Президенти Ҷумҳурии Тоҷикистон Эмомалӣ Раҳмон дар ҷаласаи Шӯрои амнияти дастҷамъии СААД иштирок намуданд

23 ноябр Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар шаҳри Еревани Ҷумҳурии Арманистон дар ҷаласаи Шӯрои амнияти дастҷамъии Созмони Аҳдномаи амнияти дастҷамъӣ (СААД) иштирок ва суханронӣ карданд.

Ҷаласаи Шӯрои амнияти дастҷамъӣ бо иштироки сарони давлатҳои аъзои Созмон таҳти раёсати Сарвазири Ҷумҳурии Арманистон, Раиси Шӯрои амнияти дастҷамъии Созмони Аҳдномаи амнияти дастҷамъӣ Никол Пашинян дар ҳайати маҳдуд оғоз гардида, кори он бо иштироки ҳайатҳои васеъ идома ёфт.

Дар кори ҷаласа сарони давлатҳои аъзои Шӯрои амнияти дастҷамъии Созмони Аҳдномаи амнияти дастҷамъӣ масъалаҳои мубрами амнияти байналмилалӣ ва минтақавӣ ва натиҷаҳои асосии фаъолияти Созмони Аҳдномаи амнияти дастҷамъиро баррасӣ карданд.

ПАРЧАМАТ ПАРАФШОН БОД, ТОҶИКИСТОН!

Имрӯз, 23.11.2022 дар толори мактаби санъати шаҳри Гулистон ба ифтихори 30-юмин солгарди Рӯзи қабули Парчами давлатии Ҷумҳурии Тоҷикистон конференсияи илмӣ таҳти унвони “Парчамат парафшон бод, Тоҷикистон!” бо иштироки ҷавонони муассисаҳои таълимии №1, №8, №14 ва гимназияи №1 баргузор карда шуд.

Дар конференсия мудири бахши ко бо ҷавонон ва варзиши шаҳр Аҳлиддин Абдураҳмонов, сармутахассиси шуъбаи рушди иҷтимоӣ ва робита бо ҷомеаи дастгоҳи Раиси шаҳр Фаридуншоҳ Абдуллоев ва директори МД Маркази таҳсилоти иловагии шаҳр иштирок ва суханронӣ намуданд.

Зикр карда шуд, ки дар таърихи инсоният парчам аз давраҳои қадим ҳамчун рамзи давлатдорӣ истифода мешуд. Силсилаи подшоҳони Пешдодӣ, Каёниёну Сосониён ва Сомониён дар лаҳзаҳои корзор аз дирафшу ливоҳои гуногунҳаҷму гуногунранг васеъ истифода мебурдаанд.

Табрикоти Раиси шаҳри Гулистон Раъно Ҳошимзода ба муносибати Рӯзи Парчами давлатии Ҷумҳурии Тоҷикистон

Ҳамшаҳриёни гиромӣ!

Парчами миллӣ нахустин нишони муқаддаси ҳар миллат, рамзи ҳувият, рамзи давлатдорӣ, рамзи ягонагии халқҳои як сарзамин мебошад. Парчами миллӣ симои сиёсии ҳар кишварро дар сатҳи ҷаҳонӣ таҷассум мекунад. Ҳусни ин симо, наҷобати ин симо, мазмуну мароми ин симоро нишон медиҳад.

Сӣ сол аст, ки дар тамоми гўшаи дунё Тоҷикистони соҳибистиқлолро оламиён аз парафшонии Парчами давлатиаш мешиносанд.

Парчам аз замонҳои қадим нишона ва рамзи муқаддаси ҳар миллату давлат будааст ва ба хотири ҳифзи он фарзандони бузурги миллат ҷонсупориҳо кардаанд.

Хушбахтона, ба шарофати истиқлолияти давлатӣ тоҷикон соҳиби Парчами миллӣ, яъне таҷассумгари гузаштаи шоён ва ояндаи дурахшон гардиданд.

Курси кутоҳмуддати "Зан сарвар" оғоз гардид

Бо дастгирии Мақомоти иҷроияи ҳокимияти давлатии шаҳри Гулистон ҷиҳати амалигардонии "Барномаи давлатии  тарбия, интихоб ва ҷобаҷогузории кадрҳои роҳбарикунанда аз ҳисоби занону духтарони болаёқат барои солҳои 2017-2022" аз рӯи нақшаи чорабинии барномаи мазкур курси кутоҳмуддати "Зан сарвар" санаи 21.11.2022 дар МД Маркази таҳсилоти иловагии шаҳри Гулистон оғоз гардид.

Дар курси кутоҳмуддати мазкур 40 нафар бонувони фаъол ба таҳсил ҷалб карда шуданд.

Ба таҳсилгирандагон дар рӯзи аввал Шуҷоат Ҳасановна намояндаи Шӯрои машваратчии ташкилотҳои ҷамъиятии вилояти Суғд оид ба "Баланд бардоштани мақом ва  нақши зан дар ҷомеа" дарс гуфт.