври шаҳрии озмуни ҷумҳуриявии "Фурӯғи субҳи доноӣ китоб аст" ва тибқи ҷадвали баргузории даврҳои шаҳриву ноҳиявӣ даври дуюми озмун санаи 18, 19 ва 20 моҳи ҷорӣ дар Кохи фарҳангии "Истиқлол"-и маркази шаҳр баргузор мегардад.

Аз ин рӯ, иштирокчиёнро лозим аст, ки соати 8:00 ба макони баргузории озмун ҳозир гарданд.

Ғолибияти варзишгарони шаҳри Гулистон дар мусобиқаи байналмилалии намуди варзишии каратэи анъанавӣ

Санаҳои 14-15-уми майи соли равон дар шаҳри  Тошканди  Ҷумҳурии Узбекистон  мусобиқаи байналмилалӣ оид ба намуди варзишӣ каратэи анъанавӣ, бо иштироки варзишгарони 11 кишвар ташкил ва баргузор карда шуд. Дар мусобиқаи мазкур варзишгарон аз рӯйи вазнҳои гуногун байни ҳам қувваозмоӣ намуданд.

Варзишгарони шаҳри Гулистон Валиҷон Қамбаров  ва   Сафдар Исомиддинзода дар вазнҳои гуногун ба рақибони худ  қувваозмоӣ намуда, дар натиҷаи заҳмату талошҳо ва нишон додани маҳорати баланди варзишӣ ва мағлуб намудани якчанд рақибони худ аз давлатҳои гуногун сазоворӣ ҷойҳои дуюм ва медали нуқра гардида, парчами Тоҷикистонро парафшон намуданд.

Ғолибият ба кулли варзишдӯстон муборак бод!

Боздид аз рафти корҳои сохтмонии иншооти ҷашнӣ

Нимаи дуюми имрӯз, 16  майи соли 2022, иҷрокунандаи вазифаи раиси шаҳри Гулистон Раъно Ҳошимзода бо мақсади огаҳӣ пайдо намудан аз рафти корҳои сохтмонии иншоотҳои ҷашнӣ аз иншооти бунёдгардида истода дидан намуд.

Зимни боздид ба масъулин ҷиҳати дар вақти муайянгардида ва босифат ба анҷом расонидани корҳои сохтмонӣ дастуру супоришҳои мушаххас дода шуд.

Иттилоъ дода шуд, ки дар иншоотҳои ҷашнӣ корҳои сохтмонӣ тибқи нақша ҷараён гирифта истодааст ва дар вақти муайян гардида корҳои бинокорӣ ба анҷом расонида мешаванд.

Ҳамчунин, ҷиҳати сабзу хуррам гардонии гирду атрофи иншоотҳои сохта шаванда низ дастур дода шуд.