ПАЙРАВОНИ АСИЛИ ПЕШВОИ МИЛЛАТЕМ

Имрӯз, 20.05.2022 дар шаҳри Гулистон ба муносибати таҷлили Рӯзи ҷавонони Тоҷикистон роҳпаймоӣ доир гардид.

Дар роҳпаймоӣ беш аз 2000 нафар ҷавонони муассисаву ташкилотҳо, гирандагони стипендияи президентӣ, гирандагони стипендияи Раиси шаҳр, донишҷӯёни коллеҷи тиббӣ ва ҷавонони ҷамоати шаҳракҳои шаҳр бо овезаву парчамҳои идона зери шиорҳои “Пайравони асили Пешвои миллатем”, “Тоҷикистон ба пеш!”, “Бо Пешвои миллат ифтихор мекунем”, “Поянда бод ҷавонӣ”, “Поянда бод Тоҷикистон”, “Ҷавонони созандаи миллатем” бо шавқу шӯри ҷавонӣ, бо ифтихор аз давлати озоду обод иштирок намуданд.

Пешвои миллат Эмомалӣ Раҳмон ба аҳли оила ва наздикони Нависандаи халқии Тоҷикистон Меҳмон Бахтӣ изҳори тасаллият намуданд

Имрӯз, 20 майи соли 2022 Нависандаи халқии Тоҷикистон, дорандаи ҷоизаи давлатии ба номи Абӯабдуллоҳи Рӯдакӣ Меҳмон Бахтӣ дар синни 81-солагӣ аз олам даргузашт.

Тавре ба АМИТ «Ховар» дар Хадамоти матбуоти Президенти ҶТ хабар доданд, Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба аҳли оила ва наздикону пайвандони марҳум изҳори тасаллият намуданд, ки дар он, аз ҷумла омадааст:

«Меҳмон Бахтӣ дар рушди адабиёт ва драматургияи муосири тоҷик хизматҳои шоистаро ба анҷом расонида, солҳои зиёд ба ҳайси Раиси Иттифоқи нависандагон, узви Маҷлиси миллии Маҷлиси Олии Ҷумҳурии Тоҷикистон, вакили Маҷлиси намояндагони Маҷлиси Олии Ҷумҳурии Тоҷикистон, муовини Раиси Ҳаракати ваҳдати миллӣ ва эҳёи Тоҷикистон фаъолият дошт.

Тақвияти корҳои ободонӣ дар шаҳраки Сирдарё

Ҷамоати шаҳраки Сирдарё аз рӯзҳои аввали таъсисёбиаш ҳамчун шаҳраки дорои аҳамияти муҳими иқтисодӣ, иҷтимоӣ ва фарҳангӣ ба ҳисоб мерафт. Таъсисёбии шаҳрак низ ба ташкили экспедитсияҳои гуногуни геологӣ, гидрогеологӣ ва ҷустуҷӯйи иктишофӣ ҳамбастагӣ дошт. Шаҳрак баъди пушти сар намудани зилзилаи шадиди соли 1985 ба мушкилии сахт рӯ ба рӯ шуда, то соли 1985 инфрасохтор ва фонди манзили шаҳрак барқарор карда шуд.

Дар замони соҳибистиқлолӣ шаҳраки Сирдарё аҳамияти хосаи худро гум накарда, тадриҷан рушд ёфта истодааст.

Алҳол дар шаҳрак якчанд ташкилоту муассисаҳо бомаром фаъолият дошта, дар амалисозии функсия ва вазифаҳояшон муваффақ мебошанд.

ШӮРОИ КОР БО ҶАВОНОНИ НАЗДИ РАИСИ ШАҲРИ ГУЛИСТОН БАРГУЗОР ГАРДИД

Имрӯз, 19.05.2022 дар толори Кохи фарҳангии "Истиқлол"-и маркази шаҳр Шӯрои кор бо ҷавонони назди Раиси шаҳри Гулистон баргузор гардид.

Дар кори Шӯро аъзои Шӯро, гирандагони стипендияи президентӣ, гирандагони стипендияи Раиси шаҳр ва ҷавонони фаъоли шаҳр иштирок доштанд.

Кори Шӯро бо садо додани Суруди миллӣ оғоз гардид. Иҷрокунандаи вазифаи Раиси шаҳр Раъно Ҳошимзода баргузории Шӯрои мазкурро дар остонаи таҷлили Рӯзи ҷавонони Тоҷикистон фоли нек дониста, ҳозиринро бо рӯзномаи Шӯро шинос намуд. Дар Шӯро ду масъала, ҳисоботи мудири бахши кор бо ҷавонон ва варзиши шаҳр дар давоми соли 2022 ва тасдиқи лоиҳаи қарор ва нақшаи чорабиниҳои Шӯро баррасӣ гардиданд. Аз рӯйи масъалаи якум Аҳлиддин Абдураҳмонов мудири бахши кор бо ҷавонон ва варзиши шаҳр суханронӣ намуда, аз натиҷаи фаъолияти бахши кор бо ҷавонон ва варзиши шаҳр маълумот дод.