Табрикоти Раиси шаҳри Гулистон Раъно Ҳошимзода ба муносибати Рӯзи соҳибкорон

Соҳибкорони гиромӣ!

Ба муносибати Рӯзи соҳибкорон, ки бо ташаббуси Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон  ҳамасола дар ҷумҳурӣ таҷлил карда мешавад, кулли соҳибкорони шаҳрро табрику таҳният гуфта, бароятон муваффақияту комёбиҳои беназирро таманно менамоям.

Ҳукумати мамлакат ҷиҳати ноил шудан ба ҳадафҳои стратегӣ ва таъмини рушди босуботи иқтисодӣ дар соҳаҳои мухталифи иқтисодиёт, хусусан дар самти беҳсозии фазои сармоягузорӣ ва рушди бахши хусусиву соҳибкорӣ ислоҳоти куллиро мунтазам амалӣ намуда, имрузҳо натиҷаҳои назаррас дода истодааст.

Дар заминаи сиёсати хирадмандона ва бунёдкоронаи Пешвои миллат, муҳтарам Эмомалӣ Раҳмон ҷиҳати дастгирии фаъолияти соҳибкорӣ, аз ҷумла соҳибкории истеҳсолӣ ва бартараф намудани монеаҳои мавҷуда, чор маротиба, аз ҷумла имсол низ ба ҳамагуна санҷишҳои фаъолияти субъектҳои соҳибкорӣ, мораторий эълон гардид.

БАРГУЗОРИИ ЯРМАРКАИ ҶОЙҲОИ КОРИИ ХОЛӢ

Имрӯз, 15.10.2022 дар шаҳр аз тарафи шуъбаи Агентии меҳнат ва шуғли аҳолӣ ярмаркаи ҷойҳои холии корӣ гузаронида шуд.

Дар ярмарка аз ҷониби 15 корхона ва ташкилотҳо иштирок намуда, зиёда аз 217 ҷойҳои холии корӣ пешниҳод намуданд.

Дар ярмарка ба 35 нафар бекор роҳхат дода шуд.

Ҳамчунин, ба 10 нафар барои касбомӯзӣ роҳхат дода шуд.

Президенти Ҷумҳурии Тоҷикистон Эмомалӣ Раҳмон бо Президенти Ҷумҳурии Узбекистон Шавкат Мирзиёев мулоқот намуданд

14 октябр Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар шаҳри Остона дар ҳошияи ҷаласаи Шӯрои сарони давлатҳои аъзои Иттиҳоди Давлатҳои Мустақил ва Ҳамоиши «Осиёи Марказӣ ва Федератсияи Россия» бо Президенти Ҷумҳурии Узбекистон муҳтарам Шавкат Мирзиёев мулоқот карданд.

Дар рафти вохӯрӣ маҷмуи васеи масоили ҳамкорӣ дар сатҳи дуҷониба ва ҳам дар чаҳорчуби ташкилоту созмонҳои минтақавию байналмилалӣ мавриди баррасӣ қарор дода шуд.

Президенти мамлакат муҳтарам Эмомалӣ Раҳмон аз натиҷаҳои мусбати рушди муносибатҳои шарикӣ ва ҳампаймонии Тоҷикистону Узбекистон бадастомада изҳори қаноатмандӣ карда, дидору мулоқоти имрӯзаро имкони мувофиқ барои баррасии ҳолат ва дурнамои робитаҳои дӯстӣ, ҳамкорӣ ва ҳамҷаворӣ муҳим маънидод намуданд.

Президенти Тоҷикистон Эмомалӣ Раҳмон дар Ҳамоиши нахустини «Осиёи Марказӣ + Россия» иштирок карданд

14 октябр Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар шаҳри Остонаи Ҷумҳурии Қазоқистон дар Ҳамоиши нахустини «Осиёи Марказӣ + Россия» иштирок ва суханронӣ карданд.

Дар кори ҳамоиш Президенти Ҷумҳурии Тоҷикистон муҳтарам Эмомалӣ Раҳмон, Президенти Федератсияи Россия Владимир Путин, Президенти Ҷумҳурии Қазоқистон Қосим-Жомарт Токаев, Президенти Ҷумҳурии Узбекистон Шавкат Мирзиёев, Президенти Туркманистон Сердар Бердимуҳаммадов ва Президенти Ҷумҳурии Қирғизистон Садир Жапаров иштирок карданд.

Президенти мамлакат муҳтарам Эмомалӣ Раҳмон дар кори Ҳамоиши нахустини “Осиёи Марказӣ + Россия” суханронӣ карда, ба Президенти Федератсияи Россия барои иқдомашон ҷиҳати баргузории ин нишаст ва ба роҳбари кишвари мизбони Қазоқистон ҷиҳати дар сатҳи баланди тадорукотӣ ташкил кардани чорабинӣ изҳори сипос намуданд.