Қабули сайёри муроҷиатҳои шаҳрвандон аз ҷониби прокуратураи шаҳр

Имрӯз, 19 ноябри соли 2022 аз тарафи прокурори шаҳри Гулистон мушовири адлияи дараҷаи 1 муҳтарам Вазирзода Вазир Зокир дар Ҷамоати шаҳраки Зарнисори шаҳри Гулистон, ки аз маркази шаҳр дар фосилаи 130 км ҷойгир шудааст бо истиқоматкунандагони шаҳрак қабули сайёри шаҳрвандон гузаронида шуд.

Аз тарафи прокурори шаҳр муроҷиатҳо вобаста таъмири хонаҳои истиқоматии баландошёна, тоза намудани қубурҳои обу ташноби биноҳои истиқоматӣ,  таъмири кулуби фарҳанг, сохтани варзишгоҳ, иваз намудани хати интиқоли барқ ва таъмин намудан бо ҷойи кор қабул карда шуда, доир ба моҳияти онҳо тибқи қонунгузориҳо дар соҳаи тандурустӣ, сиёсати давлатии ҷавонон ва энергетика тавзеҳот дода шуд.

Ҳамчунин, муроҷиати хаттии 7 нафар истиқоматкунандагони шаҳраки мазкур қабул карда шуда, барои баррасии онҳо чораҳои таъхирнопазир андешида шуда, ҳама муроҷиатҳо дар ҷойи худ ҳаллу фасл гардиданд.

Баргузории хониши сиёсӣ дар шаҳраки Адрасмон

Санаи 18-уми ноябри соли 2022 дар асоси нақшаи баргузории силсилаи мулоқоту вохўриҳо дар самти амалисозии татбиқи сиёсати давлатии ҷавонон ва хониши сиёсӣ таҳти унвони 30-соли ҳамбастаги бо Пешвои муаззами миллат, пешгирии шомилшавии ҷавонон ба ҳизбу ҳаракатҳои тундрав, ҷалби ҷавонон ба хизмати ҳарбӣ, пешгирии таълимоти ғайриқонунии динӣ, баланд бардоштани маданияти шаҳрдории ҷавонону наврасон ва манфиатҳои миллӣ, дар муассисаи таълимии №12-и деҳаи Зарчашмаи ҷамоати шаҳраки Адрасмони шаҳри Гулистон бо ҷавонони синни 14-18 сола вохӯрӣ баргузор карда шуд.

Дар вохӯрии мазкур Аҳлиддин Абдураҳмонов мудири бахши кор бо ҷавонон ва варзиши шаҳр, Фаридуншоҳ Абдуллоев сармутахассиси шуъбаи рушди иҷтимоӣ ва робита бо ҷомеаи дастгоҳи Раиси шаҳр ва Мақсудалиева Қ. директори муассисаи мазкур  иштирок ва суханронӣ намуданд.

Дар вохўрӣ бо ҷавонон оид ба нақши Иҷлосияи тақдирсоз дар барқарорсозии давлатдории миллӣ, пешгирии шомилшавии ҷавонон ба ҳизбу ҳаракатҳои терористиву экстромистӣ, бегонапарастӣ, аз даст надодани зиракии сиёсӣ ва маданияти шаҳрдорӣ ибрози назар карда шуда, ҳамзамон оид ба дастгириҳои давлатии ҷавонон, суханронӣ карда шуд.

ПАЙКИ ХУҶАСТА

Дар остонаи таҷлили ҷашнҳои  Иҷлосияи XVI Шӯрои Олии Ҷумҳурии Тоҷикистон  ва Рӯзи Президенти Ҷумҳурии Тоҷикистон аз ҷониби Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ба муассисаҳои кумаки авалияи санитарию тиббии шаҳри Гулистон 1 адад нақлиёти ёрии таъҷилии тиббии муҷаҳҳаз бо ҳамаи таҷҳизоти зарурӣ тақдим карда шуд.

Бо дастрас гардидани нақлиёти ёрии таъҷилии тиббии мазкур шароити хизматрасонии тиббии саривақтӣ ба аҳолӣ дар маркази шаҳр беҳтар мегардад.

Мақомоти иҷроияи ҳокимияти давлатии шаҳри Гулистон ва кормандони муассисаҳои кумаки авалияи санитарию тиббии шаҳр минатдории самимии хешро барои дастгириҳои пайваста ба соҳаи тиб ба Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва вазири тандурустӣ ва ҳифзи иҷтимоии аҳолии Ҷумҳурии Тоҷикистон Ҷамолиддин Абдуллозода мерасонад.

Сарвари давлат Эмомалӣ Раҳмон дар чорабинии тантанавӣ ба ифтихори 30-юмин солгарди Иҷлосияи XVI Шӯрои Олии Ҷумҳурии Тоҷикистон ва барномаи фарҳангӣ дар Муассисаи давлатии «Қасри Арбоб» иштирок карданд

16 ноябр Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар ноҳияи Бобоҷон Ғафурови вилояти Суғд дар чорабинии тантанавӣ ва ҷамъомади идона ба ифтихори ҷашни 30-юмин солгарди Иҷлосияи таърихии XVI Шӯрои Олии Ҷумҳурии Тоҷикистон иштирок ва суханронӣ карданд.

Дар чорабинии бошукуҳ, ки дар макони баргузории иҷлосияи таърихӣ — Қасри Арбоби ба номи Саидхуҷа Урунхоҷаев доир гардид, собиқ вакилони Иҷлосияи XVI Шӯрои Олии Ҷумҳурии Тоҷикистон, аъзои Ҳукумати кишвар, аъзои Маҷлиси миллӣ ва вакилони Маҷлиси намояндагони Маҷлиси Олии Ҷумҳурии Тоҷикистон, фаъолони вилоят ва дигар меҳмонони ҷашнвора иштирок намуданд.

Пешвои миллат муҳтарам Эмомалӣ Раҳмон ҳамаи иштирокчиён ва кулли мардуми кишварро бо солгарди иҷлосияи тақдирсозу таърихӣ, ки нуқтаи оғози барқарорсозии ҳокимияти конститутсионӣ, сулҳу оромӣ, суботи сиёсӣ, ваҳдати миллӣ, бунёди давлати соҳибистиқлоли тоҷикон ва ноил гардидан ба дастовардҳои имрӯзаи мардум мебошад, табрику таҳният гуфтанд.