Президенти Ҷумҳурии Тоҷикистон Эмомалӣ Раҳмон бо Раиси Ҷумҳурии Мардумии Чин Си Ҷинпин мулоқот намуданд

15 сентябр Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар ҳошияи ҷаласаи Шӯрои сарони давлатҳои аъзои Созмони ҳамкории Шанхай дар шаҳри Самарқанди Ҷумҳурии Узбекистон бо Раиси Ҷумҳурии Мардумии Чин муҳтарам Си Ҷинпин мулоқот намуданд.

Сарони давлатҳо доираи васеи масъалаҳои ҳамкории дуҷониба ва бисёрҷонибаи Тоҷикистону Чинро баррасӣ карданд.

Дар рафти мулоқот муколамаи пурмаҳсули сиёсӣ дар соли таҷлили 30-юмин солгарди барқарории муносибатҳои дипломатии ду кишвар ва натиҷаҳои бузурге, ки тайи давраи гузашта дар таҳкими муносибатҳои дӯстӣ, ҳамсоягии нек ва шарикии ҳамаҷонибаи стратегӣ ба даст оварда шудаанд, қайд гардид.

Баргузории аксияи ҷумҳуриявии "Албом-эстафета" таҳти унвони "30-соли ҳамбастагӣ бо Пешвои муаззами миллат" бахшида ба 30-солагии Иҷлосияи XVI Шӯрои Олии Ҷумҳурии Тоҷикистон

Имрӯз, 15.09.2022 дар толори Кохи фарҳангии “Истиқлол”-и маркази шаҳр ҳамоиши ботантана дар доираи  аксияи ҷумҳуриявии "Албом-эстафета" таҳти унвони "30-соли ҳамбастагӣ бо Пешвои муаззами миллат" бахшида ба 30-солагии Иҷлосияи XVI Шӯрои Олии Ҷумҳурии Тоҷикистон баргузор карда шуд.

Ҳамоиш бо садо додани Суруди миллии Ҷумҳурии Тоҷикистон оғоз ёфт.

Раиси Кумитаи иҷроияи Ҳизби Халқии Демократии Тоҷикистон дар шаҳри Гулистон Муслимахон  Ҷамолиён меҳмонони ҳамоиш, собиқадорони ҳизбу меҳнат, иштирокчиёни Иҷлосияи XVI Шӯрои Олии Ҷумҳурии Тоҷикистон, вакилони Маҷлиси вакилони халқи шаҳр, раисони ташкилотҳои ибтидоӣ, роҳбарони ташкилоту корхонаҳо, фаъолони ҳизб, занон ва ҷавонони КИ, аъзои ташкилоти ҷамъиятии ҷавонон «Созандагони Ватан»-ро ба ҳамоиш хайрамақдам гуфт.

Боздид аз намоиши дастовардҳо дар доираи Аксияи “Албом-эстафета” таҳти унвони “30-соли созандагӣ бо Пешвои муаззами миллат”

Имрӯз, 15.09.2022 дар даромадгоҳи Кохи фарҳангии “Истиқлол”-и маркази шаҳр намоишҳои дастовардҳо дар доираи Аксияи “Албом-эстафета” таҳти унвони “30-соли созандагӣ бо Пешвои муаззами миллат” ба муносибати 30-солагии Иҷлосияи XVI Шӯрои Олии Ҷумҳурии Тоҷикистон доир гардид.

Раиси шаҳри Гулистон Раъно Ҳошимзода, Раиси Кумитаи иҷроияи Ҳизби Халқии Демократии Тоҷикистон дар вилояти Суғд Зуфар Исмоилзода, Раиси Кумитаи иҷроияи Ҳизби Халқии Демократии Тоҷикистон дар шаҳри Гулистон Муслимахон Ҷамолиён аз намоиши ҳунарҳои мардумӣ, дастовардҳои хонандагони муассисаҳои таълимӣ ва намоиши китобӣ таҳти унвони “Анҷумани саодати халқ” дидан намуданд.

30-СОЛИ ҲАМБАСТАГӢ БО ПЕШВОИ МУАЗЗАМИ МИЛЛАТ

Имрӯз, 15.09.2022 дар шаҳри Гулистон дар доираи Аксияи «Албом-эстафета» таҳти унвони 30-соли созандагӣ бо Пешвои муаззами миллат» ба муносибати 30-солагии Иҷлосияи XVI Шӯрои Олии Ҷумҳурии Тоҷикистон ва ба муносибати Рӯзи шаҳри Гулистон ҳамоиш доир гардид.

Лозим ба зикр аст, ки иқдоми мазкур бо ташаббуси Кумитаи Иҷроияи Марказии Ҳизби Халқии Демократии Тоҷикистон дар якҷоягӣ бо Мақомоти иҷроияи ҳокимияти давлатии вилояти Суғд ва Кумитаи иҷроияи Ҳизби Халқии Демократии Тоҷикистон дар вилояти Суғд баҳри арҷгузорӣ ба заҳматҳои шабонарӯзии Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон, Раиси муаззами Ҳизби Халқии Демократии Тоҷикистон муҳтатам Эмомалӣ Раҳмон роҳандозӣ гардидааст.