БАРГУЗОРИИ ЯРМАРКАИ ФУРӮШИ МАҲСУЛОТИ ОЗУҚАВОРӢ

Имрӯз 22.10.2022 дар партави дастуру ҳидоятҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва супоришҳои Раиси вилояти Суғд Раҷаббой Аҳмадзода дар шаҳри Гулистон ярмарка фурӯши маҳсулоти озуқаворӣ баргузор карда шуд.

Дар ярмарка маҳсулоти ниёзи аввал бо нархи нисбатан арзонтар аз бозор пешниҳоди сокинон карда шуд. Сокинон амали мазкурро бо хушнудӣ қабул намуданд.

Дар ярмарка ба сокинони маҳсулот бо нархи дастарас ва нисбатан арзонтар аз нархи бозор пешниҳод карда шуд.

Баргузории даври шаҳрии озмуни вилоятии "Тирамоҳи заррин"

Санаи 21.10.2022 дар Муассисаи давлатии Маркази таҳсилоти иловагии шаҳри Гулистон барои баланд бардоштан ва фаъол гардонидани кори маҳфилҳои муассисаҳои таълимӣ, роҳбарони Созмони хонандагон, роҳбарони синфҳо ва омӯзгорони фанҳои биология, табиатшиносӣ, рассомӣ ва экология дар бахши ҳифзи муҳити зист, омӯзиши табиати диёр, бунёдкорӣ, бедор намудани ҳисси табиатдӯстӣ ва ғанӣ сохтани ҷаҳони маънавии хонандагон бахшида ба Иди Меҳргон даври шаҳрии озмуни вилоятии "Тирамоҳи заррин" баргузор карда шуд.

Дар даври шаҳрии озмуни вилоятии “Тирамоҳи заррин” намояндаи мақомоти иҷроияи ҳокимияти давлатии шаҳри Гулистон, намояндаи шуъбаи маорифи шаҳр, намояндаи бахши ҳифзи муҳити зисти шаҳр, намоянда аз мактаби санъат ва омӯзгорону хонандагони муассисаҳои таҳсилоти миёнаи умумӣ иштирок намуданд.

Сараввал, директори муассисаи давлатии Маркази таҳсилоти иловагии шаҳри Гулистон Эмомалӣ Бобоев бахшида ба Иди Меҳргон ва моҳияту шартҳои озмун ба ҳозирин маълумот дода, ҳамагонро сидқан ба ин иди миллии аҷдодӣ табрику шодбод гуфта, ба онҳо барору комёбӣ таманно намуд.

Пешвои миллат Эмомалӣ Раҳмон бо раисони ноҳияҳои Кӯҳистони Мастчоҳ, Лахш, Тоҷикобод, Рашт ва Нуробод суҳбати телефонӣ анҷом доданд

Имрӯз Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо раисони ноҳияҳои Кӯҳистони Мастчоҳ, Лахш, Тоҷикобод, Рашт ва Нуробод суҳбати телефонӣ анҷом доданд.

Зимни суҳбат Роҳбари давлат муҳтарам Эмомалӣ Раҳмон ҳисоботи раисони ноҳияҳои зикршударо доир ба вазъи корҳо дар самти ҷамъоварии маҳсулоти кишоварзӣ, аз ҷумла картошка ва мева шуниданд.

Президенти Ҷумҳурии Тоҷикистон муҳтарам Эмомалӣ Раҳмон ба роҳбарони ноҳияҳои зикршуда оид ба ҷамъоварии саривақтию беталафи маҳсулоти кишоварзӣ, омодагии ҳамаҷониба ба мавсими тирамоҳу зимистони дарпешистода ва захираи маводи сӯзишворӣ дар муассисаҳои иҷтимоӣ супоришҳои мушаххас доданд.

ТАҚВИЯТИ КОРҲОИ ФАҲМОНДАДИҲӢ

Дар асоси дастуру супоришҳои Раиси шаҳри Гулистон Раъно Ҳошимзода оид ба баргузории суҳбату мулоқотҳо ҷиҳати пешгирии ҷинояткорӣ дар байни ноболиғон, пешгирии шомилшавӣ ба ҳизбу ҳаракатҳои экстремистӣ ва таълимоти ғайриқонунии динӣ, ҳолати даст ба худкушӣ задани ҷавонону наврасон бо омӯзгорони  муассисаи таҳсилоти миёнаи умумии Ҷамоати шаҳраки Адрасмон ҷиҳати Тақвияти додани корҳо дар ин самт дар миёни хонандагор вохӯрӣ баргузор карда шуд.

Дар чорабинии мазкур сармутахассиси ҳифзи ҳуқуқи кӯдаки МИҲД - и шаҳр Матлуба Сатторова, сармутахассиси бахши кор бо занон ва оилаи МИҲД Мадина Каримова, иҷрокунандаи вазифаи мудири бахши танзими анъана ва ҷашну маросим Аҳлиддин Тоҷиддинов, намояндаи шуъбаи маорифи шаҳр Фирӯз Ғаниев иштирок ва суханронӣ намуданд.