Рӯзи 21-уми апрели соли 2022 дар асоси нақшаи баргузории силсилаи мулоқоту вохўриҳо дар самти амалисозии татбиқи сиёсати давлатии ҷавонон хониши сиёсӣ таҳти унвони, пешгирии шомилшавии ҷавонон ба ҳизбу ҳаракатҳои тундрав, ҷалби ҷавонон ба хизмати ҳарбӣ, пешгирии таълимоти ғайриқонунии динӣ, иҷрои Қонуни Ҷумҳурии Тоҷикистон "Дар бораи масъулияти падар модар, дар таълиму тарбияи фарзанд", баланд бардоштани маданияти шаҳрдории ҷавонону наврасон ва манфиатҳои миллӣ дар муассисаи таълимии №2-и Ҷамоати шаҳраки Чоруқдаррони шаҳри Гулистон бо ҷавонони синни 16-18 сола ва волидайни онҳо вохӯрӣ баргузор карда шуд.
Дар вохӯрии мазкур Аҳлиддин Абдураҳмонов мудири бахши кор бо ҷавонон ва варзиши шаҳр, Сатторова Матлуба сармутахассиси ҳифзи ҳуқуқи кӯдаки МИҲД-и шаҳр, Аҳлиддин Тоҷиддинов и.в. мудири бахши дин, танзими анъана ва ҷашну маросими шаҳр, Фирӯз Ғаниев мушовири корҳои тарбиявии шуъбаи маорифи шаҳр ва Зулфия Ҷолиева директори муассиса иштирок ва суханронӣ намуданд.
Имрӯз, 21.04.2022 иҷрокунандаи вазифаи Раиси шаҳри Гулистон Раъно Ҳошимзода ба Ҷамоати шаҳраки Зарнисор ташриф оварда, зимни ташриф аз раванди фаъолияти истеҳсолии ҶДММ “Ширкати кӯҳӣ-саноатии Тоҷикистону Хитой”, ки яке аз корхонаҳои саноатии бузургтарин дар миқёси шаҳру вилоят ва ҷумҳурӣ ба ҳисоб меравад дидан намуд. Иттилоъ дода шуд, ки дар корхона корҳои истеҳсолӣ бо маром ҷараён дошта, масъулин барои фаъолияти мунтазам ва иҷрои уҳдадориҳои истеҳсолӣ талош доранд. Ҳамчунин, дар корхона корҳои таҷдиду азнавсозӣ бо ҷалби сармояи хориҷӣ идома дорад ва бо ба анҷом расидани корҳо дар ин самт имконияти фаъолияти истеҳсолии корхона зиёд мегардад.
Имрӯз, 21-уми апрели соли 2022 дар асоси нақшаи баргузории силсилаи мулоқоту вохўриҳо дар самти амалисозии татбиқи сиёсати давлатии ҷавонон ва хониши сиёсӣ таҳти унвони пешгирии шомилшавии ҷавонон ба ҳизбу ҳаракатҳои тундрав, ҷалби ҷавонон ба хизмати ҳарбӣ, пешгирии таълимоти ғайриқонунии динӣ, баланд бардоштани маданияти шаҳрдории ҷавонону наврасон ва манфиатҳои миллӣ, дар муассисаи таълимии №3-и Ҷамоати шаҳраки Консойи шаҳри Гулистон бо ҷавонони синни 16-18 сола вохӯрӣ баргузор карда шуд.
Имрӯз, 21 апрели соли 2022 бо мақсади иҷрои қарори Раиси шаҳри Гулистон дар бораи ташкил ва гузаронидани “Рӯзи мудофиаи гражданӣ”-и намунавӣ ва ягона дар муассисаи таҳсилоти миёнаи умумии №1-и маркази шаҳр Рӯзи мудофиаи граждании намунавӣ баргузор гардид.
Санаи 20.04.2022 дар толори Муассисаи давлатии Маркази таҳсилоти иловагии шаҳри Гулистон доир ба пешгирии ҳуқуқвайронкунӣ ва шомил шудани ҷавонон ба ҳизбу ҳаракатҳои террористию экстеремистӣ ва дар мавзуи "Ҳуқуқи кӯдакро ҳифз намо", барои амалӣ намудани "Барномаи миллии пешгирии ҳуқуқвайронкунӣ дар байни ноболиғон барои солҳои 2020-2024" бо иштироки кормандони шуъбаи маориф, роҳбарони муассисаҳои таълимӣ, мудирони кӯдакситонҳо вохӯрӣ баргузор гардид.
